Imarisai

Saqqaata tullia

Imai

Jehovap Nalunaajaasui

Kalaallisut

Iteritsi!  |  Nr. 1 2018

 INOORIAASEQ PILLUARNARTOQ

Suut pillualissutaasarpat?

Suut pillualissutaasarpat?

PILLUARPIT? Taamaap­pat suut pil­lualis­sutigaagit? Ilaqut­tatit, sulif­fiit up­perisal­luun­niit? Im­maqa pil­lualis­sutigisin­naasatit, soorlu atuarun­naar­nis­sat, sulif­figis­saaler­nis­sat nutaamil­luun­niit biilitaar­nis­sat, qilanaaraatit.

Inup­pas­suit anguniak­kamin­nik angusigaangamik kis­saatigisamit­tul­luun­niit pisoqaraangat pil­lualer­tar­put. Qanorli sivisutigisumik pil­luar­tar­pat? Amerlaner­tigut sivikitsuin­narmik, taman­nalu pakatsinarsin­naavoq.

Inuk pil­luar­toq ilorrisimaar­tuuvoq misigis­sutsimigut al­lan­ngorar­tuun­ngitsoq, tas­sa nalerisimaarsin­naal­lunilu inuunermik nuan­naarutigin­ningaarsin­naasoq, taamatul­lu misigisimajuar­nis­saminik kis­saateqar­toq.

Aam­ma ilorrisimaar­tuuneq al­lan­ngorar­tuun­ngim­mat pilluarneq anguniakkatut allaatigineqarnani angalanertut allaatigineqarsimavoq. Oqaraan­ni “una anguguk­ku pil­lualis­saanga”, taava pil­lualer­nis­saq kinguar­tin­neqas­saaq.

Pil­luar­neq peq­qis­suunermut as­sersuuteriar­tigu. Timik­kut qanoq peq­qis­suusin­naavugut? Nerisas­sanut, timigis­sar­nermut inooriaatsimul­lu tun­ngatil­lugu silatusaar­tuunik­kut. Tamatumun­nga as­singusumik silatusaar­tumik inooriaaseqaraan­ni, najoq­qutas­siat pitsaasut naaper­torlugit inuugaan­ni, pil­luar­nermik kinguneqar­tar­poq.

Pil­luar­nar­tumik inooriaaseqarumal­luta najoq­qutas­siat suut naaper­torlugit inuusariaqar­pugut? Ilaat al­lanit pingaaruteqar­nerugaluar­tut uku tun­ngaviup­put:

  • NAAMMAGINNINNEQ TUKKORTUUNERLU

  • PEQQISSUUNEQ NIKALLLUJUINNERLU

  • ASANNINNEQ

  • ISUMAKKEERFIGINNINNEQ

  • SIUNERTAQARLUNI INUUNEQ

  • NERIUNNEQ

Atuak­kami pingaar­tin­neqar­tumi ima al­las­simavoq: “Pil­luar­poq as­suar­naal­luni inuusoq.” (Tus­siaat 119:1) Inooriaaseq taamaat­toq misis­soriar­tigu.