Imarisai

Saqqaata tullia

Imai

Jehovap Nalunaajaasui

Kalaallisut

Iteritsi!  |  Nr. 2 2017

 SAMMISAQ PINGAARNEQ | BIIBILI ILUMUT GUUTIMEERSUUA?

Biibili – Ilumut Guutimit ‘anersaarfigineqarpa’?

Biibili – Ilumut Guutimit ‘anersaarfigineqarpa’?

BIIBILIP Guutimeersuunera up­peraajuk? Imaluun­niit isumaqar­pit atuagaasoq inuit isumaan­nik taamaal­laat imalik?

Taman­na al­laat kristumiuunerar­tut akor­nan­ni oqal­lisaajuar­poq. As­sersuutigalugu 2014-imi USA-mi inun­nik isumasiuinermi paasineqar­poq kristumiut amerlanersaat isumaqar­tut “Biibili arlaatigut Guutimut at­tuumas­suteqar­toq”. Tamatumali saniatigut tal­limarar­terutaasa Biibili atuak­katut “itsaq oqalut­tualianik, oqaluasaanik, oqalut­tuarisaanermik malit­tarisas­sanil­lu inun­nit al­lan­neqarsimasunik” imalit­tut isigaat. Isumaqatigiin­ngis­sum­mit tamatuman­nga ersersin­neqar­poq Biibilip ‘anersaarfigineqar­nerata’ isumaa paasis­sal­lugu qanoq pingaaruteqar­tigisoq. – 2 Timotheusi 3:16.

‘ANERSAARFIGINEQARTOQ’ – QANOQ ISUMAQARPA?

Biibili atuagaaq­qanik 66-inik im­mik­koor­toqar­poq, taak­kulu ukiut 1.600-t ingerlaneran­ni angutinit 40-t mis­saan­niit­tunit al­lan­neqar­put. Kisian­ni Biibili inun­nit al­lan­neqar­pat qanoq ‘Guutimit anersaarfigineqarsin­naagami’? Naatsumik oqaatigalugu ‘Guutimit anersaarfigineqar­nera’ isumaqar­poq paasis­sutis­sat tas­saniit­tut Guutimit isumassarsiarititaasut. Taman­na Biibilimi ima al­laatigineqar­poq: ‘Anersaamit il­ler­nar­tumit sun­ner­til­lutik inuit Guutimit pisumik oqaaseqar­tar­put.’ (2 Petrusi 1:21) Al­latut oqaatigalugu Guutip nukini sulisoq takus­saan­ngitsoq, anersaani il­ler­nar­toq, atorlugu tusarlius­sani Biibilimik al­laqataasunut ingerlateq­qip­paa. Taman­na pisor­tamut oqaatsiminik al­latsiminut al­latsitsisumut as­sersuun­neqarsin­naavoq. Al­latsip isum­mani al­lan­neq ajor­pai, paasitin­neqaan­nar­tar­poq qanoq al­las­sanerluni.

Biibilimik al­laqataasut ilaat Guutip tusarlius­saanik in­ngilimit tusarler­neqar­put. Al­lat Guutimit takorruuisin­neqar­put. Ilaan­nik­kut Guuti sin­nat­tor­titsinik­kut tusarliisar­poq. Guutip ilaan­nik­kut al­lat­tut nam­min­neq oqaatsitik atorlugit al­lan­nis­saat akuerisar­paa, ilaan­nik­kul­li qanor­piaq al­las­sasut paasitit­tar­pai. Qanorluun­niit ik­kaluar­pat inuit al­lat­tut nam­min­neq eq­qarsaatitik al­lan­nagit Guutip eq­qarsaatai al­lat­tar­paat.

Biibilimik al­laqataasut Guutimit isumas­sarsisin­neqarsimanerat qanoq qularin­ngis­sin­naavar­put? Biibilip Guutimeersuuneranut up­per­narsaatit pingasut eq­qarsaatigik­kit.