Imarisai

Saqqaata tullia

Imai

Jehovap Nalunaajaasui

Kalaallisut

Iteritsi!  |  Nr. 1 2017

 ILUSILERSUGAAVA?

Saharami uniaaluup kiammut illersuutai

Saharami uniaaluup kiammut illersuutai

SAHARAMI uniaaluk (Cataglyphis bombycina) uumasuni nunamiutani ilisimaneqar­tuni kiam­mut il­lersuutigin­ner­paanut ilaavoq. Saharami ul­loror­nerani seqer­ngup uniaalum­mik piniar­tar­tut tarrisimatileraangagit uniaaluk nerisas­saminik, pingaar­tumik sul­liner­nik uul­lutik toqusimasunik, piniapal­lan­niarluni sul­luliaminit anisar­poq.

[50] μm

Uku eqqarsaatigikkit: Uniaaluup saneq­qamigut qaamigul­lu meq­quni im­mik­kuul­laris­sut ataatungimigul­lu meq­qoqan­ngin­nini il­lersuutigai. Meq­qui qil­laalatitsisar­tut mikisuararsuup­put pingasunik teqeq­qul­lit. Meq­qut sinaaniit­tut marluk qum­mut sam­misut mikisuararsuar­nik meq­qoq malil­lugu qun­neqar­put meq­qul­lu timaanut sam­misut manis­suul­lutik. Ilusilersugaq taman­na marlun­nik iluaqutis­sar­taqar­poq. Siul­ler­tut, meq­qut taamaalil­lutik seqer­ngup qin­nguai kis­sar­tut takuneqarsin­naan­ngitsut uter­tis­sin­naasar­paat. Aap­paat­tut, uniaaluk taamaalil­luni avatangiisiminit timimigut kis­satsin­neqaraluarluni nil­lorsarsin­naasar­poq. Tamatuma saniatigut inoqajuitsup sioraanit qin­ngor­nerit kis­sar­tut takuneqarsin­naan­ngitsut uniaaluup ataatungaata meq­qoqan­ngitsup uter­tit­tar­pai. *

[10] μm

Uniaaluk im­mik­kuul­laris­sumik il­lersuuteqarami timaata kis­sas­susaa 53,6 gradinit, uul­luni toqus­sutigisin­naasaminit, kis­sar­neruler­neq ajor­poq. Pin­ngor­titaq mikisoq taan­na ilaarlugu ilisimatuut nil­lusaatit supoor­tut ator­toris­saarutil­lu al­lat ator­nagit nil­lusaatitut as­siaqutit im­mik­kut it­tut sananiar­tar­paat.

Qanoq isumaqarpit? Uniaaluup kiam­mut il­lersuutai pin­ngoriar­tuaarsimap­pat imaluun­niit ilusilersugaap­pat?

^ par. 4 Uniaaluup aam­ma timimini kiam­mut akiuus­sutis­salin­nik im­mik­kut it­tunik proteineqar­nini im­mik­kuul­laris­sutigaa. Tamatuma saniatigut inoqajuitsup sioraanut kis­sar­tunut at­tuuman­ngin­nis­saminut suk­kasuumil­lu pangalin­nis­saminut iluaqutigisaminik takisuunik nioqar­poq. Aam­ma sumiis­susersiul­laq­qis­suugami sul­luliaminut qanin­nersior­tuaan­nar­poq.