Imarisai

Saqqaata tullia

Imai

Jehovap Nalunaajaasui

Kalaallisut

Iteritsi!  |  Nr. 1 2017

 ILAQUTARIINNUT ILUAQUTISSAT | AAPPARIINNEQ

Pingaartitsineq qanoq ersersinneqartartoq

Pingaartitsineq qanoq ersersinneqartartoq

UNAMMINIARNARTOQ

Pingaar­titsinermik ersersitsisar­neq aap­pariil­luar­nis­samut pingaaruteqarluin­nar­poq. Taamaat­torli uiusut nuliaasul­lu amerlasuut aap­parmik pis­susii nuan­nersut maluginiarun­naar­tarlugil­lu pingaar­tip­pal­laarun­naar­tar­paat. Atuak­kami Emotional Infidelity-mi (Misigis­sutsik­kut al­lasior­neq) siun­nersuisar­tut ilaata maluginiar­paa aap­pariip­pas­suit ikior­tak­kami aap­pariin­nermin­ni “pisar­tut pingaar­nerutin­nagit pineq ajortut pingaar­nerutit­taraat. Al­laf­fin­nut iser­tar­put naam­maginar­titatik pin­nagit al­lan­ngor­tariaqar­tut oqaatigiumal­lugit. Aap­pariit taak­kua tamarmik pingaar­titsinik­kut asan­nin­nermik ersersitsin­ngitsoor­tar­ner­tik kuk­kus­sutigisar­paat.”

Il­lit aap­pal­lu taman­na qanoq pin­ngitsoor­tis­sin­naavisiuk?

ILISIMASARIAQAKKATIT

Pingaartitsinermik ersersitsisarnikkut ajornartorsiutit pinaveersaartinneqarsinnaapput. Uiusup nuliaasul­lu aap­parmik pis­susii nuan­nersut maluginiaraangamik­kit oqaatigigaangamik­kil­lu amerlaner­tigut aap­pariil­luar­neruler­tar­put. Uiusut nuliaasul­lu pingaar­tin­neqar­tutut misigigunik al­laat ajor­nar­torsiutitik aaq­qik­kiar­tulersin­naavaat.

Nuliaasunut. Atuak­kami Emotional Infidelity-mi al­las­simavoq: “Angutit ilaqut­tamin­nik pilersuinis­samik tatineqangaar­tar­nerat ar­nar­pas­suit maluginian­ngitsoor­tar­paat.” Al­laat aap­pariit marluul­lutik aningaasarsioraluar­tut angut taamatut misigisin­naasar­poq.

Uiusunut. Angutit amerlaner­tigut nuliaasup ilaqutariit pil­lugit – soorlu sulinik­kut, meeq­qanik perorsaanik­kut imaluun­niit il­lulerisar­nik­kut – iliuuserisar­tagai soqutaar­pian­ngitsutut isigisar­paat. Fiona, * ukiut pingasut mis­saan­ni katis­simasimasoq, ima oqar­poq: “Tamat­ta kuk­kusar­pugut, kuk­kugaangamalu im­minut ajorisar­punga. Taamaat­tumik uima angerlarsimaf­fitsin­ni suliarisak­ka pil­lugit nersulaaraanganga paasisar­para kuk­kusaraluar­tunga suli asagaanga. Aam­ma tapersersor­neqar­tutut nuan­naar­nerusutul­lu misigisar­punga.”

Aap­paasul­li pingaar­tin­neqan­ngitsutut misiginera aap­pariin­nermi ajor­nar­torsior­titsisin­naavoq. Nuliaasoq Valeriemik atilik ima oqar­poq: “Aap­parmit pingaar­tin­neqan­ngitsutut  misiginermi allamut ilin­nik pingaar­titsisumut kajungiler­nis­saq ajor­nan­ngin­nerusar­poq.”

ILIUUSERISINNAASATIT

Arajutsisaatsuugit. Sapaatip-akun­nerata ingerlanerani aap­pavit pis­susii nuan­nersut maluginiak­kit. Aam­ma angerlarsimaf­fis­sin­ni suut tamarmik ajun­ngitsumik ingerlaq­qul­lugit iliuuserisar­tagai, im­maqa maan­namut taamaat­tus­saan­nar­tut isigisar­tak­katit, maluginiak­kit. Sapaatip-akun­nerata naanerani (1) aap­pavit pis­susii nuan­narisatit aam­ma (2) il­lit meeq­qal­lu pil­lusi iliuuserisai al­lat­tuk­kit. – Najoqqutassiaq Biibilimeersoq: Filippimiut 4:8.

Sooq arajutsisaatsuunis­saq pisariaqar­pa? Nuliaasoq Erikamik atilik ima oqar­poq: “Ukiualun­ni katis­simareer­nerup kingor­na aap­parisaq suusupagineqalersin­naavoq. Iliuusii nuan­nersut pin­nagit iliuuserinngisai maluginiar­neqalersin­naap­put.”

Im­minut ima aperigit: ‘Aap­parisama tamaviaarluni iliuusii taamaat­tus­saan­nar­tut isigaak­ka?’ As­sersuutigalugu il­lumik iluarsar­tuus­sinera pil­lugu uiit qutsavigineq ajor­piuk taman­na pisussaaffimmik eq­qor­titsinerin­nar­tut isigigak­ku? Uiuguit, meeq­qanik perorsaaneq pil­lugu nuliat nersualaar­neq ajor­piuk taman­na akisussaaffimmik eq­qor­titsinerin­nar­tut isigigak­ku? Aap­pavit il­lit meeq­qal­lu pil­lusi iliuusii – an­ner­tuut an­nikitsul­lu – tamaasa maluginiar­nis­saat qujamasuutiginis­saal­lu anguniagariuk. – Najoqqutassiaq Biibilimeersoq: Romamiut 12:10.

Akulikitsumik nersualaarinnittarit. Biibilimi qujamasut­tuunis­sar­put al­las­simaan­nar­nani aam­ma ima al­las­simavoq: ‘Qujaniartaritsi.’ (Kolossemiut 3:15) Taamaat­tumik aap­pavit qutsavigisar­nis­saa ileq­quliuguk. James ima oqar­poq: “Nuliama iliuuserisak­ka pil­lugit nersualaaraanganga uiul­luar­nis­sara aap­pariin­nitsin­nil­lu pitsan­ngorsaanis­sara tamaviaarutigineruler­tar­pak­ka.” – Najoqqutassiaq Biibilimeersoq: Kolossemiut 4:6.

Aap­parmin­nut pingaar­titsinermik ersersitsisar­tut aap­pariin­ner­tik nakus­satsit­tar­paat. Uiusoq Michael ima oqar­poq: “Aap­parisap ajun­ngitsor­tai isiginiar­neqar­tar­tuup­pata avin­nerit amerlasuut pin­ngitsoor­tin­neqas­sagaluar­put. Aap­pariin­nermik nuan­nersor­tai eq­qaamajuarunik­kit ajor­nar­torsiuler­nermi avin­nis­saq siul­ler­tut eq­qarsaatigisas­san­ngilaat.”

^ par. 9 Atit ilaat al­lan­ngor­titaap­put.