“Naalagaq akor­natsin­ni soraajuitsumik ilisiman­nit­tuus­saaq, aam­malu kinguaas­sama il­lil­lu kinguaas­savit akor­nan­ni.” – 1 SAM 20:42.

ERINARSUUTIT: 43, 31

1, 2. Ilumoorfigin­nin­neq eq­qarsaatigalugu sooq Jonatanip Daavimut ikin­ngutaanera maluginiar­nar­pa?

ANGUTIP inuusut­tup Daavip sapiin­nera Jonatanip tupigusuutigisimas­savaa. Daavip filisteri inorujus­suaq Goliati toqoriarlugu “filisterip niaqua” Jonatanip angutaanut Israelip kun­ngianut Saulimukaap­paa. (1 Sam 17:57) Jonatanip qularutigin­ngilaa Guutip Daavi najoraa, ul­lormiil­lu tamatumaniit Jonatani Daavilu ikin­ngutin­naariiler­put. Neriorsoqatigiip­put ilumoorfigeqatigiit­tuarumal­lutik. (1 Sam 18:1-3) Jonatani inuunermi sin­nerani Daavimik ilumoorfigin­nip­poq.

2 Daavi, Jonataniun­ngitsoq, Israelimi tul­liul­luni kun­ngiusus­satut Jehovamit toq­qar­neqaraluar­toq Jonatani Daavimik ilumoorfigin­nit­tuar­poq. Saulil­lu Daavi toqun­nialermagu Jonatanip ikin­ngutini isumaalugaa. Daavi Horeship eq­qaani inoqajuitsumiit­toq nalun­ngin­namiuk or­nil­lugu Jehovamik tatigin­nit­tuaq­qul­lugu qiim­mas­sar­paa ima oqarluni:  “Erseqinak, ataatama Saulip as­saata anguneq sapis­savaatit. Israelimi kun­ngin­ngorumaar­putit, uangalu tul­lersor­taas­saanga.” – 1 Sam 23:16, 17.

3. Daavimik ilumoorfigin­nin­nermit Jonatanimut suna pingaaruteqar­nerua, taman­nalu qanoq nalun­ngilar­put? (Al­laaserisap aal­laq­qaataani as­siliaq takuuk).

3 Inuit ilumoorfigin­nit­tuusut nuan­naar­torisar­pavut. Jonatanili nuan­naar­toraar­put Daavimik ilumoorfigin­nin­nera piin­narlugu? Naagga. Jonatanip pingaar­ner­paatip­paa Guutimik ilumoorfigin­nin­neq. Taman­nalu pis­sutigalugu Daavi kun­ngiusus­saasoq sin­ngaginagu ilumoorfigaa. Al­laat Daavi Jehovamik tatigin­neq­qul­lugu ikior­paa. Angutit taak­ku marluk Jehovamik ilumoorfigin­nit­tuarlutil­lu ilumoorfigeqatigiit­tuar­put. Ima neriorsoqatigiin­ner­tik eq­qor­tip­paat: “Naalagaq akor­natsin­ni soraajuitsumik ilisiman­nit­tuus­saaq, aam­malu kinguaas­sama il­lil­lu kinguaas­savit akor­nan­ni.” – 1 Sam 20:42.

4. (a) Suna pil­lualivis­sutigalugulu nalerisimaarutigis­savar­put? (b) Al­laaserisami matumani suna sam­mis­savar­put?

4 Aam­ma ilaqut­tatsin­nik, ikin­ngutitsin­nik ilagiin­nilu qatan­ngutitsin­nik ilumoorfigin­nit­tariaqar­pugut. (1 Th 2:10-12) Pingaar­ner­paamil­li Jehovamik ilumoorfigin­nit­tariaqar­pugut. Taas­sumami inuunermik tunivaatigut! (Saq­q 4:11) Taan­na ilumoorfigigaangatsigu aatsaat ilumut pil­luarlutalu nalerisimaar­tar­pugut. Aam­ma ajor­naatsuin­naan­ngik­kaluaraangat Guutimik ilumoorfigin­nit­tus­saavugut. Jehovamik ilumoorfigin­nit­tuarsin­naaq­qul­luta sisamatigut Jonatani qanoq ilin­niarfigisin­naagip­put al­laaserisami matumani sam­mis­savar­put: (1) misigigaangat­ta oqar­tus­saasoq ataq­qisariaqar­natigu, (2) kina arlaat ilumoorfigis­sanerlugu aalajanger­tariaqaleraangat­ta, (3) qatan­ngutip siulersuisup paasinerluk­kaangatigut naaper­tuil­luan­ngitsumil­luun­niit pigaangatigut, aam­ma (4) neriorsuut eq­qor­tik­kuminaatsil­lugu misigigaangat­ta.

MISIGIGAANGAT­TA OQAR­TUS­SAASUMIK ATAQ­QIN­NIT­TARIAQAR­NATA

5. Sooq Israelik­kut Sauli kun­ngiutil­lugu Guuti ilumoorfigiuminaatsip­paat?

5 Kun­ngi Sauli, Jonatanip angutaa, naalan­ngitsun­ngorsimam­mat Jehovamil­lu ajat­tugaam­mat Jonatani nunaq­qatinilu imaan­naan­ngitsorsior­put. (1 Sam 15:17-23) Ukior­pas­suar­nili Saulip suli naalak­kersuisin­naanera Guutimit akuerineqar­poq. Taamaat­tumik ‘Jehovap kun­ngimut is­siavis­saarsuarititaani’ kun­ngiusup ajor­tuliungaar­tar­nera pis­sutigalugu Israelik­kut Guuti ilumoorfigiuminaatsip­paat. – 1 Nal 29:23.

6. Jonatanip Jehovamik ilumoorfigin­nit­tuarsimanera sumit erser­pa?

6 Jonatani Jehovamik ilumoorfigin­nit­tuar­poq. Saulip Guutimut naalat­tarun­naar­nerata kingunitsian­ngua Jonatani susoq eq­qarsaatigiuk. (1 Sam 13:13, 14) Taamani filisterit sak­kutuui 30.000-nik sorsuutinik qamuteqarlutik Israelik­kun­nik saas­sus­siar­tor­put. [1] Saulip sak­kutuui 600-in­naap­put, aam­ma Sauli Jonatanilu kisimik sak­koqar­put. Jonatanili siooran­ngilaq. Pruf­fiitip Samuelip oqaasii uku eq­qaamavai: “Naalak­kam­mi atini naalan­nangaar­toq pis­sutigalugu in­nut­tani ajat­tun­ngitsoor­pai.” (1 Sam 12:22) Jonatani sak­kutuumut al­lamut ima oqar­poq: “Naalak­kap ajugaatitsinis­saanut  sorsut­tut qanoq amerlatiginerat ikitsigineral­luun­niit apeq­qutaaneq ajor­poq.” Taamaat­tumik sak­kutooqatinilu filisterinik saas­sus­sip­put taak­kualu ilaat 20-t mis­saat toqul­lugit. Jonatanip Jehova tatigaa taas­suman­ngalu pil­luaq­qusaal­luni. Jehovap nuna sajutsip­paa. Filisterit siooraleramik im­min­nut toqoraatiler­put. Israelik­kul­lu sorsun­nermi ajugaap­put. – 1 Sam 13:5, 15, 22; 14:1, 2, 6, 14, 15, 20.

7. Jonatanip angun­ni qanoq pis­suseqarfigaa?

7 Sauli Jehovamut naalan­ngit­tuaraluar­toq Jonatanip angum­mi peq­qus­sutaa Guutip piumasaanut akerliun­ngik­kaangat naalat­tar­paa. As­sersuutigalugu Jehovap in­nut­tai il­lersorlugit sorsoqatigiip­put. – 1 Sam 31:1, 2.

8, 9. Sooq oqar­toqarsin­naava oqar­tus­saasunik ataq­qin­nin­nitsigut Guutimik ilumoorfigin­nit­tugut?

8 Jonatanitut Jehovamik ilumoorfigin­nis­sin­naavugut nunagisatsin­ni naalak­kersuisunut ajor­nan­ngik­kaangat naalat­tar­nik­kut. Jehovap ‘naalak­kersuisut qul­lersarisat’ taak­ku uagutsin­nut oqar­tus­saanis­saat akueraa taak­kulu ataq­qis­sagivut piumasaralugu. (Romamiut 13:1, 2 atuak­kit). Taamaat­tumik naalak­kersuisuni atorfil­lit un­neq­qarin­ngik­kaluar­pata ataq­qisariaqar­nagil­lu misigigaluarut­ta ataq­qin­nit­tuliorfigisas­savavut. Tas­sami Jehovamit oqar­tus­saas­susiligaasut tamaasa ataq­qisariaqar­pavut. – 1 Kor 11:3; Hebr 13:17.

Jehovamik ilumoorfiginnittuarsinnaavugut aapparput, Jehovamut kiffartortuunngikkaluarpalluunniit, ataqqinnittumik pisarlugu (Immikkoortoq 9 takuuk)

 9 Olga, qatan­ngut Amerikami Kujal­lermi najugalik, uimi ajor­tumik pisaraluaraani taan­na ataq­qil­lugu Jehovamik ilumoorfigin­nip­poq. [2] Olgap Jehovamik Nalunaajaasuunera pis­sutigalugu uiata ilaan­nik­kut oqaluuk­kumajun­naar­tar­paa oqaatsil­luun­niit sak­kor­tuut atorlugit oqaluut­tarlugu. Al­laam­mi meeq­qanik arsaarlugulu qimak­kumal­lugu oqarfigisimavaa. Olgal­li ‘ajor­toq ajor­toqataanik’ akineq ajor­paa. Sapin­ngisaminik nuliaal­luar­niarluni uini iggat­tar­paa, atisai error­tar­pai taas­sumalu ilaqutai al­lat isumagisarlugit. (Rom 12:17) Pisin­naagaangamilu ilaqut­taminut ikin­ngutiminul­lu pulaar­toq ilagisar­paa. Sakini il­loqarfim­mi al­lami ilisaasus­san­ngormat qitor­natik piareersaal­lugil­lu angalanis­samin­nut pisariaqar­tut tamaasa isumagai. Ilisaalermal­lu oqaluf­fiup silataani uini utaq­qivaa. Olga naam­magit­tar­tuul­lunilu uiminik ataq­qin­nit­tuujuarmat ukior­pas­suit qaangiut­tut uia pitsaaneruler­poq. Maan­na uiata ataatsimiigiar­tar­nis­saanut kajumis­saarlugulu ataatsimiigiar­nis­saa isumagisar­paa. Al­laat ilaan­nik­kut ataatsimeeqataasar­poq. – 1 Petr 3:1.

KINA ARLAAT ILUMOORFIGIS­SANERLUGU AALAJANGER­TARIAQALERAANGAT­TA

10. Jonatanip kina ilumoorfigis­sanerlugu qanoq nalun­ngilaa?

10 Sauli oqarmat Daavi toqun­niarlugu Jonatani aalajangeruminaatsitaminik aalajangigas­saqaler­poq. Jonatanip angun­ni ilumoorfigerusup­paa aam­mali Daavi ilumoorfigerusul­lugu. Nalun­ngin­namiuk Guutip Sauli najor­nagu Daavi najoraa Daavimik ilumoorfigin­nin­niarluni aalajanger­poq. Angum­mi pilersaarutipilui Daavimut oqalut­tuarai toq­qoq­qul­lugulu, angun­nilu oqarfigaa sooq Daavi inuugin­nar­tit­tariaqaraa. – 1 Samueli 19:1-6 atuak­kit.

11, 12. Guutimik asan­nin­ner­put taas­sumin­nga ilumoorfigin­nin­niarluta aalajanger­nis­samut qanoq iluaqutigaar­put?

11 Alice, qatan­ngut Australiami najugalik, kina ilumoorfigis­sanerlugu aalajanger­tariaqar­poq. Biibilimik atuaq­qis­saar­tar­nermini ilik­kak­kani ilaqut­taminut oqalut­tuarisar­pai. Aam­ma juul­lisioq­qin­niar­nani oqalut­tuul­lugil­lu sooq taama aalajanger­nerluni nas­suiaap­pai. Ilaqutai pakatseq­qaariarlutik kamaatingaaler­paat. Misigip­put Alicep soqutigiun­naaraatik. Taava ar­naata takoq­qik­kumanagu oqarfigaa. Alice ima oqar­poq: “Tupaqaanga misigis­sutsik­kul­lu an­ningaarlunga, ilaqut­tak­kami asangaar­pak­ka. Taamaak­kaluar­toq Jehova taas­sumalu er­nera uum­matin­ni sal­liutin­nis­saat aalajangiup­para, ataatsimeersuar­nermilu tul­liut­tumi kuisip­punga.” – Mat­t 10:37.

12 Sumil­luun­niit, soorlu timersoqatigiif­fin­nik, atuarfim­mik nunamil­luun­niit, ilumoorfigin­nin­ner­put Jehovamik ilumoorfigin­nin­nitsin­nit pingaar­nerutilis­san­ngilar­put. As­sersuutigalugu Henryp atuarfim­mini skak­ker­tar­toqatigiin­ni skak­ker­neq nuan­naraa atuarfim­minilu skak­ker­nermi pis­sar­tan­ngorusul­luni. Weekendil­li tamaasa skak­ker­taramik oqaluus­sinis­samut ataatsimiigiar­nis­samul­lu pif­fis­saqan­ngilaq. Henry oqar­poq atuarfim­mik ilumoorfigin­nin­neq Guutimik ilumoorfigin­nin­nermit pingaar­nerutilersimal­lugu. Taamaat­tumik atuarfim­mi skak­ker­tar­toqatigiin­nut ilaajun­naar­niarluni aalajanger­poq. – Mat­t 6:33.

13. Ilaqutariin­ni ajor­nar­torsiuteqaraangat Guutimik ilumoorfigin­nin­neq qanoq iluaqutigisin­naasar­par­put?

 13 Ilaan­nik­kut ilaqutarisanik arlalin­nik ataatsik­kut ilumoorfigin­nin­nis­saq saper­narsin­naavoq. As­sersuutigalugu Ken ima oqar­poq: “Anaanaga utoq­qaq akut­tual­laan­ngitsumik pulaarusut­tar­para ilaan­nik­kul­lu uagutsin­ni un­nuisik­kusut­tarlugu. Anaanagali nuliaralu isumaqatigiis­sin­naar­pian­ngil­lat.” Imalu nangip­poq: “Aap­paa nuan­naar­tik­kuk­ku aap­paa nuan­niil­lius­saaq.” Kenip Biibilimi al­las­simasut eq­qarsaatigai paasil­lugulu tamatumani nuliani nuan­naar­tit­tariaqarlugu ilumoorfigisariaqarlugulu. Taamaat­tumik nuliami iluarisaanik aaq­qiis­sutis­sarsivoq. Taava sooq anaanami inus­siar­nersumik pineqar­tariaqar­nera nuliaminut nas­suiaatigaa. Aam­ma sooq nuliani ataq­qin­nit­tumik pineqar­tariaqar­toq anaanaminut nas­suiaatigaa. – 1 Mosesi 2:24; 1 Korinthimiut 13:4, 5 atuak­kit.

PAASINERLUN­NEQARUT­TA NAAPER­TUIL­LUAN­NGITSUMIL­LUUN­NIIT PINEQARUT­TA

14. Saulip Jonatani qanoq naaper­tuil­luan­ngitsumik pisar­paa?

14 Aam­ma Jehovamik ilumoorfigin­nis­sin­naavugut qatan­ngutip siulersor­tit­ta naaper­tuil­luan­ngitsumik pip­patigut. Kun­ngi Sauli Guutimit toq­qagaavoq, er­ninili ajor­tumik pisar­paa. Paasin­ngilaa sooq Jonatanip Daavi asaneraa. Taamaat­tumik Jonatanip Daavi ikior­niarmagu Sauli kamangaaler­poq inup­pas­suil­lu tusaatil­lugit er­ni peq­qusiileqitil­lugu. Jonatanili  angum­minik suli ataq­qin­nip­poq. Aam­ma Jehovamik Daavimil­lu, tul­liul­luni Israelimi kun­ngiulersus­satut Guutimit toq­qagaasumik, ilumoorfigin­nit­tuar­poq. – 1 Sam 20:30-41.

15. Qatan­ngutip naaper­tuil­luan­ngitsumik pip­patigut qanoq qisuarias­saagut?

15 Ul­lumik­kut qatan­ngutit ilagiitsin­ni siulersuisut tamanut naaper­tuil­luar­tumik piniar­tar­put. Qatan­ngutil­li taak­ku naam­mal­luin­nar­tuun­ngin­namik iliuutsitsin­nik paasinerluisin­naap­put. (1 Sam 1:13-17) Taamaat­tumik paasinerlun­neqas­sagaluarut­ta Jehovamik ilumoorfigin­nit­tuar­ta.

NERIORSUUTER­PUT EQ­QOR­TIK­KUMINAATSIK­KUTSIGU

16. Pis­sutsini qanoq it­tuni nam­minis­sarsiuler­nata Guutimik ilumoorfigin­nis­saagut?

16 Saulip kis­saatigaa Jonatani, Daaviun­ngitsoq, tul­liul­luni Israelimi kun­ngin­ngus­sasoq. (1 Sam 20:31) Jonatanil­li Jehova asal­lugulu ilumoorfigaa. Taamaat­tumik nam­minis­sarsior­tun­ngor­nani Daavi ikin­ngutigiler­paa taas­sumun­ngalu neriorsuutini eq­qor­til­lugu. Jehovamim­mi asan­nit­toq ilumoorfigin­nit­torlu kinaluun­niit “nam­mineq ajunaarutigis­sagaluaruniul­luun­niit up­per­narsaam­minik” aalajangiusiman­nit­tuar­tar­poq. (Tus­s 15:4) Guutimik ilumoorfigin­nik­kat­ta neriorsuutivut eq­qor­tit­tar­pavut. As­sersuutigalugu niuer­nik­kut isumaqatigiis­sutip eq­qor­tin­nis­saa ilimagisatsin­nit ar­tor­nar­nerugaluar­pal­luun­niit neriorsuinitsitut ilius­saagut. Aam­ma aap­pariit­tut ajor­nar­torsiuteqarut­ta Jehovamik asan­nin­ner­put ersersis­savar­put aap­patsin­nik ilumoorfigin­nit­tuar­nik­kut. – Malaki 2:13-16 atuak­kit.

Niuernikkut isumaqatigiissuteqarutta Guutimik ilumoorfiginnikkatta neriorsuinitsitut iliussaagut (Immikkoortoq 16 takuuk)

17. Al­laaserisaq una qanoq iluaqutigaajuk?

17 Pis­sutsit ar­tor­naraluaraangataluun­niit Guutimik ilumoorfigin­nik­kusup­pugut, soorlu Jonatani taamaaliorsimasoq. Taamaat­tumik qatan­ngutit­ta pakatsisik­kaangatigut taak­ku ilumoorfigiuar­tigit. Taava Jehovap uum­mataa nuan­naar­tis­savar­put, taman­nalu pil­l­luar­nar­ner­paavoq. (Us­s 27:11) Jehova uagutsin­nut pitsaaner­paamik iliuuseqar­tuaan­nas­sasoq isumagiuas­sagaatigul­lu up­peril­luin­narsin­naavar­put. Al­laaserisami tul­l­liut­tumi sam­mis­savar­put Daavip nalaani ilumoorfigin­nit­tut ilumoorfigin­nin­ngitsul­lu qanoq ilin­niutigisin­naagivut.

^ [1] (im­mik­koor­toq 6) Biibilimik al­lagatoq­qat ilaan­ni “30.000-nik” al­lanilu “3.000-nik” al­las­simavoq.

^ [2] (im­mik­koor­toq 9) Atit ilaat al­lan­ngor­titaap­put.