INUTTUT IMMIKKUT ITTUUVUGUT – ALLASSINNAAVUGUT, QALIPAASINNAAVUGUT PINGAARUTILINNILLU APERISINNAALLUTA: Sooq silarsuaqar­pa? Qanoq piuler­pugut? Inuuneq sumik siuner­taqar­pa? Siunis­sami susoqas­sava?

Inuit ilaat taamatut apererusun­neq ajor­put, tamak­ku akiuminaap­pal­laarsorigamik­kit. Al­lal­lu oqar­tar­put inuuneq pin­ngoriar­tuaarsimam­mat taama aperinis­saq asuliin­naas­sasoq. Wil­liam Provine oqalut­tuarisaanermik biologiimil­lu ilisimatooq ima oqar­poq: “Guuteqan­ngilaq, siuner­taqan­ngilaq.” Imalu nangil­luni: “Ileq­qoris­saar­toqaq­qusinis­samut aalajangersimal­luin­nar­tumik tun­ngavis­saqan­ngilaq, inuuneq siuner­taqan­ngil­luin­nar­poq.”

Inuil­li ilaasa inuunermik siuner­taqan­ngin­neraaneq akuerisin­naan­ngilaat. Takusin­naavaat silarsuaq inatsisinit eq­qoq­qis­saar­tunit aqun­neqarluar­toq. Pin­ngor­titarsuarmiit­tut tupigusuutigisar­paat, inuil­lu ilusilersuinermin­ni taak­kua ilaan­nik as­siliiniar­tar­put. Nalun­ngilaal­lu torral­lataangaar­tunik ator­toris­saaruteqaraangat tamak­ku silas­soris­sumit pilersitaasar­tut.

Taamatut tun­ngavilersuineq pin­ngoriar­tuaarsimaneraasut ilaasa isumamin­nik al­lan­nguis­sutigaat:

QARATSAMIK PILATTAASARTOQ DR. ALEXEI MARNOV. Ima oqar­poq: “Ilin­niarfigisan­ni guuteqan­ngin­neraaneq pin­ngoriar­tuaarsimaneraanerlu ilin­niar­titsis­sutigineqar­put. Guutimik up­perin­nit­tut paasisimasaqan­ngitsutut isigineqar­put.” 1990-imili eq­qarsar­taatsini al­lan­ngor­tik­kiar­tuaaler­paa.

Ima nas­suiaavoq: “Suut tamarmik, ilaatigut inuup qarasaa pil­lugu, im­min­nut naaper­tuut­tumik tun­ngavilersorluagaanerat paaserusut­tuaan­nar­nikuuara. Inuup qarasaata silarsuarmi ilisimasatsin­ni im­mik­kuul­larin­ner­paamik katitigaasumik sananeqaateqar­nerar­neqarsimanera ilumoor­poq. Qarasarli ilisimasar­pas­suaqaleriarluni toqusus­satut ilusiligaava? Taamaap­pat taman­na asuliin­naal­lunilu silas­sorin­nermut naaper­tuutin­ngilaq. Taamaat­tumik ima eq­qarsar­taler­punga: ‘Sooq maaniip­pugut? Inuuneq sumik siuner­taqar­pa?’ Eq­qarsaatigisareerlugit isum­mer­punga Pin­ngor­titsisoqarsimas­sasoq.”

Alexei inuunerup siuner­taanik paasin­nik­kusul­luni Biibilimik atuaq­qis­saar­taler­poq. Aam­ma nulia nakorsaq Biibilimik atuaq­qis­saar­taler­poq, aal­laq­qaam­mut uimi kuk­kunera up­per­narsar­niarlugu! Maan­nali marluul­lutik Guuti up­peraat, taas­sumalu inun­nut siuner­taa Biibilimi nas­suiar­neqar­toq paasisimavaat.

ILISIMATOOQ DR. HUABI YIN. Fysik­kimik ilisimatusarlunilu ukior­pas­suar­ni seqiner­put pil­lugu misis­suisimavoq. Ima oqar­poq: “Uagut ilisimatusar­tuusugut pin­ngor­titarsuarmi pisar­tut misis­soraangatsigit aaq­qis­suul­luagaaq­qis­saar­neq, inatsisit eq­qoq­qis­saar­tut kingunerat, takusar­par­put. Ima eq­qarsar­punga: ‘Inatsisit taak­ku sumin­ngaan­neer­pat? In­neq iganermi atugas­saq aqun­neqaq­qis­saar­tariaqar­pat, taava inatsisit seqinermik aqutsisut kimit inatsisiliaap­pat?’ Paasiler­para Biibilimi al­las­simasoq una misis­suinik­kut paasisanut naaper­tuun­ner­paasoq: ‘Pileq­qaar­neran­ni Guutip qilak nunalu pin­ngor­tip­pai.’” – 1 Mosesi 1:1.

Ilisimatuut apeq­quter­pas­suit akisin­naavaat, soorlu uku: Qarasaq qanoq sulisar­pa? Seqer­nup kis­sar­toq qaamanerlu qanoq pilersit­tar­pai? Apeq­qutil­li pingaaruteqar­nerusut soorlu uku Biibilimi akineqar­put: Sooq silarsuaq piua? Sooq inatsisinit aqun­neqar­pa? Aam­ma sooq piuvugut?

Biibilimi al­las­simavoq Guutip nunarsuaq ‘soqan­ngitsus­san­ngorlugu pin­ngor­tin­ngik­kaa, kisian­ni najugaqarfis­san­ngor­til­lugu’. (Esaja 45:18) Guuti nunarsuarmut siuner­taqar­poq, al­laaserisal­lu tul­liani ersersin­neqas­saaq siuner­taq taman­na siunis­samut neriuutitsin­nut at­tuumas­suteqarluin­nar­toq.