Imarisai

Saqqaata tullia

Imai

Jehovap Nalunaajaasui

Kalaallisut

Napasuliaq Alapernaarsuiffik – Atuaqqissaarutissaq  |  Decembari 2017

Angajoqqaajususi – Qitornasi ‘annannissamik ilisimassuseqaleqqullugit’ ikiorsigit

Angajoqqaajususi – Qitornasi ‘annannissamik ilisimassuseqaleqqullugit’ ikiorsigit

‘Meeraanin­niit ilisimavatit Al­lak­kat Il­ler­nar­tut ilin­nik ilisimas­suseqalersitsisin­naasut an­nan­nis­samik.’ – 2 TIM 3:15.

ERINARSUUTIT: 1, 139

1, 2. Sooq angajoq­qaat ilaat qitor­natik Jehovamut tun­niul­luin­nar­nis­samik kuisin­nis­samil­lu kis­saateqaleraangata er­numaler­tar­pat?

BIIBILIMIK atuaq­qis­saar­tar­tut tuusintil­lit Jehovamut tun­niul­luin­nar­tar­put kuisil­lutil­lu. Inuusut­tor­pas­suit sal­lusuis­sum­mi peroriar­torsimap­put inooriaaserlu pitsaaner­paaq toq­qarsimal­lugu. (Tuss 1:1-3) Angajoq­qaajuguit kristumiu qular­nan­ngitsumik er­ner­pit panip­pil­luun­niit ul­loq kuisif­fis­saa qilanaarivat. – Naleq­qiuguk 3 Johan­nesi 4.

2 Im­maqali er­numavutit. Im­maqa inuusut­tut ilaat kuisereerlutik Guutip najoq­qutas­siai malil­lugit inuunerup pitsaaner­paaneranik qularutigin­nilersut takusimavatit. Al­laat ilaat sal­lusuis­sum­mit qimagup­put. Taamaat­tumik im­maqa qitor­navit Jehovamut kif­far­tuleriarluni kingusin­nerusuk­kut sal­lusuis­sum­mik pisimanermisut nuan­narin­nik­kun­naar­nis­saa er­num­matigaat. Imaas­sin­naavoq ukiut 100-t siul­liit nalaan­ni Efesosimi kristumiutut misigilersoq. Jiisusi taak­ku pil­lugit oqar­poq: ‘Asan­nis­sutsit  siul­leq soraarup­pat.’ (Saqq 2:4) Qitor­nat qaman­nga pisumik asan­nis­suseqar­tuaq­qul­lugu ‘an­nan­nis­samul­lu al­liar­toq­qul­lugu’ qanoq ikiorsin­naaviuk? (1 Petr 2:2) Timotheusi pil­lugu oqalut­tuaq ilin­niarfigisin­naavar­put.

“ILISIMAVATIT ALLAKKAT ILLERNARTUT”

3. (a) Timotheusi qanoq kristumiun­ngor­pa, ilik­kak­kanilu suai? (b) Ilin­niar­nerup im­mik­koor­tui pingasut suut Paulusip Timotheusimut al­laatigai?

3 Ukiumi 47-mi apustilip Paulusip Lystra siul­lermeerluni tikeraar­paa. Im­maqa tamatumani Timotheusip, inuusut­tuaraagunarluni, Jiisusip ajoqersuutai ilin­niar­pai. Ilik­kak­kani maleruar­pai ukiul­lu marluk qaangium­mata Paulusi angalaqatigisalerlugu. Ukiut 16-it mis­siliorlugit tamatuma kingor­na Paulusip Timotheusi al­laf­figaa: “Ilin­niarsimasatit nakimaatsumil­lu up­perilersimasatit aalajangiun­niak­kit! Nalun­ngilam­mi kik­kun­nit tamak­ku ilin­niarsimal­lugit, meeraanin­niil­lu ilisimavatit Al­lak­kat Il­ler­nar­tut [Al­lak­kat Hebræerisuut] ilin­nik ilisimas­suseqalersitsisin­naasut an­nan­nis­samik Kristusi-Jiisusimut up­per­nik­kut.” (2 Tim 3:14, 15) Maluginiaruk Paulusi al­lam­mat Timotheusi (1) al­lak­kanik il­ler­nar­tunik ilisimasaqartoq, (2) al­lanit ilik­kak­kaminik nakimaalluni upperinnilersoq aam­ma (3) Kristusip Jiisusip up­perineratigut annannissamik ilisimassuseqalersimasoq.

Al­laat meeq­qat mikisut inuit pisul­lu Biibilimi eq­qar­tor­neqar­tut ilin­niarfigisin­naavaat

4. Meeq­qatit mikisut ilin­niar­tin­niarlugit suut ator­nikuuigit? (Al­laaserisap aal­laq­qaataani as­seq takuuk).

4 Angajoq­qaajugavit kristumiu kis­saatigaat qitor­navit al­lak­kat il­ler­nar­tut, nalitsin­ni tas­saasut Al­lak­kat Hebræerisuut aam­ma Kristumiut Al­lagaataat Grækerisuut, ilisimas­sagaat. Al­laat meeq­qat mikisut inuit pisul­lu Biibilimi eq­qar­tor­neqar­tut ilin­niarfigisin­naavaat. Jehovap peqatigiis­sor­taanit atuak­kat, qup­persak­kat isigin­naagas­sial­lu amerlasuut angajoq­qaat meeq­qamin­nik ikiuinermin­ni atorsin­naasaat saq­qum­mersin­neqarsimap­put. Taak­kua ilaat suut il­lit oqaatsin­ni pis­sarsiarisin­naavigit? Qitor­navit Jehova qanit­tumik at­taveqarfigilerumal­lugu Biibili ilisimal­luar­tariaqar­paa.

‘NAKIMAATSUMIK UPPERSUSEQALERNISSAMUT’ ILINNIARTINNEQARPOQ

5. (a) ‘Nakimaal­luni up­persuseqaler­neq’ qanoq paasisariaqar­pa? (b) Qanoq nalun­ngilar­put Jiisusi pil­lugu nutaarsias­sat nuan­nersut nakimaal­luni up­periler­nis­saan­nut Timotheusi ilin­niar­tin­neqar­toq?

5 Inuit pisul­lu Biibilimi eq­qaaneqar­tut pil­lugit meeq­qat ilin­niar­tin­nis­saat naam­man­ngilaq. Eq­qaamajuk Timotheusip aam­ma al­lanit ‘ilin­niarsimasani nakimaatsumik up­perilerai’. Grækerisut oqariar­taaseq matumani Paulusip atugaa ‘up­per­narsaavigineqar­nermik’ imaluun­niit ‘aalajangersimasoq pil­lugu qularun­naarsin­neqar­nermik aalajangiusiman­niler­nermil­lu’  isumaqar­poq. Timotheusip ‘meeraanerminiit Al­lak­kat Il­ler­nar­tut ilisimavai’. Kingusin­nerusuk­kut Jiisusip Mis­siarsiunera qulariun­naar­paa. Timotheusi up­per­nik­kut nakus­satsik­kami kuisip­poq Paulusilu ajoqersuiar­tor­titatut kif­far­toqatigilerlugu.

6. Qitor­natit Guutip oqaasianik up­perin­nileq­qul­lugit qanoq ikiorsin­naavigit?

6 Qitor­natit Timotheusitut ‘nakimaal­lutik up­per­tun­ngoq­qul­lugit’ qanoq ikiorsin­naavigit? Siul­ler­tut, erinitsajuigit. Up­perlualer­nis­saq sivisusin­naasar­poq. Aam­ma illit up­per­nerit pis­sutigiin­narlugu qitor­natit up­per­tun­ngor­navian­ngil­lat. Meeq­qat tamarmik im­mik­kut ‘ajun­ngitsumik ajor­tumil­lu im­mik­koor­titsisin­naaler­nis­saq’ sungiusar­tariaqar­paat. (Hebræerit 5:14 atuakkit). Angajoq­qaatut qitor­natit, pingaar­tumik apeq­quteqaraangata, up­per­nik­kut nakus­satseq­qul­lugit arlalitsigut ikiorsin­naavatit. Ataataasup maligas­siaa qanoq ilin­niarfigisin­naanerlugu eq­qarsaatigiuk.

7, 8. (a) Ataataasup kristumiup panini ilin­niar­tik­kaangamiuk qanoq erinitsajuit­tar­pa? (b) Qitor­nan­nut tun­ngatil­lugu qanga erinitsajuit­tariaqarsimavit?

7 Thomasip pania aq­qanilin­nik ukiulik ima aperisin­naasar­poq: “Jehovap nunarsuarmi inuuneq ineriar­tor­tin­niarlugu pin­ngoriar­tuaar­neq atorsimasin­naavaa?” imaluun­niit “Sooq pis­sutsit pitsaanerulersin­niarlugit inuiaqatigiin­nut, soorlu qinersiner­nut, akuuneq ajor­pugut?” Angutaata ilaan­nik­kut qanoq up­perisaqas­saneranik oqalut­tuutiin­narusut­tar­paa. Nalun­ngilaali paasis­sutis­saq ataaseq ilumoor­toq pin­nagu up­per­narsaater­pas­suil­li an­nikitsut iluaqutigalugit inuk qularun­naarsin­neqarsin­naasoq.

8 Thomasip nalun­ngilaa panini ilin­niar­tik­kumal­lugu erinitsajuit­tariaqarluni. Aap, kristumiut tamarmik erinitsajuit­tariaqar­put. (Kol 3:12) Thomasip paasivaa panini qularunaarsis­saguniuk pif­fis­sap sivisuup ingerlanerani oqaloqatigisaqat­taar­tariaqarlugu. Biibilimit ilin­niagai pil­lugit eq­qarsalersin­niar­tariaqar­paa. Thomas oqalut­tuar­poq: “Ingam­mik pingaarutilin­nut tun­ngatil­lugu nuliaralu qulak­keer­niar­tar­par­put ilin­niak­kani ilumut up­perinerai paasisin­naaneraalu. Apeq­quteqar­tar­nera pitsaasar­poq. Al­laam­mi apereq­qaar­nani arlaan­nik akuersiin­nar­pat er­numalis­sagaluar­punga.”

9. Qitor­natit Guutip oqaasianik up­perin­nileq­qul­lugit qanoq ikiorsin­naavigit?

9 Angajoq­qaat erinitsajuil­lutik ilin­niar­titsip­pata meeq­qat up­per­nerup “silis­susia takis­susialu por­tus­susialu itis­susialu” paasiar­tulis­savaat. (Ef 3:18) Ukiuinut paasin­nis­sin­naas­susian­nul­lu naleq­qut­tunik ilin­niar­tis­sin­naavavut. Ilik­kak­katik up­perinerulerunik­kit up­perisamin­nik al­lanut, aam­ma atuaqatimin­nut, il­lersuinis­sar­tik ajor­nar­tin­ngin­nerus­savaat. (1 Petr 3:15) As­sersuutigalugu qitor­navit Biibili atorlugu toqup kingor­na qanoq pisoqar­tar­toq nas­suiarsin­naavaat? Biibilimi nas­suiaat paasisin­naavaat? * Eq­qaamajuk qitor­natit Guutip oqaasianik up­perin­nileq­qul­lugit ikior­neran­ni erinitsajuit­tariaqaravit, taman­nalu im­minut akilersin­naavoq. – 5 Mos 6:6, 7.

10. Ilin­niar­titsinin­ni suna pingaaruteqar­tariaqar­pa?

 10 Soorunami il­lit maligas­siuinerit qitor­navit up­per­nerminik ineriar­tor­titsinis­saanut aam­ma pingaaruteqar­poq. Stephanie pingasunik panilik oqar­poq: “Qitor­nak­ka mikisun­nguusul­li im­minut ima aperisariaqar­punga: ‘Jehovap piuneranik, asan­nin­neranik naaper­tuil­luar­neranil­lu upperinninninnut pis­sutaasoq qitor­nan­nut oqalut­tuarisar­para? Qitor­nama ilumut takusin­naavaat Jehova asagiga?’ Nammineq qularuma qitor­nak­ka qularun­naarsis­sin­naan­ngilak­ka.”

‘ANNANNISSAMIK ILISIMASSUSEQALERNEQ’

11, 12. Ilisimas­suseq suua, aam­ma qanoq nalun­ngilar­put inuup ukiui apeq­qutaan­ngitsut?

11 Paasivar­put Timotheusip (1) Al­lak­kat ilisimal­luarai aam­ma (2) up­perisani qularin­ngik­kai. Paulusil­li suna pivaa al­lak­kami al­lak­kat il­ler­nar­tut Timotheusimik “ilisimas­suseqalersitsisin­naasut an­nan­nis­samik”?

12 Indsigt i den Hellige Skrift, atuagaq 2, naaper­torlugu “ilisimasaqar­neq paasisimasaqar­nerlu eq­qor­tumik atorlugit ajor­nar­torsiutinik aaq­qiisin­naaneq, navianar­tunik ingalas­siman­nin­neq pinaveersaar­titsinerluun­niit aam­ma anguniak­kanik aalajangersimasunik angusineq al­lal­luun­niit taamaalioq­qul­lugit siun­nersuisin­naaneq” Biibilimi ilisimas­sutsimut ilaap­put. Taman­na sianiis­sutsip akerleraa. Biibilimi al­las­simavoq ‘sianiis­suseq nukap­pis­sap uum­mataanut qilersugaasoq’. (Uss 22:15) Ilisimas­suseq sianiis­sutsip akerlerim­magu inersimal­luar­nermut takus­sutis­saavoq. Inuk ukioq­qor­tusinini pis­sutigiin­nar­nagu Jehovamil­li mianerin­nin­nini naalak­kusun­ninilu pis­sutigalugit anersaak­kut inersimal­luar­tar­poq. – Tussiaat 111:10 atuaruk.

13. Inuusut­tut an­nan­nis­samik ilisimas­suseqarlutik qanoq ersersis­sin­naavaat?

13 Inuusut­tut anersaak­kut inersimanerumaat pileris­sutsimin­nit inuusut­toqatimil­luun­niit sun­niineran­nit ‘malin­nit tamanut tamaanga nas­sataritin­neq ajor­put’. (Ef 4:14) ‘Pigin­naas­sutsimil­li ator­tuin­nar­nerisigut ajun­ngitsumik ajor­tumil­lu im­mik­koor­titsisin­naaneq sungiusar­paat.’ (Hebr 5:14) Taamaat­tumik angajoq­qaatik inersimasul­luun­niit al­lat isigin­ngik­kaluar­tut silatusaar­tumik aalajangiisar­put. (Fil 2:12) An­nak­kumal­luni taamatut ilisimas­suseqar­nis­saq pisariaqar­poq. (Ussatit 24:14 atuaruk). Qitor­natit taamatut ilisimas­suseqaleq­qul­lugit qanoq ikiorsin­naavigit? Sunik naleqar­titaqar­nin­nik ilisiman­nin­nis­saat qulak­keer­tariaqar­pat. Takusin­naasariaqar­paat oqaatsik­kut iliuutsik­kul­lu najoq­qutas­sianik Biibilimeersunik maleruaaniar­tutit. – Rom 2:21-23. *

Sooq angajoqqaap iliuuseqartuarnissaa pingaaruteqarpa? (Immikkoortut 14-18 takukkit)

14, 15. (a) Inuusut­tup kuisik­kusut­tup suut eq­qarsaatigisariaqar­pai? (b) Qitor­natit Guutip inatsisaanik maleruaanerup pil­luaq­qus­sutis­sar­taanik eq­qarsaatigin­neq­qis­saaq­qul­lugit qanoq ikiorsin­naavigit?

14 Qitor­navil­li up­per­nermik ineriar­tor­titseq­qul­lugit ikior­neran­ni suut eq­qor­tuunersut suul­lu eq­qun­ngitsuunersut oqaluttuariinnassallugit naam­man­ngilaq. Aam­ma apeq­qutinik, soorlu ukunin­nga, eq­qarsaatigin­neq­qis­saaq­qul­lugit ikior­tariaqar­patit: ‘Sooq pilerinar­pasis­sin­naasut Biibilimi iner­teq­qutigineqar­pat? Sooq najoq­qutas­siat Biibilimeersut uan­nut  iluaqutaajuaan­nar­nerat qularin­ngilara?’ – Es 48:17, 18.

15 Qitor­nat kuisik­kusup­pat kuisin­nik­kut akisus­saaf­figineqaler­tar­tut pil­lugit pimoorus­sil­luni eq­qarsaatigin­neq­qis­saaq­qul­lugu ikioruk. Taak­kua qanoq isumaqarfigai? Iluaqutis­saasut suup­pat? Unam­miniar­nar­tut suup­pat? Sooq iluaqutis­saasut unam­miniar­nar­tunit an­nerungaar­pat? (Mark 10:29, 30) Tamak­kua kuisin­ngin­nermi eq­qarsaatiginis­saat pingaaruteqarluin­nar­poq. Qitor­nat naalan­nerup pil­luaq­qus­sutis­sar­tai naalan­ngin­nerul­lu kingunipilui pil­lugit eq­qarsaatigin­neq­qis­saaq­qul­lugu ikioruk. Taamaalioruit najoq­qutas­sianik Biibilimeersunik maleruaanini tamatigut iluaqutigisas­sal­lugu up­perilis­sagaa ilimanar­nerus­saaq. – 5 Mos 30:19, 20.

INUUSUTTOQ KUISIMASOQ UPPERNIKKUT SANNGIILLIPPAT

16. Angajoq­qaat qitor­nar­tik kuisimasoq up­per­nik­kut san­ngiil­lip­pat susariaqar­pat?

16 Qitor­navit kuisin­nermi kingor­na sal­lusuis­sut qulariler­pagu qanoq iliorsin­naavit? As­sersuutigalugu er­nivit panivil­luun­niit silarsuup matuma pii kajungerilersin­naavai. Imaluun­niit najoq­qutas­sianik Biibilimeersunik maleruaaneq ilumut pitsaaner­paamik inooriaasiunersoq qitor­navit qularilersin­naavaa. (Tuss 73:1-3, 12, 13) Qanoq qisuariar­nerit Jehovamut kif­far­tuin­nar­nis­saanut  kif­far­torun­naar­nis­saanul­luun­niit sun­niuteqarsin­naavoq. Qitor­nat meeraagaluar­pat inuusut­tuaraagaluar­pal­luun­niit taman­na pil­lugu oq­qateqatiginaveersaas­savat. Qulak­kiis­saval­li ilin­nit asaneqar­nini ikior­neqarusun­ninilu ilisimas­sagaa.

17, 18. Angajoq­qaat inuusut­toq qular­toq qanoq ikiorsin­naavaat?

17 Inuusut­toq kuisis­simasoq Jehovamut tun­niul­luin­narsimavoq. Taman­na Jehovamik asan­nin­nis­samik taas­sumalu piumasaata pingaar­ner­paatin­nis­saanik neriorsuineruvoq. (Markusi 12:30 atuaruk). Tun­niul­luin­nar­neq Jehovap neriorsuutitut pimoorul­luin­nar­paa, aam­ma uagut pimoorut­tariaqar­par­put. (Oqal 5:3, 4) Tamatumin­nga qitor­nat eq­qaasiguk. Siul­ler­tul­li Jehovap peqatigiis­sor­taasa Biibililersaarutit angajoq­qaanoor­tut saq­qum­mersis­simasai atuarlugil­lu atuaq­qis­saak­kit. Taava inus­siar­nersumik pif­fis­samilu eq­qor­tumi Jehovamut tun­niul­luin­nar­nerup kuisin­nerul­lu pimoorut­tariaqar­nerat pil­luaq­qus­sutis­sar­taqar­neral­lu qitor­nan­nut erseq­qis­sarsin­naavatit.

18 As­sersuutigalugu atuak­kap Unge spørger – Svar der duer, atuagaq 1, tunuani tapilius­sami “Forældre spørger”-imi siun­nersuutit iluaqutigisin­naavatit. Tamatumani angajoq­qaat kajumis­saar­neqar­put inuusut­tuaraater­tik sal­lusuis­sum­mik ajat­tuisutut ingerlaan­naq isigiler­nagu suup ajor­nar­torsiutiviuneranik paasiniaaq­qul­lugit. Im­maqa ukioqatiminit tatineqarluniluun­niit kiserlior­poq. Imaluun­niit misigivoq inuusut­tut al­lat Jehovamut kif­far­tor­nermi im­minerminit iliuuseqar­nerusut. Tapilius­sami aam­ma nas­suiar­neqar­poq tamak­kunin­nga ajor­nar­torsiuteqar­neq qitor­navit il­lit up­perisan­nik akerlilersuineratut isigineqar­tariaqan­ngitsoq. Taak­kua amerlaner­tigut al­lanut unam­miniagaanut takus­sutis­saasar­put. Tapilius­sami angajoq­qaat qitor­namin­nik sal­lusuis­sut pil­lugu qular­tumik qanoq ikiuisin­naaneran­nik siun­nersuuteqar­poq.

19. Angajoq­qaat qitor­natik ‘an­nan­nis­samik ilisimas­suseqaleq­qul­lugit’ qanoq ikiorsin­naavaat?

19 Angajoq­qaatut qitor­nan­nik ‘Jehovamit pisumik anusin­ngorsaanis­samik oqaaq­qis­saarinis­samil­lu’ akisus­saaf­fiit pingaaruteqarlunilu im­mik­kut pisin­naatitaaf­fiuvoq. (Ef 6:4) Sam­meriik­katsitut Biibilimi al­las­simasut pil­lugit qitor­natit ilin­niar­tit­tariaqarlugil­lu ilik­kak­kamin­nik qularutigin­nik­kun­naaq­qul­lugit ikior­tariaqar­patit. Up­per­nik­kut nukit­torunik Jehovamut tun­niul­luin­nar­nis­samut pitsaaner­paamil­lu tunis­suteqar­nis­samut kajumis­suseqalis­sap­put. Qanor­toq Jehovap oqaasia, anersaava il­lil­lu iliuutsitit iluaqutigalugit qitor­natit ‘an­nan­nis­samik ilisimas­suseqalerilit’.

^ par. 9 Atuak­kamut “Biibilimi sor­piaat ajoqersuutigineqar­pat?”-mut misis­sueq­qis­saarutit inuusut­tut inersimasul­lu sal­lusuis­sutit Biibilimeersut paasiniar­neran­ni iluaqutigil­luarsin­naavaat. Taak­ku oqaatsini as­sigiin­ngitsuni jw.org-imi saq­qum­mersin­neqarsimap­put. Tuuk­kit BIIBILIP ATORIAAN­NAANERA > BIIBILIMIK ATUAQ­QIS­SAAR­NERMI ILUAQUTIS­SAT.

^ par. 13 Biibilip al­las­simaq­qaarfiini oqaaseqatigiit uparuaanerunatik apeq­qutin­ngorlugit al­lan­neqar­put.