Imarisai

Saqqaata tullia

Imai

Jehovap Nalunaajaasui

Kalaallisut

Napasuliaq Alapernaarsuiffik – Atuaqqissaarutissaq  |  Januaari 2018

Sooq sunik tamanik peqartumut tunisisassaagut?

Sooq sunik tamanik peqartumut tunisisassaagut?

“Guuterput, ... qutsavigiumavatsigit atillu illernartoq unnersiutigalugu.” – 1 NAL 29:13.

ERINARSUUTIT: 1, 48

1, 2. Jehova uagutsin­nut qanoq tuk­kor­tuua?

JEHOVA Guutiuvoq tuk­kor­toq. Pigisavut suut tamarmik taas­suman­ngaan­neer­put. Nunarsuarmi erlin­nar­tut pisuus­sutil­lu pin­ngor­titamiit­tut tamaasa pigai inuuin­nar­titsiniarlunilu ator­tarlugit. (Tuss 104:13-15; Hagg 2:8) Jehovap erlin­nar­tut atorlugit tupin­nar­tuliorluni in­nut­taminik qanoq pilersuisar­neranik oqalut­tuar­pas­suit Biibilimi al­las­simap­put.

2 As­sersuutigalugu ukiuni 40-ni Israelik­kut inoqajuitsumiin­neran­ni man­nanik imermil­lu Jehovap pilersor­pai. (2 Mos 16:35) Taamaalil­lutik ‘ajorsaateqan­ngil­lat’. (Neh 9:20, 21) Aam­ma pruf­fiiti Elisa aq­qutigalugu Jehovap tupin­nar­tuliorluni uil­lar­nerup aalajaatsup uuliaataa nungutsaaligal­lar­paa. Guutip tunis­suteqar­neratigut uil­lar­nerup akiitsoqarfini akilersin­naaler­pai, aam­ma er­ninilu inuus­sutigisas­samin­nik naam­mat­tumik aningaasaateqaler­put. (2 Kng 4:1-7) Jehoval­lu ikiuineratigut Jiisusi nerisas­sanik al­laal­lu  aningaasanik pisariaqar­titsisoqar­til­lugu tupin­nar­tulior­nik­kut pilersitsivoq. – Matt 15:35-38; 17:27.

3. Al­laaserisami matumani suut sam­mis­savavut?

3 Jehovap pin­ngor­titaminik pilersuiniarluni pisariaqar­tut suul­luun­niit atorsin­naavai. Kiffanili pigisatigut peqatigiis­sor­taminik tapersersueq­quai. (2 Mos 36:3-7; Ussatit 3:9 atuaruk). Sooq pisuus­sutigisat­ta taas­sumun­nga uter­tin­nis­saanik Jehovap piumaf­figaatigut? Biibilip nalaani Jehovap kif­fai taas­suma suliaanik qanoq tapersersuip­pat? Nalitsin­ni aningaasat tunis­sutigineqar­tar­tut peqatigiis­sor­taanit qanoq ator­neqar­tar­pat? Al­laaserisami matumani apeq­qutit taak­ku akis­sutis­sarsis­savavut.

SOOQ JEHOVAMUT TUNISISARPUGUT?

4. Jehovap suliaanik tapersersuil­luta tunis­suteqaraangat­ta suna takutit­tar­par­put?

4 Jehova asal­lugulu qujamasuf­figigatsigu taas­sumun­nga tunisisar­pugut. Jehovap uagut pil­luta iliuuserisar­pas­sui eq­qarsaatigigaangatsigit kil­litsingaar­tar­pugut. Naalaf­filior­toqar­nis­saanik sunik pisariaqar­titsisoqar­nera pil­lugu nas­suiaagami kun­ngi Daavi taama misigivoq. Daavi oqar­poq pigisavut tamarmik Jehovameersuusut suul­lu tamaasa taas­sumun­nga tun­nius­savut taas­suman­nga pis­sarsiarisimagivut. – 1 Nalunaarsuutit 29:11-14 atuakkit.

Jehova asagatsigu tunis­suteqarfigisar­par­put

5. Pal­lorfigin­nin­nermi ilumoor­tumi nam­minis­sarsiorani tunisisar­nis­sap pingaaruteqar­nera Biibilimit qanoq erser­pa?

5 Jehovamut tunis­suteqar­tar­ner­put aam­ma pal­lorfigin­nin­nitsin­nut ilaavoq. Apustili Johan­nesi takorruuisitaanermini Jehovap kif­fai qilam­miit­tut ima oqar­tut tusaavai: “Il­lit, Naalagar­put Guuter­pul­lu, qin­ngaq­qun­nan­ngil­lat pigis­sal­lugit naalan­naat ataq­qinaal­lu pis­saanerlu; il­lim­mi suut tamaasa pin­ngor­tip­patit, il­lit piumasak­kut piuler­put pin­ngor­titaal­lutil­lu.” (Saqq 4:11) Jehova naalan­naam­mik ataq­qinaam­mil­lu pisus­saatitaam­mat tunis­sutigisin­naasat­ta pitsaaner­paat tun­niut­tar­nis­saat pis­susis­samisuuin­nar­poq. Jehovap Israelik­kut ukiumut pingasoriarlutik nal­liut­torsior­tar­nis­saan­nik Mosesi aq­qutigalugu piumaf­figai. Nal­liut­torsior­ner­ni pal­lorfigin­nin­nermin­nut atatil­lugu Jehovamut tunisisar­put. ‘Nas­sataqan­ngitsumik Jehovap kiinaanut tak­kut­toqan­ngin­nis­saanik’ peq­quneqar­put. (5 Mos 16:16) Aam­ma nalitsin­ni nam­minis­sarsiorata tunisisar­ner­put pal­lorfigin­nin­nitsin­ni pingaaruteqar­tunut ilaavoq. Taamaalior­nik­kut Jehovap peqatigiis­sor­taasa suliaan­nik pingaar­titsiner­put tapersersuiner­pul­lu ersersit­tar­par­put.

6. Sooq tun­nius­sisar­ner­put uagutsin­nut iluaqutaasar­pa? (Al­laaserisap aal­laq­qaataani as­sit takuk­kit).

6 Tunineqaan­narata tun­nius­sisar­ner­put uagutsin­nut iluaqutaasar­poq. (Ussatit 29:21 atuaruk). Meeraq angajoq­qaaminit kaasarfim­mius­sani atorlugit angajoq­qaani tunis­sutis­sarsigai takorlooruk. Tun­nius­saa angajoq­qaavisa qujamasuutigingaas­savaat, ilaa? Takorloorul­luun­niit pioneri inuusut­toq angajoq­qaamini suli najugalik il­lumi aningaasar­tuutinut ikiuiumal­luni aningaasanik angajoq­qaaminut  tunisisar­toq. Angajoq­qaavisa taamaalior­nis­saa im­maqa piumasarin­ngik­kaluarlugu qitor­namik qujamasun­nerminik ersersitseriaasiinut ilaam­mat tunineqar­ner­tik akueraat. Taamatut­taaq pigisatsin­nik tun­nius­sisar­nit­ta uagutsin­nut iluaqutaasar­nera Jehovap nalun­ngilaa.

ITSAQ GUUTIP KIFFAI QANOQ TUNISISARTUT

7, 8. Biibilip nalaani Jehovap in­nut­tai tunisinermi qanoq maligas­siuip­pat (a) sulianut aalajangersimasunut tun­ngatil­lugu? (b) suliamik tapersiinermik­kut?

7 Nam­mineq pigisanik tunis­suteqar­neq pil­lugu Biibilimi al­las­simasut ilin­niarfigaavut. Ilaan­nik­kut suliamut aalajangersimasumut atatil­lugu Jehovap in­nut­tai tunisisar­put. As­sersuutigalugu Israelik­kut il­ler­nar­tuum­mik sananermi atugas­sanik tun­nius­saqar­nis­saan­nik Mosesimit piumaf­figineqar­put. Kingusin­nerusuk­kut naalaf­filior­nis­samut kun­ngi Daavi aam­ma taamatut peq­qusivoq. (2 Mos 35:5; 1 Nal 29:5-9) Kun­ngip Joaship naalak­kersuinerata nalaani palasit naalaf­fim­mik iluarsar­tuus­sinermi aningaasat inuit tun­nius­saat ator­paat. (2 Kng 12:5, 6) Kristumiut siul­liit nalaan­ni Judæami kaan­nersuaqarmat qatan­ngutit pisariaqar­titsinerat paasigamik­ku kristumiut ‘aalajanger­put tamarmik pisin­naasar­tik naaper­torlugu ikiuutis­sanik nas­sitsiniarlutik’. – ApS 11:27-30.

8 Aam­ma suliami siut­tut tapersersor­niarlugit Jehovap in­nut­tai tunisisar­put. As­sersuutigalugu Mosesip inatsisaani Levik­kut naggueqatigiis­sor­tatut al­latul­li nunamik kingor­nus­sisus­saan­ngil­lat. Israelik­kut sin­nerisa pis­sarsiamik qulingi Levik­kun­nut tun­niut­tar­paat. Taman­na Levik­kut il­ler­nar­tuum­mi kif­far­tor­nermik isumagil­luar­nerunis­saanut iluaqutigaat. (4 Mos 18:21) Taamatut­taaq ar­nat tuk­kor­tut pigisatik atorlugit Jiisusimik ajoqersugaanil­lu tapersersuisar­put. – Luk 8:1-3.

Pisuut piitsul­lu tamarmik arlaan­nik tunis­suteqarsin­naap­put

9. Itsaq tunis­sutigineqar­tar­tut sumin­ngaan­neer­pat?

9 Tunis­sutigineqar­tar­tut as­sigiin­ngitsuneersuup­put. Il­ler­nar­tuum­mik sananermi Israelik­kut tun­nius­saat tas­saasimagunar­put erlin­nar­tuutit Egyptenimit anigamik pis­sarsiarisimasaat. (2 Mos 3:21, 22; 35:22-24) Kristumiut siul­liit nalaan­ni taak­kua ilaat pigisatik, soorlu nunaatitik il­luutitil­lu, tuneriarlugit aningaasanik apustilinut tun­nius­sip­put. Qatan­ngutinik pisariaqar­titsisunik ikiuinermi aningaasat taak­ku apustilinit agguaan­neqar­tar­put. (ApS 4:34, 35) Kristumiut al­lat suliamik tapersersuiniarlutik ileq­quliul­lugu aningaasanik im­mik­koor­titsisar­put. (1 Kor 16:2) Taamaalil­luni pisuut piitsul­lu tamarmik arlaan­nik tunis­suteqarsin­naap­put. – Luk 21:1-4.

NALITSINNI QANOQ TUNISISARTUGUT

10, 11. (a) Biibilip nalaani Jehovap kif­fai tuk­kor­tut qanoq ilaarsin­naavavut? (b) Guutip naalagaaf­fiata sulinerani tapersersueqataasin­naanerit qanoq isumaqarfigaajuk?

10 Aam­ma uagut siuner­tamut aalajangersimasumut tun­ngatil­lugu tunis­suteqaq­qul­luta kajumis­saar­neqarsin­naavugut. Im­maqa ilagiit naalagaaf­filersaarfim­mik iluarsar­tuus­sinis­samik nutaamil­luun­niit  sanaar­tor­nis­samik pilersaaruteqar­put. Im­mik­koor­tor­taqarfiul­luun­niit nutarsar­neqar­nis­saa pisariaqalersimavoq. Im­maqa ataatsimeersuar­nermi aningaasar­tuutinik matus­susiinermi ikiuutaasin­naavugut. Qatan­ngutivul­luun­niit al­lami najugal­lit pin­ngor­titami ajunaar­nersuaqar­neranit eq­qugaasimap­put ikiorsiis­sutinil­lu pisariaqar­titsil­lutik. Aam­ma ajoqersuiar­tor­titanik, specialpionerinik, nak­kutil­liisunik angalasar­tunik aam­ma qul­lersaqarfitsin­ni nunarsuarlu tamak­kerlugu im­mik­koor­tor­taqarfin­ni sulisunik pilersuiner­ni tunis­sutivut ator­neqar­tar­put. Aam­ma nunarsuaq tamak­kerlugu ataatsimeersuar­tarfin­nik naalagaaf­filersaarfin­nil­lu sanaar­tor­ner­ni tapersiis­sutinik im­maqa ilagiit nas­sius­sisar­put.

11 Ul­luni kingul­ler­ni mak­kunani Jehovap peqatigiis­sor­tai tapersersorumal­lugit tamat­ta arlaan­nik tun­nius­saqarsin­naavugut. Tunisisut amerlanersaasa kik­kuunerat ilisimaneqan­ngilaq. Naalagaaf­filersaarfim­mi aningaasanik nak­kaatitsivim­mut jw.org-ik­kul­luun­niit inter­netik­kut aningaasanik ikisigaangat­ta qanoq an­ner­tutigisumik tun­nius­sisimanerluta al­lanut ilisimatin­neq ajor­par­put. Misigiguim­mi tun­nius­satit an­nikip­pal­laar­tut? Taava eq­qarsaatigiuk peqatigiif­fitsin­ni tun­niun­neqar­tar­tut amerlanersaat tas­saasut tunis­sutit an­nikin­nerusut, imaan­ngitsoq tunis­sutit an­ner­tuut amerlan­ngitsut. Al­laat qatan­ngutit­ta piitsut kristumiut siul­liit Makedoniamiut ilaar­tar­paat. Taak­ku piitsuungaaraluarlutik tuniserusungaar­put an­ner­tuunil­lu tunis­suteqarlutik. – 2 Kor 8:1-4.

12. Siulersuisoqatigiit tunis­sutit qanoq pitsaaner­paamik ator­niar­tar­paat?

12 Aningaasat peqatigiif­fim­mut tunis­sutigineqar­tut ator­neqar­nis­saan­nut tun­ngatil­lugu Siulersuisoqatigiit aalajaal­lutil­lu silatusaar­niar­tar­put. (Matt 24:45) Aalajangiil­luarumal­lutik qinusar­put aningaasal­lu qanoq ator­neqas­sanersut pilersaarusioq­qis­saar­tarlugu. (Luk 14:28) Biibilip nalaani angutit aalajaatsut nak­kutigin­nit­tuusut tunis­sutit taamaal­laat Jehovamik pal­lorfigin­nin­nermut ator­neqar­tar­nis­saat qulak­keer­tar­paat. As­sersuutigalugu Ezra Persiap kun­ngianit tunis­sutit, kuulti, sølvit erlin­nar­tuutil­lu al­lat ul­lumik­kut koruunit mil­liardit af­faat sin­nerujus­suarlugit nalil­lit nas­sarlugit Jerusalemimut uter­poq. Ezra taak­ku Jehovamut tunis­sutitut isigigamigit nunani ulorianar­tuk­koor­ner­ni paaril­luaq­qis­saar­neqar­nias­sam­mata im­mik­kut ilitsersuus­sivoq. (Ezra 8:24-34) Ukior­pas­suit qaangiut­tut apustili Paulusi qatan­ngutit Judæamiit­tut pisariaqar­titsisut ikior­niarlugit aningaasanik katersuisitsivoq. Aningaasanik nak­kutigin­nit­tus­sat “suna eq­qor­tuusoq Naalak­kap isaani piin­nar­nani inuit­taarli isaan­ni” un­neq­qaril­lutik ingerlatsinis­saat qulak­keer­paa. (2 Korinthimiut 8:18-21 atuakkit). Ul­lumik­kut peqatigiif­fitsin­ni angutit akisus­saaf­fil­lit Ezra Paulusilu ilaar­niar­tar­paat tunis­sutil­lu silatusaar­tumik ator­tarlugit.

13. Sooq peqatigiif­fitsin­ni kingul­ler­tigut al­lan­nguisoqarsimava?

13 Ilaqutariit aningaasat iser­titatik sin­nerlugit atuiumanatik aningaasar­tuutimin­nik al­lan­nguisin­naap­put. Inooriaatsimin­niluun­niit pisariil­lisaasin­naap­put Jehova kif­far­torfiginerusin­naanias­sagamik­ku. Jehovap peqatigiis­sor­taanut tun­ngatil­lugu aam­ma taamaap­poq. Ukiuni kingul­ler­ni sanaar­tor­nik­kut nutaanik sulias­sar­pas­suaqarsimavoq, ilaan­nik­kul­lu aningaasat tunis­sutigineqar­tar­tut sin­nerlugit  atuisoqar­tarsimal­luni. Taamaam­mat ilis­si tuk­korlusi tunis­sutisi pitsaaner­paamik atorsin­naajumal­lugit Jehovap peqatigiis­sor­tai, ilaqutariit as­sigalugit, aningaasanik sipaarumal­lutik suliamik pisariil­lisaap­put.

TUNISSUTISSI ILUAQUTAAT

14-16. (a) Tunis­sutisi sunut ator­neqar­tar­pat? (b) Taak­ku il­lit qanoq iluaqutigaagit?

14 Ukior­pas­suar­ni Jehovamut kif­far­tor­tut ilar­pas­sui oqar­tar­put maan­na peqatigiif­fitsin­nit tunis­sutinik aatsaat taama pis­sarsiaqar­tigalutik. Maan­na jw.org aam­ma JW Broadcasting pigaavut. Biibilimik nutsigaq New World Translation of the Holy Scriptures oqaatsini amerlasuuni pigaar­put. 2014/2015-imi ul­luni pingasuni ataatsimeersuar­nerit nunanit tamalaanit peqataaf­figineqar­tut “Guutip naalagaaf­fia ujaq­qaarsiuk!”-mik qulequtal­lit nunani as­sigiin­ngitsuni il­loqarfis­suar­ni 14-ini timersor­tarfis­suit anginersaasa ilaan­ni ingerlan­neqar­put. Peqataasut najuus­sin­naagamik tamarmik nuan­naaqaat!

Tunissutisi nunarsuaq tamakkerlugu suliamut iluaqutaasarput (Immikkoortut 14-16 takukkit)

15 Jehovap peqatigiis­sor­taanit tunis­sutinik qujamasuutigin­nin­nermin­nik ersersitsisut amerlap­put. As­sersuutigalugu aap­pariit Asiami kif­far­tor­tut ima al­lap­put: “Il­loqarfeeq­qami sulias­sin­neqar­pugut. Ilaan­nik­kut kisimiit­tutut misigisar­pugut Jehoval­lu suliaa qanoq siam­marsimatiginersoq puior­toor­tarlutigu. Kisian­ni JW Broadcasting isigin­naaraangatsigu nunarsuaq tamak­kerlugu qatan­ngutigiis­suar­nut ilaanitsin­nik eq­qaasin­neqar­tar­pugut. Qatan­ngutit­ta maani nunaqavis­sut JW Broadcasting nuan­nareqaat. Oqar­tar­put qaam­mam­mut aal­lakaatitas­siat isigin­naareeraangamik­kit Siulersuisoqatigiit ilaasor­taan­nut qanin­nerusutut misigiler­tarlutik. Maan­na Guutip peqatigiis­sor­taanut ilaaner­tik aatsaat taama tul­luusimaarutigitigaat.”

16 Nunarsuaq tamak­kerlugu naalagaaf­filersaarfiit 2.500-ngajaat maan­na sananeqarlutil­luun­niit nutar­ter­neqar­put.  Hondurasimi ilagiit ataatsit oqar­put nam­min­neq naalagaaf­filersaarfeqarlutik takorloor­tarsimal­lugu, maan­nalu kis­saatigisaat piviusun­ngor­poq. Ima al­lap­put: “Jehovap qilam­mi nunamilu ilaqutariis­sor­taanut ilaaner­put nuan­naarutigingaarlugulu nunarsuaq tamak­kerlugu qatan­ngutigiis­suit nuan­naarutigingaar­pavut.” Amerlasuut taama misigisar­put Biibili Biibililersaarutil­lu nam­min­neq oqaatsimin­ni pis­sarsiarigaangamik­kit, pin­ngor­titami ajunaar­nersuar­nit eq­qugaasimatil­lutik qatan­ngutimin­nit ikior­neqaraangamik angalaarfigisar­tak­kamin­niluun­niit il­loqarfis­suar­nilu tamanut oqaluus­sinerit sun­niuteqarluar­tut takugaangamik­kit.

17. Jehovap peqatigiis­sor­taminik tapersersuinera qanoq nalun­ngilar­put?

17 Aningaasat kajumis­sutsimik tunis­sutigineqarsimasut kisiisa atorlugit suliar­pas­suavut qanoq iliuuserisin­naanerivut inup­pas­suit paasisin­naan­ngilaat. Sulif­feqarferujus­suup siulersuisuisa ilaat naqiterivit­ta ilaan­nut takor­nariar­poq. Aningaasanik katersuiniar­titsisoqan­ngisaan­naraluar­toq, tas­sa kajumis­sutsimik tunis­sutit kisiisa atorlugit, kajumis­sutsimin­nil­lu sulisunit suliat­ta naam­mas­sineqar­tar­nera tupigusuutigingaar­paa. Suliat­ta ajor­naraluar­nera oqaatigaa. Tamatumun­ngalu isumaqataavugut! Aatsaat Jehova tapersersuim­mat suliat­ta pisin­naanera nalun­ngilar­put. – Jobi 42:2.

JEHOVAMUT TUNISIGAANGATTA PILLUAQQUSSUTIT

18. (a) Naalagaaf­fim­mik tapersersuigaangat­ta qanoq pil­luaq­quneqar­tar­pugut? (b) Meeq­qavut soqutigin­nit­tul­lu taamaalioq­qul­lugit qanoq ilin­niar­tis­sin­naavavut?

18 Naalagaaf­fiup sulineranut tapersersueqataanis­samik Jehovap ataq­qinaatis­sil­lutalu periarfis­sip­paatigut, neriorsuivorlu taamaaliorut­ta pil­luaq­qujumaarluta. (Mal 3:10) Tuk­korluta tunisigut­ta ingerlal­luarumaar­tugut neriorsuivoq. (Ussatit 11:24, 25 atuakkit). Aam­ma oqar­poq tunisigut­ta pil­luas­sasugut, ‘tunisinermi pil­luar­nar­neruvoq tigusinermit’. (ApS 20:35) Meeq­qavut soqutigin­nit­tul­lu suliamut qanoq tapersersueqataal­lutil­lu pil­luaq­qusaasin­naanersut oqaatsitsigut iliuutsitsigul­lu ilin­niar­tis­sin­naavavut.

19. Al­laaserisaq sunis­samut kajumis­sis­sutigaajuk?

19 Pigisavut tamarmik Jehovamit pip­put. Taas­sumun­nga tun­nius­seq­qik­kaangat­ta asal­lugu iliuuserisar­pas­suilu pingaar­til­lugit takutit­tar­par­put. (1 Nal 29:17) Israelik­kut naalaf­fiup sanaar­tor­neranut tunis­suteqareerlutik tipaatsup­put ‘tas­sami Jehovamut tunis­sutitik uum­matimik­kut kajumil­lutik tun­nius­simagamik­kit’. (1 Nal 29:9) Qanor­toq aam­ma uagut Jehovamit pis­sarsiarisatsin­nik uter­titsil­luta tunis­suteqar­nitsigut nuan­naar­tuarlutalu nalerisimaar­tuarisa.