جاستاردىڭ ساۋالدارى
نەگە اتا-انام ماعان ەشتەڭەگە رۇقسات بەرمەيدى؟
دوستارىڭ دەمالىس كۇنى كوڭىل كوتەرۋدى جوسپارلاپ، سەنى دە شاقىرادى. اتا-اناڭنان «بارسام بولا ما؟» دەپ سۇراعانىڭدا، ولاردان «جوق» دەگەن نىق جاۋاپ ەستيسىڭ. بۇل جاۋاپقا تاڭعالعان دا جوقسىڭ. سەبەبى ولاردىڭ ساعان ايتار بۇدان باسقا جاۋابى جوق سياقتى.
بۇل ماقالادا
نەگە اتا-انام ۇنەمى «جوق» دەيدى؟
سەندە مىناداي سەزىم: اتا-اناڭنان بىردەڭە سۇراساڭ بولدى، ۇنەمى «جوق» دەپ، رۇقسات بەرمەي قويادى. ولار تۋرا ٴبىر سەنىڭ كوڭىل كوتەرىپ، ۋاقىتتى قىزىق وتكىزگەنىڭدى قالامايتىنداي.
ٴدال وسىنداي سەزىم ماري دەگەن قىزعا تانىس. وعان العاش رەت تەلەفون اپەرگەندە ٶزىن وسىلاي سەزىنگەن. «اكەم كوپ نارسەگە تيىم سالىپ تاستادى: قانداي قولدانبالاردى جۇكتەيتىنىمە، كىممەن جازىساتىنىما جانە قانشاعا دەيىن تەلەفوندا وتىراتىنىما. ال دوستارىمدا بۇل جاعىنان ەش پروبلەما جوق!»— دەيدى ول.
ويلاپ كورشى: ٴماريدىڭ اكەسى شىنىمەن ونىڭ كوڭىل كوتەرگەنىن قالاماي ما؟ الدە ول قىزىن ۋايىمداي ما؟
جىلدامدىقتى شەكتەۋ قانداي دا ٴبىر شامادا ەركىندىگىڭدى شەكتەگەنمەن، سەنى جامانشىلىقتان قورعايدى. اتا-اناڭ ورناتقان ەرەجەلەر تۋرالى دا ٴدال سولاي دەۋگە بولادى.
بىلاي ىستەپ كور: وسى جاعدايدا سەن اتا-اناسىڭ دەلىك. ەگەر قولىندا جاڭا تەلەفونى بار جاسوسپىرىم بالاڭ بولسا، سەن نەنى ۋايىمدار ەدىڭ؟ ونى قورعاۋ ٷشىن سەن قانداي شەكتەۋلەر قويار ەدىڭ؟ ەگەر ول «مەنىڭ كوڭىل كوتەرگەنىمدى قالامايسىز» دەپ سەنى كىنالاسا، سەن وعان نە دەپ جاۋاپ بەرەر ەدىڭ؟
«اكەم ماعان ٵردايىم: «ٶزىڭدى مەنىڭ ورنىما قويىپ كورشى»،— دەيتىن. مەن سولاي ەتىپ كورىپ ەدىم، ەرەجەلەردىڭ شىنىمەن كەرەك ەكەنىن، اكەم شەكتەۋلەردى بەكەرگە قويمايتىنىن ٴتۇسىندىم. ەگەر بالالارىم بولسا، اكەم مەنەن نەنى كۇتسە، مەن دە بالالارىمنان سونى كۇتەر ەدىم» (تانيا).
ولار «ٴيا» دەۋ ٷشىن نە ىستەۋىم كەرەك؟
«ايقاي-شۋمەن ەشتەڭە ۇتپايسىڭ، كەرىسىنشە، ٶزىڭدى دە، اتا-اناڭدى دا شارشاتىپ تىناسىڭ. ال داۋلاساتىن بولساڭ، اتا-اناڭ سەنى ٵلى تولىسپاعان، ساعان ٵلى ەركىندىك بەرۋگە ەرتە دەپ ويلايدى» (ريچارد).
«ادەتتە ٵربىر ەرەجە جاقسى نيەتپەن ورناتىلادى. اكەم مەن انام مەنى قىزىقتان قۇر قالسىن دەمەيدى. ولار جاي عانا كوڭىل كوتەرۋدەن سوڭ مەندە ەش وكىنىش بولماسا ەكەن دەيدى» (ايۆي).
كيەلى كىتاپ كەڭەسى: «اقىماق بار سەزىمىن سىرتقا شىعارار، اقىلدى سابىر ساقتاپ، تىزگىندەر» (ناقىل سوزدەر 29:11).
«مەن اكەمنىڭ تەلەفوندى قولدانۋعا قاتىستى قويعان شەكتەۋلەرىنەن اتتاپ كەتپەكشى بولدىم. قۇربىلارىممەن ٴتۇننىڭ ٴبىر ۋاعىنا دەيىن جازىسۋدىڭ جانە اكەم تيىم سالعان قولدانبالاردى جۇكتەپ الۋدىڭ جولىن ىزدەيتىنمىن. ٴبىراق اكەم ۇنەمى ٴبىلىپ قوياتىن. سوندىقتان ونىڭ ماعان دەگەن سەنىمى ازايىپ، شەكتەۋلەرى ودان سايىن كوبەيە ٴتۇستى. سوندا قۋلىققا بارۋ جاقسى ەمەس ەكەنىن ٴتۇسىندىم» (ماري).
«شىدامدى بول. اتا-انا قويعان ەرەجەسىن بىردەن وزگەرتە سالمايدى. ٴبىراق بارلىق ەرەجەلەرىن ورىنداپ جۇرگەنىڭدى كورسە، ۋاقىت وتە كوبىرەك ەركىندىك بەرۋى مۇمكىن» (مەليندا).
كيەلى كىتاپ كەڭەسى: «ٵردايىم اتا-انالارىڭا مويىنسۇنىڭدار» (قولوستىقتارعا 3:20).
«قىڭقىلداپ تۇرىپ العاننان تۇك شىقپايدى، قالاعانىڭا ٴبارىبىر قول جەتكىزە المايسىڭ» (ناتالي).
«اتا-انا بالاسىنىڭ اقىلمەن ارەكەت ەتەتىنىن كورگىسى كەلەدى. سوندىقتان اكەممەن جانە اناممەن سويلەسكەندە، سەزىمگە بەرىلمەۋگە تىرىسامىن. ٴبىر بايقاعانىم، ولارعا قيسىندى دالەلدەر كەلتىرسەڭ، ادەتتە سۇراعانىڭدى ىستەۋگە رۇقسات ەتەدى» (دجوزەف).
كيەلى كىتاپ كەڭەسى: «اكە-شەشەڭدى قۇرمەتتە» (ەفەستىكتەرگە 6:2).
قىزىقتى بولار مالىمەتتەر
فلوماستەرلىك انيماسيا
كوبىرەك ەركىندىك الۋ ٷشىن نە ىستەسەم بولادى؟
مەن ەندى ەرەسەك بولدىم دەپ ويلايتىن شىعارسىڭ، ٴبىراق اتا-اناڭ بۇنىمەن كەلىسە مە؟ ولاردىڭ سەنىمىنە كىرۋ ٷشىن قانداي قادامدار جاساساڭ بولادى؟
جاستاردىڭ ساۋالدارى
ۇيدە ەرەجەلەر ورناتۋدىڭ نە قاجەتى بار؟
اتا-اناڭ ورناتقان ەرەجەلەرگە كوڭىلىڭ تولماي ٴجۇر مە؟ بۇل ماقالا دۇرىس كوزقاراس ساقتاۋعا كومەكتەسەدى.
قۇرداستارىڭ نە دەيدى؟
اتا-اناممەن قالاي سويلەسسەم بولادى؟
بۇنىڭ ٶزىڭ ويلاعاننان كوپ پايداسىن كورەسىڭ.
جاستاردىڭ ساۋالدارى
اتا-انامنىڭ سەنىمىنە يە بولۋ ٷشىن نە ىستەسەم بولادى؟
سەنىمدى ادام بولۋ تەك جاستارعا عانا قاتىستى ەمەس.
