Imarisai

Saqqaata tullia

Imai

Jehovap Nalunaajaasui

Kalaallisut

Napasuliaq Alapernaarsuiffik – Atuaqqissaarutissaq  |  Aggusti 2016

Kristumiutut aappariinnersi ingerlalluartissiuk

Kristumiutut aappariinnersi ingerlalluartissiuk

“Tamas­si im­mik­kut nuliasi im­mis­sisut asasus­saavasi, nuliaasul­lu uini mianerisus­saavaa [ataq­qingaas­savaa, NW].” – EF 5:33.

ERINARSUUTIT: 36, 3

1. Aap­pariin­neq nuan­nersumik aal­lar­tit­taraluar­toq katit­tut suna ilimagisin­naavaat? (Al­laaserisap aal­laq­qaataani as­seq takuuk).

UIS­SAP nulias­sal­lu ul­lormi katif­fim­min­ni nuan­naangaar­nerat oqaaser­taleruminaat­tar­poq. Aap­pas­siariitsil­lutik asaqatigiingaaler­put, katik­kusuleramil­lu ilumoorfigeqatigiit­tuarumal­lutik neriorsoqatigiip­put. Katereerunik inooqatigiilis­sap­put ataasioqatigiit­tuarumal­lutil­lu al­lan­nguisariaqarlutik. Jehovap, aap­pariin­nermik pilersitsisup, aap­pariit pil­luarlutil­lu aap­pariil­luas­sasut kis­saatigigamiuk oqaatsini, Biibili, aq­qutigalugu pitsaasunik siun­nersor­pai. (Us­s 18:22) Taamaak­kaluar­toq Biibilimi al­las­simavoq inuit naam­mal­luin­nan­ngitsut ‘aap­paqar­tut ul­luin­nar­ni inuunermin­ni ajor­nar­torsiorumaar­tut’. (1 Kor 7:28) Aap­pariit ajor­nar­torsiutitik qanoq an­nikin­ner­paatis­sin­naavaat? Kristumiul­lu aap­pariit qanoq aap­pariin­ner­tik ingerlal­luar­tis­sin­naavaat?

2. Asan­nin­nerit as­sigiin­ngitsut suut aap­pariit ersersit­tas­savaat?

 2 Asan­nin­nerup pingaaruteqar­nera Biibilimi ajoqersuutigineqar­poq. Qanitariit­tut tun­niusimaf­figeqatigiin­neq (grækerisut: filiʹa) aap­pariin­nermi pisariaqar­poq. Aap­pariit­tut asaqatigiin­neq (eʹros) nuan­naarutaangaar­tar­poq, ingam­mil­lu qitor­nar­taaraan­ni ilaqutariit­tut asaqatigiin­neq (storgeʹ) pingaaruteqar­poq. Asan­nin­nerli najoq­qutas­sianik tun­ngavilik (agaʹpe) aap­pariin­nik ingerlal­lualersitsivit­tar­poq. Apustilip Paulusip asan­nin­neq taman­na ima al­laatigaa: “Tamas­si im­mik­kut nuliasi im­mis­sisut asasus­saavasi, nuliaasul­lu uini mianerisus­saavaa [ataq­qingaas­savaa, NW].” – Ef 5:33.

AAP­PARIIT AKISUS­SAAF­FIINIK MISIS­SUINEQ

3. Aap­pariit qanoq asaqatigiitsigis­sap­pat?

3 Paulusi ima al­lap­poq: “Angutit, nuliasi asas­savasi soorlu Kristusip ilagiit asagai im­minul­lu tun­niul­luni taak­ku pil­lugit.” (Ef 5:25) Ul­lumik­kut kristumiut asaqatigiip­put Jiisusip ajoqersuk­kaminik asan­nin­nera ilaarlugu. (Johan­nesi 13:34, 35; 15:12, 13 atuak­kit). Kristumiu uiusoq nuliaasorlu asaqatigiingaar­tus­saap­put pisariaqas­sap­pat aap­par­tik pil­lugu toqoriaan­naal­lutik. Ingas­sat­tumil­li ajor­nar­torsiuteqar­til­lugu im­maqa ilaat im­minut pil­liutigeriaan­naarusus­san­ngilaq. Aap­pariit suna iluaqutigis­savaat? Asan­nin­neq najoq­qutas­sianik tun­ngavilik, taman­nami “tamatigut naam­magit­tar­tuuvoq, tamatigut up­per­tar­poq, tamatigut neriut­tar­poq, tamatigut ilalaar­tar­poq”. Asan­nin­neq taamaat­toq “soraan­ngisaan­nas­saaq”. (1 Kor 13:7, 8) Aap­pariit eq­qaamasariaqar­paat neriorsoqatigiis­simal­lutik. Neriorsuip­put asaqatigiis­sal­lutil­lu ilumoorfigeqatigiis­sal­lutik. Taman­na eq­qaamagunik­ku aap­pariit kristumiut Jehovamut ikior­tis­sarsiorlutil­lu ajor­nar­torsiut sunaluun­niit aaq­qin­niarlugu suleqatigiis­sap­put.

4, 5. (a) Uiusup ilaqutariin­nut niaquusutut suna akisus­saaf­figaa? (b) Nuliaasup uimi it­tuunera qanoq isumaqarfigis­savaa? (c) Aap­pariit qanoq al­lan­nguisariaqarsimap­pat?

4 Paulusip aap­pariit im­mik­kut akisus­saaf­fii pivai ima al­lak­kami: ‘Nuliaasusi uis­sin­nut naalatsigitigitsi soorlu Naalak­kamut, uiusoq nuliaminut niaquum­mat soorlu Kristusi ilagiin­nut niaquusoq.’ (Ef 5:22, 23) Taman­na isumaqan­ngilaq nuliaasoq naleqan­ngin­nerusoq. Nuliaasup inis­sisimaf­fia pingaarutilik Jehovap eq­qar­tor­paa ima oqarami: “Iluan­ngilaq inuk kisimiim­mat, ikior­tis­sius­savara taas­sumun­nga tul­luar­tumik.” (1 Mos 2:18) Nuliaasup uini ilaqutariin­nut niaquul­luar­tuuniar­nerani tapersersor­tus­saavaa. Uiusul­lu Jiisusip, ‘ilagiin­nut niaquusup’, asan­nin­nera ilaar­tariaqar­paa. Uiusoq taamaalior­pat nulia toq­qis­sisimas­saaq, aam­ma ataq­qiuminar­tin­nerus­sal­lugulu tapersersoruminar­tin­nerus­savaa.

‘Jehovap ajoqersuineratut ilior­tar­nik­kut aap­pariit­tut qanin­nerungaaler­pugut’

5 Cathy, Fredip nulia, ima nas­suer­poq: “Qatan­ngutitut ar­natut kisimiik­kal­larama nam­mineersin­naasar­punga im­minul­lu paaralunga. Katik­kat­ta al­lan­nguisariaqar­punga uima tatiginis­saa ilin­niar­tariaqarak­ku. Taman­na oqitsuin­naajuaan­narsiman­ngilaq, Jehoval­li ajoqersuineratut ilior­tar­nik­kut aap­pariit­tut im­mitsin­nut qanin­nerungaaler­pugut.” [1] Fred ima oqar­poq: “Aalajangiiniar­tar­neq uan­nut oqitsuun­ngisaan­nar­poq. Aap­pariik­kat­ta inuit marluk eq­qarsaatigisariaqarak­kit suli unam­miniar­nar­tin­neruler­para. Jehovamul­li  qinunik­kut ikioq­qusarlunga nuliamalu oqaasiinut tusar­naar­tarlunga ul­lut tamaasa aalajangiiniar­tar­nera oqin­neruleriar­tor­poq. Misigivunga suleqatigiil­luarluta!”

6. Aap­pariit ajor­nar­torsioraangata asan­nin­neq qanoq tas­saasar­pa “ataasius­sutsip qilerutaa naam­mal­luin­nar­toq”?

6 Aap­pariil­luas­sagaan­ni aap­pariit ‘kamageqatigiis­sap­put isumak­keerfigeqatigiit­tarlutil­lu’. Naam­mal­luin­nan­ngitsuugamik marluul­lutik kuk­kusar­put. Taamaat­toqaraangat kuk­kus­sutitik ilin­niarfigisin­naavaat, isumak­keerfigin­nin­neq ilik­karsin­naavaat asan­nin­nerlu Biibilimi najoq­qutas­sianik tun­ngavilik ersersis­sin­naasarlugu. Asan­nin­neq taamaat­toq tas­saavoq “ataasius­sutsip qilerutaa naam­mal­luin­nar­toq” (NW). (Kol 3:13, 14) Aap­pariit asan­nin­neq taamaat­toq ersersis­sin­naavaat kamagit­tar­nik­kut, inus­siar­nersuunik­kut ‘put­tarsisan­ngin­nik­kul­lu’. (1 Kor 13:4, 5) Aap­pariit isumaqatigiin­ngik­kaangamik piaar­ner­paamik, ul­loq naatin­nagu, isumaqatigiin­ngis­suter­tik aaq­qin­niar­tariaqar­paat. (Ef 4:26, 27) Maniguut­tuusariaqar­poq oqas­sagaan­ni “an­nersik­kak­kit utoq­qatser­punga”, taamaalior­nerli ajor­nar­torsium­mik aaq­qiinis­samut iluaqutaavoq, aap­pariil­lu im­min­nut qanin­nerulis­sutigisar­paat.

QAJAS­SUUS­SINEQ PISARIAQAR­POQ

7, 8. (a) Aap­pariin­nermi atoqatigiin­nermut tun­ngatil­lugu Biibilimi qanoq siun­nersuuteqar­pa? (b) Sooq aap­pariit im­min­nut qajas­suut­tariaqar­pat?

7 Biibilimi pitsaasunik siun­nersuuteqar­poq aap­pariit atoqatigiin­nermin­nut tun­ngatil­lugu eq­qor­tumik isigin­nit­taaseqar­nis­samin­nut iluaqutigisin­naasaan­nik. (1 Korinthimiut 7:3-5 atuak­kit). Uiusup nuliaasul­lu misigis­sutsik­kut pisariaqar­titamin­nul­lu tun­ngatil­lugu in­nimit­tarfigeqatigiin­nis­saat pingaaruteqar­poq. Uiusup nuliani qajas­suutin­ngik­kuniuk nuliaasup atoqatigiin­ner­tik nuan­naarutigin­ngitsoorsin­naavaa. Uiusup nuliani ‘qajas­suut­tus­saavaa’. (1 Petr 3:7) Atoqatigiin­neq pin­ngitsaaliis­sutaananilu piumasarineqar­nanilu kajumin­nermit pisus­saavoq. Angut ar­namit piariiaar­nerugajup­poq. Misigis­sutsik­kul­li uiusumut nuliaasumul­lu pif­fis­saal­luar­tariaqar­poq.

8 Uiusup nuliaasul­lu atoqatigiin­neran­nut tun­ngatil­lugu Biibilimi im­mik­kut inatsiseqar­nanilu kil­lilersuuteqan­ngilaq. Tun­niusimanerul­li pingaaruteqas­susia erseq­qis­sar­neqar­poq. (Erin 1:2; 2:6) Aap­pariit kristumiut asan­nit­tumik im­min­nut qajas­suut­tas­sap­put.

9. Sooq atoqateqar­nermut tun­ngatil­lugu aap­parin­ngisamik kimil­luun­niit soqutigin­nin­neq akuerineqarsin­naan­ngila?

9 Guutimik tul­litsin­nil­lu asan­nil­luin­narut­ta aap­pariin­ner­put sumil­luun­niit kimil­luun­niil­lu navianar­torsior­tis­san­ngilar­put. Ilaasa por­nografiimik isigin­naan­ngitsoorsin­naajun­naar­neq pis­sutigalugu aap­pariin­ner­tik tujorminarsis­sit­tar­paat ajoqusingaarluguluun­niit. Por­nografiimut kajunger­nerit tamaasa aap­parin­ngisamil­lu atoqateqarusus­sin­naanerit tamaasa aalajangersimal­luin­narluni akior­neqar­tariaqar­put. Aap­parin­ngisatsin­nil­lu  qanin­niarujoor­ner­tut isik­koqarsin­naasut tamaasa iliuuserinaveersaar­tariaqar­pavut. Aap­parin­ngisamum­mi qanin­niarujoor­neq asan­nin­ngitsulior­neruvoq. Eq­qaamagutsigu eq­qarsaativut iliuutsivul­lu tamaasa Guutip nalun­ngik­kai taas­sumin­nga iluarineqarusun­ner­put aap­patsin­nul­lu ilumoorfigin­nit­tuarusun­ner­put nakus­satsis­savavut. – Mat­thæusi 5:27, 28; Hebræerit 4:13 atuak­kit.

AAP­PARIIT AJOR­NAR­TORSIORAANGATA

10, 11. (a) Avit­tar­neq qanoq nalingin­naatigaa? (b) Averuser­neq pil­lugu Biibilimi qanoq al­las­simasoqar­pa? (c) Aap­pariit averuser­niapal­lan­ngin­nis­samin­nut suna iluaqutigis­savaat?

10 Ingasat­tumik ajor­nar­torsiutit aaq­qin­neqan­ngik­kaangata aap­pariit ilaat averuser­niarlutik avin­niarlutil­luun­niit aalajanger­tar­put. Nunat ilaan­ni aap­pariit tamarmik af­faan­nit amerlanerusut avit­tar­put. Soorunami kristumiut ilagiivini taamaan­ngilaq. Taamaak­kaluar­toq kristumiut aap­pariin­nermin­ni ingasat­tumik ajor­nar­torsior­tut amerliar­tuin­nar­put.

11 Biibilimi ima peq­qus­suteqar­poq: ‘Nuliap uini qimas­san­ngilaa – qimas­simaguniul­lu aap­paqan­ngitsuujuas­saaq uiniluun­niit isumaqatigalugu uterfigis­sal­lugu – uiusut­taarlu nuliani avis­san­ngilaa.’ (1 Kor 7:10, 11) Aap­pariin­neq pimoorus­sas­saavoq. Averuser­neq ajor­nar­torsiutinut ingasat­tunut aaq­qiis­sutaasin­naar­pasik­kaluarluni amerlaner­tigut ajor­nar­torsior­titsineruliin­nar­tar­poq. Jiisusi aap­pariin­neq pil­lugu Guutip oqaasii is­suariarlugit ima nangip­poq: ‘Guutip ataqatigiilersitai inuup avis­saar­tis­san­ngilai.’ (Mat­t 19:3-6; 1 Mos 2:24) Tas­sa Jehovap kis­saatigaa uiusoq nuliaasorlu aap­pariit­tuas­sasut. (1 Kor 7:39) Tamat­ta eq­qaamasariaqar­par­put iliuutsivut pil­lugit Jehovamut akisus­saal­luta. Taman­na iluaqutigisin­naavar­put ajor­nar­torsiutit ajor­neruler­tin­nagit aaq­qin­niapal­lat­tar­nis­saan­nut.

Aap­pariit kristumiut Guutimit siulersor­tik­kamik ajor­nar­torsiutitik aaq­qis­sin­naavaat

12. Sooq aap­paasup averuser­neq eq­qarsaatigilersin­naavaa?

12 Sooq aap­pariit ilaat ingasat­tumik ajor­nar­torsior­pat? Ilaat aap­pariin­nermut neriuutigisamit­tut misigin­ngin­namik pakatseq­qap­put kamas­saqarlutil­luun­niit. Amerlaner­tigut ajor­nar­torsiutit aap­pariit peroriar­tor­nermut tun­ngasutigut misigis­sutsik­kul­luun­niit qisuariar­tar­nermik­kut as­sigiin­ngin­neran­nit pis­suteqar­tar­put. Aam­ma sakik­kut, aningaasat qanoq ator­nis­saat qitor­nanil­lu perorsaaneq pil­lugit isumaqatigiin­ngis­sutit ajor­nar­torsior­titsilersin­naap­put. Aap­pariil­li kristumiut amerlanerit Guutimit siulersor­tik­kamik ajor­nar­torsiutitik aaq­qis­sin­naasaraat takul­lugu nuan­ner­poq.

13. Averuser­nis­samut suut eq­qor­tumik pis­sutaasin­naap­pat?

13 Aap­pariit averuser­nis­saan­nut eq­qor­tunik pis­sutis­saqarsin­naavoq. Pis­sutsit ingasat­tut soorlu ilaqut­tanik pilersuiuman­ngil­luin­nar­neq, persut­taasar­neq anersaak­kul­lu peq­qis­sutsimik ingasat­tumik navianar­torsior­titsineq pis­sutigalugit averuser­toqarsimavoq. Ingasat­tumik ajor­nar­torsiuteqar­til­lugu aap­pariit utoq­qaaner­tanut ikior­tis­sarsior­tariaqar­put.  Angutit misilit­tagaqarluar­tut taak­kua aap­pariit Guutip siun­nersuutaanik maleruaasin­naaq­qul­lugit ikiorsin­naavaat. Aap­pariil­lu anersaaq il­ler­nar­toq Jehovamut qin­nutigigaangamik­ku Biibilimi najoq­qutas­sianik maleruaanis­samin­nut kristumiutul­lu pis­suserineqar­tus­sanik ersersitsinis­samin­nut iluaqutigisin­naavaat. – Gal 5:22, 23. [2]

14. Kristumiut Jehovamik pal­lorfigin­nin­ngitsumik aap­pal­lit pil­lugit Biibilimi qanoq al­las­simava?

14 Biibilimi ersersin­neqar­poq aap­pariit aap­pariit­tuar­nis­saan­nut, aam­ma aap­paasoq Jehovamik pal­lorfigin­nin­ngitsuugaluar­pat, pis­sutis­saqarluar­toq. (1 Korinthimiut 7:12-14 atuak­kit). Up­pin­ngitsoq “il­ler­nar­titaavoq” Guutimut kif­faasumik aap­paqarami. Aap­pariit qitor­naat inersimasuun­ngitsut “il­ler­nar­titaap­put” taamaat­tumil­lu Guutimit ser­nigineqarlutik. Paulusip aap­pariit kristumiut ima kajumis­saar­pai: “Ar­naq, qanoq ilil­lutit ilisimasin­naaviuk uiit an­naas­sin­naanerit? Il­lil­luun­niit, angut, qanoq ilil­lutit ilisimasin­naaviuk nuliat an­naas­sin­naanerit?” (1 Kor 7:16) Kristumior­pas­suit uiusut nuliaasul­lu aap­par­tik Jehovamik pal­lorfigin­nilersin­naaq­qul­lugu ikiorsimavaat.

15, 16. (a) Ar­nat kristumiut Guutimut kif­far­tor­tuun­ngitsumik uil­lit Biibilimi qanoq siun­nersor­neqar­pat? (b) ‘Up­per­tuun­ngitsoq avik­kumap­pat’ kristumiu qanoq inis­sisimas­sava?

15 Apustilip Petrusip nuliaasut kristumiut uimin­nut naalatsigiteq­qul­lugit siun­nersor­pai “uiusut ilaat oqaatsimut naalas­seriik­kaluar­tut oqaluf­figineqan­ngik­kaluarlutik nuliamil­li inuusaasiatigut ilan­ngus­sin­naaq­qul­lugit Guutimik mianerin­nil­lusi inuunersi minguitsoq takulerunik­ku”. Nuliaasup up­perisani eq­qar­tor­tuaan­nar­nagu ‘anersaaq piuaatsoq qanilaar­torlu Guutip isaani erlin­naqisoq’ ersersik­kuniuk uimi sal­lusuis­sum­mik ilas­sin­nin­nis­saanut ikiorluar­nerusin­naavaa. – 1 Petr 3:1-4.

 16 Taavami aap­paasoq up­pin­ngitsoq averuser­niar­pat? Biibilimi ima al­las­simavoq: “Up­per­tuun­ngitsorli avik­kumaguni taamaaliorli, taamaat­tutigut qatan­ngut angut qatan­ngul­luun­niit ar­naq pin­ngitsaalisaan­ngil­lat, Guutip qaaq­qum­masi eq­qis­seq­qul­lusi.” (1 Kor 7:15) Averuser­neq eq­qis­sial­latsitsisin­naagaluar­toq aap­paasoq kristumiu Biibili naaper­torlugu aap­paneq­qin­nis­saminut kif­faan­ngis­suseqan­ngilaq. Aap­panili najuin­nar­niarlugu kimigiiserfiginiar­tariaqan­ngilaa. Imaas­sin­naavoq aap­paasoq up­pin­ngitsoq aap­parisimasaminut uter­niarluni aalajanger­toq. Al­laal­lu siunis­sami aap­paasoq up­pin­ngitsoq Jehovamut kif­far­tor­tun­ngorsin­naavoq.

AAP­PARIIN­NERMI SUNA SAL­LIUTIP­PAR­PUT?

Jehovamik pal­lorfigin­nin­nerput aal­lul­lua­rutsigu aap­pariit­tut pil­luar­neru­lersin­naavugut (Immikkoortoq 17 takuuk)

17. Aap­pariit kristumiut suna sal­liutit­tariaqar­paat?

17 ‘Ul­lus­sat kingul­liit’ naaler­neran­ni inuugat­ta ‘ul­lut atugarliungaarfiup­put’. (2 Tim 3:1-5) Taamaat­tumik Jehovamut at­taveqarluar­ner­put il­lersuutigisariaqar­par­put. “Pif­fis­saq sivikil­leqaaq,” Paulusi al­lap­poq imalu nangil­luni: “Matumalu kingor­na aap­paqar­tut aap­paqan­ngitsutut is­sap­put, ... silarsuarmil­lu atuisut atuin­ngitsutut.” (1 Kor 7:29-31) Paulusi isumaqan­ngilaq aap­pal­lit aap­par­tik sumigin­nas­sagaat. Ul­lunili kingul­ler­ni inuugat­ta Jehovamik pal­lorfigin­nin­ner­put sal­liutit­tariaqar­par­put. – Mat­t 6:33.

18. Sooq kristumiut pil­luarlutik aap­pariil­luarsin­naap­pat?

18 Ul­luni atugarliorfiusuni mak­kunani aap­pariip­pas­suit aap­pariin­nerlior­put. Pil­luarluni aap­pariil­luar­toqarsin­naava? Aap, Jehovamut in­nut­taanul­lu qanimut at­taveqar­tuarut­ta, Biibilimi najoq­qutas­siat maleruarutsigit Jehoval­lu anersaavanit il­ler­nar­tumit siulersor­tik­kut­ta. Taamaaliorut­ta ‘Guutip ataqatigiilersitaanik’ ataq­qin­nis­saagut. – Mark 10:9.

^ [1] (im­mik­koor­toq 5) Atit al­lan­ngor­titaap­put.

^ [2] (im­mik­koor­toq 13) Takuuk atuak­kami “Guutip asan­nin­neraniit­tuin­naritsi”-mi tapilius­saq “Guutip avin­nermut averuser­nermul­lu isigin­nit­taasia”, qup­p. 251-253.