Imarisai

Saqqaata tullia

Imai

Jehovap Nalunaajaasui

Kalaallisut

Napasuliaq Alapernaarsuiffik – Atuaqqissaarutissaq  |  Aggusti 2016

Atuartartut apeqqutaat

Atuartartut apeqqutaat

Sooq farisiiarit error­tor­nis­saq taama pingaar­titsigaat?

Jiisusip ajoqersugaasalu nerin­ngin­nermin­ni error­tor­tan­ngin­nerat farisiiarit as­suarisar­paat. Mosesip inatsisaani nas­suiar­neqar­poq inuup suut mingut­tun­nguutigisin­naagai, as­sersuutigalugu ar­nap aaqar­nera, pupin­neq, inum­mik uumasumil­luun­niit toqungasumik at­tuineq. Aam­ma ilitsersuuteqar­poq qanoq minguersar­toqarsin­naasoq. Pil­liuteqar­nik­kut, eq­qiar­nik­kut imermil­luun­niit ser­par­tin­nik­kut minguersar­toqarsin­naavoq. – 3 Mos 11-15; 4 Mos 19.

Juutit ajoqersuisui, aam­ma rabbinerinik taaneqar­tar­tut, Mosesip inatsisaasa saniatigut nam­min­neq maleruagas­sior­put. Juutit oqalut­tuarisaanerat pil­lugu qinerlerfis­siaq naaper­torlugu juutit ajoqersuisui inuup qanoq mingut­tun­ngorsin­naaneranik qanorlu al­lanik mingut­tun­ngor­titsisin­naaneranik amerlanerusunik sukumiin­nerusunil­lu inatsisilior­put. Aam­ma ator­tut suut mingut­tun­ngorsin­naaneran­nik suul­lu mingut­tun­ngorsin­naan­ngin­neran­nik inuil­lu minguiar­tin­neqarumal­lutik qanoq periaaseqar­tariaqar­neran­nik inatsisilior­put.

Akeraasut Jiisusi ima aperaat: “Sooq ajoqersuk­kavit siuaasanit kingor­nus­sarsiat malin­ngilaat nerisarlutil­li as­satik mingoqar­til­lugit?” (Mark 7:5) Farisiiarit taak­kua peq­qin­nis­saq pis­sutigalugu eq­qiluisaar­nis­saq pin­ngilaat, ileq­qorli up­perisarsior­nermut tun­ngasoq pivaat. Farisiiarit piumasaraat nerin­ngin­nermi as­saat imermik kuif­figineqaq­qaar­tas­sasut. Qinerlerfis­siami eq­qaariik­katsin­ni aam­ma al­las­simavoq ‘asaf­fiit sorliit ator­neqas­sasut, imeq suna pitsaanerusoq, kiap as­saat kuis­sagai as­saal­lu tamak­kerlugit kuineqas­sasut oqal­lisigisaraat’.

Inuit inatsisiliaat taak­ku tamaasa Jiisusip qanoq isumaqarfigai? Up­perisarsior­nik­kut siut­tut ima oqarfigai: “Ilis­si ilumoor­tuusaar­tusi pil­lusi Esaja eq­qor­tumik siulit­tuivoq, soorlumi al­las­simasoq: Inuiaat ukua qarluin­narmin­nik ataq­qivaan­nga, uum­mataal­li uan­nit ungaseqaat, asuliin­naq guutisiorfigaan­nga inuit inas­sutiliaat ajoqersuus­sutigisaramik­kit. Ilis­si Guutip inas­sutai ilagin­nar­pasi inun­nit kingor­nus­sarsiat kisiisa maleruar­tarlugit.” – Mark 7:6-8.