Imarisai

Saqqaata tullia

Imai

Jehovap Nalunaajaasui

Kalaallisut

Napasuliaq Alapernaarsuiffik – Atuaqqissaarutissaq  |  Juuli 2017

Atuartartut apeqqutaat

Atuartartut apeqqutaat

Kristumiu inunnut allanut imminut illersorumalluni aallaaseqarsinnaava, soorlu illuinnarsuuteqarluni qoorortooqarluniluunniit?

Kristumiut im­minut qanoq il­lersus­sanerlutik aalajangeraangamik najoq­qutas­sianik Biibilimiit­tunik maleruaasar­put. Najoq­qutas­sianit taak­kunan­nga erser­poq kristumiu eq­qun­ngitsulius­sasoq inun­nut al­lanut im­minut il­lersorumal­luni sak­koqaruni, soorlu il­luin­narsuuteqaruni, qooror­tooqaruni al­lamil­luun­niit aal­laaseqaruni. Mak­ku eq­qarsaatigeriak­kit:

Inuup inuunera Jehovap illernartutut isigaa. Tus­siaasior­toq Daavi Jehova pil­lugu ima al­lap­poq: “Ilin­ni ip­poq inuunerup puilaf­fia.” (Tuss 36:10) Taamaat­tumik kristumiu im­minut il­lersor­niarluni pigisaminil­luun­niit il­lersuiniarluni aalajangeruni inuup al­lap toquneranut pisuujumanani sapin­ngisani tamaat iliuuseqas­saaq. – 5 Mos 22:8; Tuss 51:16.

Ilumoor­poq inuk im­minut il­lersor­niarluni sumil­luun­niit ator­toqaruni inum­mik al­lamik toqutsisin­naasoq. Aal­laasil­li toqutsis­sutaariaan­naanerup­put, nalaatsor­nik­kut piaaraluniluun­niit. * Aam­ma imaas­sin­naavoq saas­sus­sisoq an­nilaangareersoq, saas­sus­sisorlu aal­laam­mik takusaqar­pat pis­sutsit navianarsinis­saat toqutaasoqar­nis­saaluun­niit ilimanar­nerulis­saaq.

Jiisusip toqussi aqaguttoq malinnitsini panalisaqqugamigit, taakkua imminut illersorsinnaanissaat eqqarsaatiginngilaa. (Luk 22:36, 38) Jiisusip taak­kunin­nga ilin­niar­titsinis­sani eq­qarsaatigaa: Malin­nitsini nakuusertussaanngillat inup­pas­suar­nik sak­kulin­nik siumugaqaraluarunil­luun­niit. (Luk 22:52) Petrusi palasiunerup inus­siaataanik panalersorfigin­nereersoq Jiisusip ima peq­quaa: “Panat puuanut manguguk.” Taava Jiisusi ul­lumik­kut kristumiunit suli malin­neqar­tumik najoq­qutas­siivoq: “Panalersor­tum­mi tamarmik pan­namik toqun­neqas­sap­put.” – Matt 26:51, 52.

Mika 4:3-mi siulittuutigineqartutut Guutip innuttaasa ‘panatik saffiorpaat assallatserummut savissaliaralugit, qalugiusatillu saviliaralugit viinnequtilerissutit’. Kristumiut eq­qis­sinermik nuan­narisaqar­ner­tik ilisimaneqaatigaat. Taman­na Guutip apustili Paulusi aq­qutigalugu peq­qus­sutaanut matumun­nga naaper­tuup­poq: “Ajor­toq akileqinasiuk ajor­toqataanik ... Ajor­nan­ngip­pat – ilis­si aalajangiisuusin­naagus­si – inuit tamaasa eq­qis­seqatiginiarsigit.” (Rom 12:17, 18) Paulusi imaan­naan­ngitsunik nalaataqar­taraluarluni, ilaatigut ‘piiaasut akor­nan­ni navianar­torsior­taraluarluni’, im­minut il­lersor­niaan­narluni najoq­qutas­sianik Biibilimiit­tunik unioq­qutitsin­ngisaan­nar­poq. (2 Kor 11:26) Guutimik tatigin­nip­poq qularutiginagulu siun­nersuutit Biibilimiit­tut ilisimas­susermik tun­ngavil­lit ‘sorsun­nermi sak­kunit atorluarsin­naanerusut.’ – Oqal 9:18.

Kristumiut inuuneq pigisanit naleqangaarnerutippaat. Nalun­ngilar­put inuup ‘sumik pigisaqar­nera inuuneranut aalajangiisuun­ngitsoq’. (Luk 12:15) Taamaat­tumik ujajaasumut aal­laasilim­mut saamasumik oqalun­neq iluaqutaan­ngip­pat Jiisusip siun­nersuutaa una malis­savar­put: “Ajor­tumik pin­nin­niar­tumut akersuuteqinasi.” Taman­na malik­kutsigu sunik tigorusutaanik tigusitit­tariaqarsin­naavar­put. (Matt 5:39, 40; Luk 6:29) * Soorunami pitsaaner­paasar­poq  pinerlun­nianit til­lin­niarfis­saq­qis­sutut isigineqalin­ngin­nis­saq. Uagutsin­nik saas­sus­sinis­saat ilimanan­ngin­nerus­saaq ‘nunap piinik usorsisimaaruteqan­ngin­nis­samik’ siun­nersuut Biibilimiit­toq malik­kutsigu. (1 Joh 2:16) Aam­ma il­lersuutigis­savar­put eq­qaamiut­ta Jehovamik Nalunaajaasutut eq­qis­sinermik nuan­narisaqar­tutut tusaamap­patigut. – Uss 18:10.

Kristumiut inoqatimik nalunngeqatiginnissutaannik ataqqinnittuupput. (Rom 14:21) Qatan­ngutit ilaasa qatan­ngutimik kristumiup inun­nut al­lanut im­minut il­lersorumal­luni aal­laaseqar­nera uis­suum­mis­sutigisin­naavaat al­laal­lu mamiatsaatigisin­naal­lugu. Imaas­sin­naavoq aal­laaseqar­nis­samut inatsisitigut pisin­naatitaaf­feqar­tugut, qatan­ngutivul­li asagatsigit taak­kua naak­kius­sutigisin­naasaan­nik iliuuseqarusun­navian­ngilagut. – 1 Kor 10:32, 33; 13:4, 5.

Kristumiut maligassaalluarusupput. (2 Kor 4:2; 1 Petr 5:2, 3) Kristumiu inun­nut al­lanut im­minut il­lersorumal­luni aal­laaseqar­pat, utoq­qaaner­tat taan­na Biibili tun­ngavigalugu siun­nersus­savaat. Taan­na aal­laaseqaan­nar­niarluni aalajangis­saguni maligas­saal­luar­navian­ngilaq. Tamatumalu kinguneranik ilagiin­ni akisus­saaf­feqarsin­naananilu im­mik­kut pisin­naatitaaf­feqarsin­naanavian­ngilaq. Taamatut­taaq pisoqas­saaq kristumiumut sulif­fim­minut atatil­lugu aal­laaseqar­tuar­tumut. Ajun­ngin­nerungaas­sagaluar­poq al­lamik sulif­fis­sarsioruni. *

Kristumiu im­minut qanoq il­lersus­sanerluni, ilaqut­taminik pigisaminil­lu qanoq il­lersuis­sanerluni sumilu sulis­sanerluni nam­mineq aalajanger­tariaqar­poq. Aalajangik­kanilu Biibilimik tun­ngaveqar­tit­tariaqar­pai. Guutit­ta ilisimas­susil­lip najoq­qutas­siuup­paatigut asagamisigut. Taamaat­tumik kristumiut Jehovamut at­taveqarluar­tut aalajanger­tar­put inunnut allanut imminut illersornermut atugassaminnik aallaaseqarniarnatik. Nalun­ngilaat Guuti tatigigunik­ku najoq­qutas­sial­lu Biibilimiit­tut naaper­torlugit inuugunik naas­saan­ngitsumut toq­qis­sisimavis­sin­naal­lutik. – Tuss 97:10; Uss 1:33; 2:6, 7.

Annikilliornartussarsuarmi kristumiut Jehova tatigiumaarpaat imminullu illersorniarnaviaratik

^ par. 3 Kristumiu aalajangersin­naavoq aal­laaseqar­niarluni (qooror­tuumik tim­miarsium­mil­luun­niit) piniutis­saminik uumasunul­luun­niit nujuar­tanut il­lersuutis­saminik. Aal­laal­li atun­ngik­kaangamiuk imaar­tas­savaa im­maqalu al­laat isater­tarlugu par­naarsin­naasumilu isuman­naatsumiitit­tarlugu. Sumiif­fin­ni aal­laaseqar­nis­samik iner­teq­quteqarfiusuni nunaniluun­niit aal­laaseqarsin­naanermik arlaatigut kil­lilersuif­fiusuni kristumiut inatsisinik malin­nit­tariaqar­put. – Rom 13:1.

^ par. 6 Atoqatigiin­nis­samut pin­ngitsaaliniar­neqaraan­ni im­minut qanoq il­lersor­toqarsin­naasoq sam­mineqar­poq al­laaserisami uani: “Hvordan man undgår at blive voldtaget”, Vågn op! marsip 8-at 1993-imoor­toq.

^ par. 2 Aal­laaseqar­nis­samik piumasaqarfiusuni sulif­feqar­neq pil­lugu paasisaqar­nerorusuk­kuit takuuk Vagttårnet novembarip aal­laq­qaataat 2005-imoor­toq, qupp. 31; aam­ma oktobarip 15-iat 1983-imoor­toq, qupp. 17.