كيەلى كىتاپتا تابيعي اپاتتار جايىندا نە دەلىنگەن؟
كيەلى كىتاپتىڭ جاۋابى
الەمدە بولىپ جاتقان تابيعي اپاتتاردى قۇداي جىبەرمەيدى. قايتا، سول اپاتتاردان قينالىپ جاتقان ادامداردى كورىپ ول قايعىرادى. بولاشاقتا قۇدايدىڭ ۇكىمەتى ادامزاتتى ازاپقا سالعاننىڭ ٴبارىن، ونىڭ ىشىندە تابيعي اپاتتاردى دا جويۋعا نيەتتەنىپ وتىر. سول تاماشا ۋاقىت كەلگەنشە جاراتۋشىمىز تابيعي اپاتتان قيىندىق كورىپ جاتقاندارعا جۇبانىش كوزىن بەرىپ جاتىر (قورىنتتىقتارعا 2-حات 1:3).
تابيعي اپاتتار قۇدايدىڭ جازاسى ەمەس ەكەنىن قايدان بىلەمىز؟
كيەلى كىتاپتا قۇداي ٶز ۇكىمىن ىسكە اسىرۋ ٷشىن كەي جاعدايلاردا تابيعات كۇشتەرىن قولدانعانى جازىلعان. الايدا ولاردىڭ تابيعي اپاتتاردان ايتارلىقتاي ايىرماشىلىعى بار. قانداي؟
تابيعي اپات كەزىندە جازىقسىز ادامدار ٶلىپ، قاسىرەت شەگەدى. ال قۇداي ٶز ۇكىمىن ىسكە اسىرعاندا تەك جاۋىز ادامداردى جازالاعان. مىسالى، ەجەلدە سودوم مەن عومورا قالالارىن جويامىن دەپ شەشكەندە، قۇداي لۇت دەگەن جاقسى ادام ەكى قىزىمەن بىرگە سول قالادان شىعىپ كەتكەنشە كۇتتى (مۇسانىڭ 1-جازباسى 19:29، 30). قۇداي سول كەزدەگى ادامداردىڭ جۇرەگىندە نە بار ەكەنىن كورگەن، ول زۇلىم دەپ تاپقانداردى عانا جويعان (مۇسانىڭ 1-جازباسى 18:23—32؛ سامۋيلدىڭ 1-جازباسى 16:7).
كوپ جاعدايدا تابيعي اپاتتار كۇتپەگەن كەزدە بولادى. ال قۇداي تابيعات كۇشتەرىن زۇلىمدارعا قارسى قولدانار الدىندا ولاردى ەسكەرتكەن. ەسكەرتۋگە قۇلاق اسقاندار اپاتتان امان قالعان (مۇسانىڭ 1-جازباسى 7:1—5؛ ماتاي 24:38، 39).
كەيبىر تابيعي اپاتتارعا ادامدار وزدەرى كىنالى. نەگە؟ ويتكەنى ولار قورشاعان ورتانى لاستايدى. ٴزىلزالا، توپان سۋ قاۋپى بار جەرلەرگە، كۇن رايى قولايسىز جاقتارعا عيماراتتار سوعادى (ايان 11:18). ولاردىڭ بۇنداي ىستەرىنە قۇدايدىڭ نە كىناسى بار؟ (ناقىل سوزدەر 19:3).
تابيعي اپاتتار اقىرزاماننىڭ بەلگىسى مە؟
ٴيا. كيەلى كىتاپتا «وسى زامان اياقتالىپ قالعاندا» (سوڭعى كۇندەر دەپ تە اتالادى) اپاتتاردىڭ بولاتىنى الدىن الا ايتىلعان (ماتاي 24:3؛ تىموتەگە 2-حات 3:1). مىسالى، ٴبىزدىڭ زامانىمىزعا قاتىستى يسا پايعامبار بىلاي دەگەن: «ٴتۇرلى جەرلەردە اشارشىلىق پەن جەر سىلكىنىستەرى بولادى» (ماتاي 24:7). جاقىندا قۇداي تاعالا ادامداردى ازاپقا سالاتىن، جۇرەكتەرىن سىزداتاتىننىڭ ٴبارىن جويادى، تابيعي اپاتتار دا جوق بولادى (ايان 21:3، 4).
تابيعي اپاتتان جاپا شەككەندەرگە قۇدايدىڭ كومەگى
قۇداي ٶز ٴسوزى ارقىلى كۇش بەرەدى. قۇداي سوزىندە ول ٴبىزدى ويلايتىنى، ٴبىزدىڭ جۇرەگىمىزدەگى قايعىنى ول دا سەزەتىنى جازىلعان (يشايا 63:9؛ پەتىردىڭ 1-حاتى 5:6، 7). سونداي-اق تابيعي اپاتتار ەشقاشان بولمايتىن تاماشا زامان سيلايتىنىن دا پايعامبارلارىنا جازدىرتقان (« جۇبانىش سيلايتىن كيەلى كىتاپ ۇزىندىلەرىن» قاراڭىز).
قۇداي قىزمەتشىلەرى ارقىلى كومەكتەسەدى. ول ٶز قىزمەتشىلەرىن يسا پايعامباردىڭ ۇلگىسىنە ەلىكتەۋگە شاقىرادى. يسا پايعامبار «جۇرەگى جارالىلاردى»، «قايعىرىپ جۇرگەندەردى» جۇباتاتىنى قۇداي سوزىندە الدىن الا جازىلعان (يشايا 61:1، 2). قۇدايدىڭ قىزمەتشىلەرى دە سونداي بولۋعا ۇمتىلادى (جوحان 13:15).
تابيعي اپاتتان جاپا شەككەندەرگە قۇداي ٶز قىزمەتشىلەرى ارقىلى ىسپەن دە كومەكتەسەدى (ەلشىلەردىڭ ىستەرى 11:28—30؛ عالاتتىقتارعا 6:10).
ەحوبا كۋاگەرلەرى پۋەرتو ريكوداعى داۋىلدان جاپا شەككەندەرگە كومەك كورسەتىپ جاتىر
كيەلى كىتاپتا اپاتقا دايىندايتىن پرينسيپتەر بار ما؟
ٴيا. كيەلى كىتاپ وزدىگىنەن اپاتقا دايىندايتىن نۇسقاۋلىق ەمەس. دەسە دە ونداعى پرينسيپتەر وتە پايدالى. مىسالى:
جوسپار قۇرىڭىز. كيەلى كىتاپتا بىلاي جازىلعان: «پاراساتتى قاتەردى كورىپ، باس ساۋعالار، اڭعال العا ٴجۇرىپ، جاپا شەگەر» (ناقىل سوزدەر 22:3). دەمەك، اپاتقا الدىن الا دايىندالۋ — پاراساتتىلىقتىڭ بەلگىسى. نە ىستەۋگە بولادى؟ دابىل سومكەسىن دايىنداڭىز، ىشىنە ەڭ كەرەكتىنى سالىپ قويىڭىز، وتباسىڭىزبەن اپات كەزىندە قاي جەردە كەزدەسەتىندەرىڭىزدى اقىلداسىپ، جاتتىعىڭىز.
دۇنيە-مۇلىكتى ەمەس، ٶمىردى باعالاڭىز. كيەلى كىتاپتا: «ٴبىز بۇل دۇنيەگە ەشتەڭە اكەلگەن جوقپىز، ەشتەڭە الىپ تا كەتە المايمىز»،— دەپ جازىلعان (تىموتەگە 1-حات 6:7، 8). اپاتتان امان قالۋ ٷشىن ٷيىمىز بەن مۇلكىمىزدى تاستاپ كەتۋگە دايىن بولۋىمىز كەرەك. كەز كەلگەن زاتتان ٶمىرىمىز ارتىق ەكەنىن ۇمىتپاعان ٴجون (ماتاي 6:25).
قىزىقتى بولار مالىمەتتەر
كيەلى كىتاپتىڭ ماڭىزدى تالىمدەرى
تابيعي اپاتتار قۇدايدىڭ جازاسى ما؟
تابيعي اپاتتان زارداپ شەككەن ەكى ايەل كيەلى جازبالاردان نە بىلگەنىن بايانداپ بەرەدى.
كيەلى كىتاپتىڭ ماڭىزدى تالىمدەرى
قۇداي پاتشالىعى دەگەن نە؟
يسا پايعامبار جەردە بولعاندا، باسقا تاقىرىپتارعا قاراعاندا قۇداي پاتشالىعى جايلى وتە كوپ ٴتالىم بەرگەن.
ٴجيى قويىلاتىن سۇراقتار
ەحوبا كۋاگەرلەرى تابيعي اپاتتان زارداپ شەككەندەرگە كومەكتەسە مە؟
ٴبىر سەنىمدەگىلەرگە جانە باسقالارعا تابيعي اپات كەزىندە قالاي كومەك كورسەتەتىنىمىز جايلى ٴبىلىڭىز.
ٴبىز جونىندە
ەحوبا كۋاگەرلەرىنىڭ كەلۋىن ٶتىنۋ
كيەلى كىتاپقا قاتىستى سۇراقتارىڭىزدىڭ جاۋابىن الىڭىز نەمەسە ەحوبا كۋاگەرلەرى جايلى كوبىرەك ٴبىلىڭىز.