وتباسىڭىز بەرەكەلى بولسىن | نەكە
ۇيلەنبەي ٷي بولۋ دۇرىس پا، بۇرىس پا؟
كوپ جۇپتار بۇگىندە زاڭدى تىركەلىمسىز بىرگە تۇرىپ جاتىر. كەيبىرەۋلەر وسىلايشا ٴبىر-ٴبىرىن الدىن الا تانىپ العىسى كەلەدى، مىنەزى جاراسىپ جاتسا، نەكەسى بەرىك بولادى دەپ ويلايدى. ۇيلەنبەي ٷي بولۋ دۇرىس پا، بۇرىس پا؟
بۇل ماقالادا
كيەلى كىتاپتا نە ايتىلعان؟
كيەلى كىتاپتا نەكەدەن تىس جىنىستىق قاتىناس ايىپتالادى. مىسالى، وندا مىناداي ەسكەرتۋ جازىلعان: «ازعىندىقتان اۋلاق بولىڭدار» (سالونيكالىقتارعا 1-حات 4:3؛ قورىنتتىقتارعا 1-حات 6:18). ٴتىپتى ۇيلەنۋگە نيەتتەنىپ، بىرگە تۇرىپ جاتقان قىز-جىگىتتىڭ اراسىنداعى جىنىستىق قاتىناس تا ازعىندىققا جاتادى a. نەگىزىندە، كيەلى كىتاپ بەكىتكەن ەرەجەلەر جۇپتاردى نەكەدەن تىس جۇكتىلىكتەن جانە ۇيلەنبەي بىرگە تۇرۋدىڭ باسقا دا اشتى سالدارىنان قورعايدى.
نەكە — قۇدايدان كەلگەن قاسيەتتى وداق. نەكەگە باستاۋ بەرگەندە قۇداي بىلاي دەگەن: «ەركەك اكە-شەشەسىن قالدىرىپ، ايەلىنە قاتتى جابىسادى، ٴسۇيتىپ، ەكەۋى ٴبىرتۇتاس بولادى» (مۇسانىڭ 1-جازباسى 2:24 ٴسىلت.). ەكى ادام نەكەدە ٴبىر-بىرىنە ادال بولۋدى، ٴبىر بولۋدى سەرت ەتكەندە عانا وتباسىلارى بەرىك تە باياندى بولادى.
بىرگە تۇرۋ ٴسىزدى نەكەگە دايىنداي ما؟
بىرەۋلەر سولاي ويلايدى. قىز بەن جىگىت ٷي شارۋالارىن بىرگە ىستەسە جانە كۇندەلىكتى ومىردەگى ٴبىر-ٴبىرىنىڭ مىنەزىن كورسە، نەكەدە ونىڭ كوپ پايداسى تيەدى دەگەن ويدا. الايدا باقىتتى نەكەنىڭ سىرى — ٴبىر-بىرىنە ادال بولۋدا.
قۋانىشتا دا، قايعىدا دا ٴبىر-بىرىنەن اجىراماۋدى جۇپ قالاي ۇيرەنسە بولادى؟ ەكەۋى دە ٴبىر-بىرىنە وتە ادال بولىپ، كەز كەلگەن قيىندىقتى بىرگە كوتەرگەندە، قارىم-قاتىناستارى نىعايادى. ال ازاماتتىق نەكەدەگىلەر قارىم-قاتىناستارىن ماڭگى دەپ ويلامايدى، جاراسپاساق، ەكى جاققا كەتە سالامىز دەگەن ويمەن بىرگە تۇرادى.
ٶيتۇيىن. نەكەسىز بىرگە تۇرىپ جاتقاندار شىن مانىندە وزدەرىن نەكەگە ەمەس، كەتۋگە دايىندايتىن سىڭايلى.
كيەلى كىتاپ كەڭەسى: «ادام نە ەكسە، سونى ورادى» (عالاتتىقتارعا 6:7).
بىرگە تۇرۋ قاراجاتىڭىزدى ۇنەمدەي مە؟
بىرەۋلەر سولاي ويلايدى. «پيۋ» زەرتتەۋ ورتالىعىنىڭ جۇرگىزگەن ساۋالناماسىنا ساي، اقش-تا 10 ەرەسەكتىڭ 4-ەۋى قاراجاتتى ۇنەمدەۋ ٷشىن بىرگە تۇرادى ەكەن. الايدا ٴبىراز ۋاقىت بىرگە تۇرىپ كورگەن سوڭ، ولاردىڭ كوبى نەكەگە تۇرۋعا دايىن ەمەس ەكەنىن ايتتى، ونىڭ سەبەبى — ٵلى دە سول قاراجاتتىڭ جەتىسپەۋشىلىگى.
زاڭدى نەكەسىز بىرگە تۇرۋدىڭ باسقا دا سالدارى بولۋى مۇمكىن، اسىرەسە ايەلدەر ٷشىن. مىسالى، قارىم-قاتىناس اياقتالعان سوڭ، ادەتتە ورتاق بالانى باعىپ-قاعىپ اسىرايتىن — ايەلدەر قاۋىمى.
ٶيتۇيىن. ۇيلەنبەي تۇرىپ بىرگە تۇرۋدىڭ ارتىقشىلىقتارى بار سياقتى كورىنۋى مۇمكىن، الايدا ونىڭ كەمشىلىكتەرى ودان دا اسىپ تۇسەدى.
كيەلى كىتاپ كەڭەسى: «مەن قۇدايلارىڭ ەحوبامىن. مەن سەندەرگە پايدالىنى ۇيرەتەمىن» (يشايا 48:17).
بىرگە تۇرۋ دۇرىس ادام تاڭداۋعا كومەكتەسە مە؟
بىرەۋلەر سولاي ويلايدى. الايدا ٴبىر كىتاپتا ايتىلعانداي، «نەكەسىز بىرگە تۇرىپ جاتقاندار ٴجيى مىنانى تۇسىنبەي جاتادى: بىرگە تۇراتىنداردىڭ ايىرىلىسۋى وتە قيىن» («Fighting for Your Marriage»). نەگە؟ كەيدە بىرگە تۇرىپ جاتقان قىز-جىگىت ەش جاراسپايتىندارىن ٴتۇسىنىپ جاتادى. الايدا ەكەۋىنىڭ اسىراپ جاتقان ورتاق جانۋارى، جالعا الىپ جاتقان ورتاق ۇيلەرى نەمەسە ايەلدىڭ اياعى اۋىر بولۋى مۇمكىن. سوندىقتان، زەرتتەۋشىلەردىڭ ايتۋىنشا، «بىرگە تۇرىپ ۇيرەنىپ قالعاندىقتان جانە دۇرىس شەشىم قابىلداي الماعاندىقتان، ولار ايىرىلىسا الماي، باقىتسىز بولىپ جاتادى» b. ٴبىر سوزبەن ايتقاندا، «باياعىدا-اق ايىرىلىسىپ كەتەتىن قىز بەن جىگىت تۇبىندە ۇيلەنىپ تىنادى، ويتكەنى ولاردىڭ بۇدان باسقا امالى قالمايدى» («Fighting for Your Marriage»).
ٶيتۇيىن. بىرگە تۇرۋ دۇرىس شەشىم قابىلداۋعا كومەكتەسە المايدى. قايتا، كەرىسىنشە، ناشار قارىم-قاتىناستى ٷزۋدى قيىنداتادى.
كيەلى كىتاپ كەڭەسى: «پاراساتتى قاتەردى كورىپ، باس ساۋعالار، اڭعال العا ٴجۇرىپ، جاپا شەگەر» (ناقىل سوزدەر 22:3).
قالاي ىستەگەن دۇرىس؟
ۇيلەنبەي جاتىپ بىرگە تۇرۋدىڭ اشتى سالدارىن تاتپاي-اق، ٴساتتى نەكەگە، باياندى نەكەگە قول جەتكىزۋگە بولادى. ول ٷشىن قۇداي سوزىندە جازىلعان تالاپتاردى ۇستانىڭىز. بىرگە تۇرماي-اق ادامدى تانىپ-بىلۋگە بولادى. ول ٷشىن جەتكىلىكتى ۋاقىت ارناڭىز. بولاشاق جارىڭىزبەن قۇندىلىقتارىڭىز بەن نانىمدارىڭىز جاراسسىن، بۇل جىنىستىق قۇشتارلىقتان الدەقايدا ماڭىزدى.
قۇداي ٴسوزى كيەلى كىتاپتا نەكەنى عۇمىرلى دا باقىتتى ەتەتىن كەرەمەت اقىل-كەڭەستەر بار c. سولاردىڭ ارقاسىندا ٴسىز...
نەكەدە ادال بولاسىز؛
جاقسى جار بولاسىز؛
كەزدەسىپ جۇرگەندە، ول ادامنىڭ سىزگە تەڭ يا تەڭ ەمەس ەكەنىن تۇسىنەسىز.
وسى تاقىرىپتاعى ماقالالار org.jw سايتىندا «نەكە جانە وتباسى» دەگەن بولىمدە جاريالانعان.
كيەلى كىتاپ كەڭەسى: «كيەلى جازبالاردىڭ ٴبارى قۇداي رۋحىنىڭ جەتەلەۋىمەن جازىلعان، ٵرى ٴتالىم بەرۋگە... ٴتيىمدى» (تىموتەگە 2-حات 3:16).
a «ٴسۇيىپ تۇرسا، نەكەگە دەيىن كوڭىل قوسسا بولا ما؟» (حانزۇشا) دەگەن ماقالانى قاراڭىز.
b «Family Relations» جۋرنالىندا جارىق كورگەن «Sliding Versus Deciding: Inertia and the Premarital Cohabitation Effect» دەگەن ماقالادان الىندى (اۆتورلارى: سكوتت م. ستەنلي، گالەنا كلين رودز، حوۆارد دج. ماركۆەن).
c كەيبىر مادەنيەتتە اتا-انالار ٶز بالالارىنا جار تاڭداپ بەرەدى. كيەلى كىتاپتاعى كەڭەستەر اتا-انالارعا ادامنىڭ قانداي قاسيەتتەرىنە قاراۋ كەرەكتىگىن ۇيرەتەدى.
قىزىقتى بولار مالىمەتتەر
كيەلى كىتاپ. سۇراقتار مەن جاۋاپتار
نەكەلەسپەي بىرگە تۇرۋ جايلى كيەلى كىتاپتا نە ايتىلعان؟
قۇدايدىڭ نۇسقاۋلارى بىزگە باقىتتى وتباسىن قۇرۋدى ۇيرەتەدى. ولارعا قۇلاق اسقان جاندار بۇل نۇسقاۋلاردىڭ تەك پايداسىن كورەدى.
كيەلى كىتاپتىڭ ماڭىزدى تالىمدەرى
قۇداي نەكەگە قالاي قارايدى؟
قۇداي نەكەڭىزدىڭ باياندى بولعانىن قالايدى. ونداعى كەڭەستەر كوپتەگەن جۇپتارعا كومەكتەسكەن.
فلوماستەرلىك انيماسيا
بۇل ماحاببات پا، الدە قۇمارلىق پا؟
قۇمارلىق پەن شىن ماحابباتتى قالاي اجىراتۋعا بولاتىنىن ٴبىل.
ٴبىز جونىندە
ەحوبا كۋاگەرلەرىنىڭ كەلۋىن ٶتىنۋ
كيەلى كىتاپقا قاتىستى سۇراقتارىڭىزدىڭ جاۋابىن الىڭىز نەمەسە ەحوبا كۋاگەرلەرى جايلى كوبىرەك ٴبىلىڭىز.