Imarisai

Saqqaata tullia

Imai

Jehovap Nalunaajaasui

Kalaallisut

Napasuliaq Alapernaarsuiffik – Atuaqqissaarutissaq  |  Februaari 2017

Atuartartut apeqqutaat

Atuartartut apeqqutaat

Apustili Paulusi allappoq Jehovap ‘akuersaarumanngikkaa artukkatsinnik usserneqarnissarput’. (1 Kor 10:13) Taava imaappa Jehovap siunissami suut naammagalugit atorsinnaagivut nalileriarlugu qanoq misilinneqarnissarput siumut aalajangereertaraa?

Taman­na ilumooraluar­pat inuunitsin­nut qanoq sun­niuteqas­sasoq eq­qarsaatigiuk. As­sersuutigalugu qatan­ngutip angutip er­nermi im­minor­nera aliasuutigingaar­paa. Eq­qarsaatigaa Jehovap siunis­sami pisus­sat paaseriarlugit nulianilu marluul­lutik pisoq alianangaar­toq taman­na naam­magalugu atorsin­naagitsik aalajangersimaneraa. Isum­mersin­naavugut Jehovap inuunitsin­ni pisut tamaasa aqut­tarai?

Korinthimiunut al­lak­kat siul­liit 10:13 misis­soq­qis­saarutsigu paasis­savar­put Jehovap siunis­sami suut naam­magalugit atorsin­naagivut nalileriarlugu qanoq misilin­neqar­nis­sar­put siumut aalajangereer­neq ajoraa. Sooq taamatut oqarsin­naavugut? Pis­sutaasut sisamat misis­soriar­tigit.

Siullertut, Jehovap inuit nammineq aalajangiisinnaatippai. Qanoq inuuniar­nerluta nam­mineq aalajangis­sagip­put kis­saatigaa. (5 Mos 30:19, 20; Jos 24:15) Jehovap iluarisaanik aalajangiigut­ta siulersus­sagaatigut tatigisin­naavar­put. (Uss 16:9) Ajor­tumil­li aalajangiinit­ta kingunipilui ator­tariaqar­tar­pavut. (Gal 6:7) Taava Jehovap qanoq misilin­neqar­nis­sar­put aalajanger­tar­pagu oqar­toqarsin­naava nam­mineq aalajangiisin­naas­suseqar­tugut?

Aappaattut, Jehovap ‘nalaatsornertigut pisartunut’ illersorneq ajorpaatigut. (Oqal 9:11, Testamentitoqaq) Inuk nalaatsor­nik­kut alianarluin­nar­tumik nalaataqarsin­naavoq. Jiisusip inuit 18-it napasuliaq up­pim­mat ajunaar­tut eq­qaagamigit Guutip taak­kua toquneran­nut pisuun­ngin­nera erseq­qis­sar­paa. (Luk 13:1-5) Ajunaar­toqan­ngin­nerani Guutip kik­kut aniguis­saneran­nik kik­kul­lu toqus­saneran­nik aalajangiisar­neranik eq­qarsar­neq tun­ngavis­saqan­ngilaq.

Pingajuattut, Jehovamut aalajaanniarnerluta nammineq aalajangertussaavarput. Jehovap kif­fai Saatanip nam­minis­sarsiorlutik kif­far­tor­nerar­pai. Oqar­poq misilin­neqarut­ta Jehova ilumoorfigiun­naas­sagip­put. (Job 1:9-11; 2:4; Saqq 12:10) Jehovap misilin­neqar­ner­nut il­lersor­taraluar­patigut Saatani ilumoorsimas­sagaluar­poq.

Sisamaattut, Jehova siunissami nalaatassavut ilisimaniarnagit aalajangertarpoq. Soorunami piumaguni siunis­sami pisus­sat Jehovap ilisimasin­naavai. (Es 46:10) Biibilimili ersersin­neqar­poq pisus­sat ilaat ilisimareer­niar­nagit aalajanger­tar­toq. (1 Mos 18:20, 21; 22:12) Jehovap asan­nil­lunilu naaper­tuil­luar­tuugami nam­mineq aalajangiinis­samut kif­faan­ngis­suser­put ataq­qivaa. – 5 Mos 32:4; 2 Kor 3:17.

Taavami Paulusip suna pivaa Jehova pil­lugu ima al­lak­kami: “Akuersaaruman­ngilaa ar­tuk­kas­sin­nik us­ser­neqar­nis­sarsi”? Paulusip matumani misilin­neqar­ner­put sioqqullugu pisut pin­nagit misilinneqarnitsinni Jehova qanoq ilior­tar­toq al­laatigaa. * Jehovap tatigigutsin­ni inuunitsin­ni misilin­neqar­ner­ni qanoq it­tuniluun­niit ikius­savaatigut. (Tuss 55:23) Maan­na Paulusip taamatut al­lan­neranut pis­sutaasut marluk misis­sus­savavut.

Pis­sutaasut siul­lersaat tas­saavoq misilin­neqar­nerit nalaat­tak­kat­ta ‘inuit atortagaattut iinnarnerat’. Saatanip silarsuaani matumani inuutil­luta tamat­ta erloqinar­tunik, im­maqa al­laat alianangaar­tunik, nalaataqar­tas­saagut. Jehovali tatigigutsigu misilin­neqar­nermi piner­tusaarsin­naal­lutalu ilumoorfigin­nit­tuarsin­naavugut. (1 Petr 5:8, 9) Korinthimiunut al­lak­kat siul­liit 10:6-11 Paulusip  Israelik­kut inoqajuitsumi misilin­neqar­nerisa ilaat al­laatigai. Jehovamik tatigin­nit­tut misilin­neqar­ner­ni piner­tusaar­put. Israelik­kul­li ilaat Jehovamut naalan­ngip­put. Jehova tatigin­ngin­namik­ku ilumoorfigin­ngilaat.

Pis­sutaasut aap­paat tas­saavoq ‘Guutip unneqqarinnera’. Taman­na qanoq paasisariaqar­pa? Oqalut­tuarisaanerup ingerlanerani Jehovap in­nut­taminik isumas­suisar­nera eq­qarsaatigigutsigu paasis­savar­put ilumoorfigin­nil­luni ‘asan­nitsini peq­qus­sutiminil­lu maleruaasut’ ikior­tarai. (5 Mos 7:9) Paasivar­put Jehovap neriorsuutini eq­quutitit­tuaan­narai. (Jos 23:14) Aam­ma qularin­ngis­sin­naavar­put (1) Jehovap misilin­neqar­nerit ar­tor­narsil­luin­nar­nis­saat akuersaar­navian­ngik­kaa aam­ma (2) ‘aniguif­fis­satsin­nik pilersitsiumaar­nera’.

Jehova ‘annikilliuuteqarnitsinni tamani uatsinnik tuppallersaasarpoq’

Jehova tatigin­nitsiminut qanoq ‘aniguif­fis­samik pilersitsisar­pa’? Soorunami misilin­neqar­neq atuuk­kun­naarsis­sin­naavaa. Eq­qaamajul­li Paulusi ima al­lam­mat: “Us­ser­neqar­nermut ilagitil­lugu aniguif­fis­saq pilersis­savaa artorsartitaaqqunasi.” Jehova amerlaner­tigut ilumoorfigiuar­nias­sagatsin­ni nakus­satsin­nitsigut aniguif­fis­samik pilersitsisar­poq. Qanoq taamaalior­tar­toq sam­meriar­tigu.

  • Jehova “an­nikil­liuuteqar­nitsin­ni tamani uatsin­nik [tup­pal­lersaasar­poq]”. (2 Kor 1:3, 4) Biibili, anersaani il­ler­nar­toq inus­siarlu aalajaatsoq atorlugit isumar­put uum­mater­pul­lu eq­qis­sitis­sin­naavai. – Matt 24:45; Joh 14:16; Rom 15:4.

  • Jehovap anersaani il­ler­nar­toq atorlugu siulersorsin­naavaatigut. (Joh 14:26) Biibilimi oqalut­tuanik najoq­qutas­sianil­lu eq­qaaman­nin­nis­samut taamaalil­lutalu silatusaar­tumik aalajangiisar­nis­samut anersaaq il­ler­nar­toq iluaqutigisin­naavar­put.

  • Jehovap in­ngilini atorlugit ikiorsin­naavaatigut. – Hebr 1:14.

  • Jehovap qatan­ngutit atorlugit ikiorsin­naavaatigut. Taak­ku iliuutsimik­kut oqaatsimik­kul­lu nakus­satsis­sin­naavaatigut. – Kol 4:11.

Korinthimiunut al­lak­kat siul­liit 10:13-imi Paulusip oqaasii qanoq ilin­niarfigaavut? Jehovap qanoq misilin­neqar­nis­sar­put aalajanger­neq ajor­paa. Qularin­ngis­sin­naavar­pul­li Jehova tatigigutsigu misilin­neqar­nitsin­ni qanoq it­tuniluun­niit piner­tusaarsin­naal­luta. Nalun­ngilar­put Jehova ilumoorfigiuar­nias­sagatsin­ni aniguif­fis­samik pilersitsiuas­sasoq.

^ par. 7 Grækerit oqaasiat ‘us­ser­neqar­nermik’ nutser­neqar­toq aam­ma ‘misilin­neqar­nermik’ isumaqar­poq.