جاستاردىڭ ساۋالدارى
شومىلدىرۋ راسىمىنەن ٶتۋىم كەرەك پە؟ (3-ٴبولىم). مەنى نە توقتاتىپ جاتىر؟
ٶمىرىڭدى ەحوباعا باعىشتاپ، شومىلدىرۋ راسىمىنەن ٶتۋ جايلى ويلاعاندا، جۇرەگىڭ دۇرسىلدەپ كەتە مە؟ سولاي بولسا، وسى ماقالاداعى ويلار ساعان قورقىنىشىڭدى جەڭۋگە پايدالى بولادى.
بۇل ماقالادا
شومىلدىرۋ راسىمىنەن كەيىن اۋىر كۇنا جاساپ قويسام شە؟
ۋايىمعا سەبەپ. بالكىم، بىرەۋدىڭ جامان ىسكە بارىپ، قاۋىمنان شىعارىلعانىن بىلەتىن شىعارسىڭ (قورىنتتىقتارعا 1-حات 5:11—13). سوندىقتان «مەن دە سولاي ىستەپ قويسام شە؟» دەپ ۋايىمدايتىن بولارسىڭ.
«شومىلدىرۋ راسىمىنەن ٶتۋ جايلى ويلاعاندا قورقىپ كەتەتىنمىن. ەرتەڭگى كۇنى كۇنا جاساپ قويىپ، اتا-انامدى ۇياتقا قالدىرىپ جۇرمەيمىن بە دەپ ۋايىمدايتىنمىن» (رەبەككا).
كيەلى كىتاپ نە دەيدى؟ «زۇلىم ادام جولىنان قايتسىن... مەيىرىمدى قۇدايىمىز ەحوباعا قايتا بەت بۇرسىن. سەبەبى ول جومارتتىقپەن كەشىرەدى» (يشايا 55:7).
ويلانىپ كور. كۇناسىنا وكىنبەيتىندەردىڭ قاۋىمنان شىعارىلاتىنى راس. ٴبىراق ولار شىن جۇرەكتەن وكىنىپ، تۇزەلۋگە تىرىسسا، ەحوبا مەيىرىن ٴتۇسىرىپ، كەشىرەدى (ٴزابۇر 103:13، 14؛ قورىنتتىقتارعا 2-حات 7:11).
ونىڭ ۇستىنە، ٴبىر نارسەنى ۇمىتپا: كەمەلسىز بولساڭ دا، قۇدايدىڭ كومەگىمەن ازعىرۋلارعا قارسى تۇرا الاسىڭ (قورىنتتىقتارعا 1-حات 10:13). نەگىزى، قالاي ارەكەت ەتۋ كەرەكتىگىن تۇبىندە كىم شەشەدى: ٶزىڭ بە، الدە باسقالار ما؟
«مەن شومىلدىرۋ راسىمىنەن كەيىن اۋىر كۇنا جاساپ قويامىن دەپ قورقا بەرەتىنمىن. ٴبىراق ويلانىپ قاراسام، شومىلدىرۋ راسىمىنەن وتپەي جۇرگەنىمنىڭ ٶزى ۇلكەن قاتەلىك بولادى ەكەن. سوندا «ەرتەڭ نە بولادى» دەپ قورقۋ بۇگىن شەشىم قابىلداۋىما كەدەرگى جاسايتىنىن ٴتۇسىندىم» (كارين).
ٴتۇيىن: كوپتەگەن ەحوبا كۋاگەرلەرى سەكىلدى سەن دە كۇنادان قاشا الاسىڭ. ٴبارى وزىڭە بايلانىستى! (فىلىپىلىكتەرگە 2:12).
كومەك قاجەت پە؟ «ازعىرۋلارعا قالاي قارسى تۇرا الامىن؟» (حانزۇشا) دەگەن ماقالانى قارا.
شومىلدىرۋ راسىمىنەن كەيىنگى جاۋاپكەرشىلىكتەردەن قورىقسام شە؟
ۋايىمعا سەبەپ. بالكىم، ەحوباعا كوبىرەك قىزمەت ەتۋ ٷشىن وتباسىنان جانە دوستارىنان الىسقا كەتكەن جاستاردى بىلەرسىڭ. سوندىقتان جۇرت مەنەن دە سونى كۇتەدى دەپ مازالاناتىن بولارسىڭ.
«شومىلدىرۋ راسىمىنەن كەيىن ەحوباعا قىزمەت ەتۋدىڭ كوپتەگەن جولدارى اشىلاتىنى شىن. ٴبىراق كەيبىرەۋلەر بۇعان دايىن ەمەس نە جاعدايى كەلمەيدى» (ماري).
كيەلى كىتاپ نە دەيدى؟ «اركىم ٶز ٸس-ارەكەتىن تەكسەرسىن، سوندا ٶزىن باسقالارمەن سالىستىرماي، ٶز ىستەرىنە قۋانادى» (عالاتتىقتارعا 6:4).
ويلانىپ كور. ٶزىڭدى وزگەلەرمەن سالىستىرما. سەنىڭ ۇرانىڭ مارقا 12:30 داعى ٴسوز بولسىن: «قۇدايىڭ ەحوبانى بار جۇرەگىڭمەن... ٴسۇي».
بايقاساڭ، سەن ەحوباعا باسقانىڭ ەمەس، ٶزىڭنىڭ بار جۇرەگىڭمەن قىزمەت ەتۋىڭ كەرەك. ەحوبانى شىن جاقسى كورسەڭ، وعان وزىڭدەگى ەڭ جاقسىنى بەرىپ قىزمەت ەتۋدىڭ جولىن تاباسىڭ.
«شومىلدىرۋ ٴراسىمى وتە جاۋاپتى قادام بولعانمەن، ٶمىرىڭدى قيىنداتپايدى. جاقسى ادامدارمەن ارالاسساڭ، ولار ساعان وسى جولدا جۇرۋگە كومەكتەسەدى. ەگەر جاۋاپكەرشىلىكتەرگە بىرتە-بىرتە ۇمتىلاتىن بولساڭ، ٶزىڭدى الدەقايدا باقىتتى سەزىنەسىڭ. ال شومىلدىرۋ راسىمىنەن وتپەي جۇرە بەرسەڭ، بۇدان ۇتپايسىڭ، تەك ۇتىلاسىڭ» (دجۋليا).
ويلانىپ كور. ەحوبانىڭ ساعان تانىتىپ جاتقان سۇيىسپەنشىلىگىنە العىسىڭدى ارتتىر. بۇل ساعان وعان ەڭ جاقسىڭدى بەرۋگە قوزعاۋ سالادى (جوحاننىڭ 1-حاتى 4:19).
كومەك قاجەت پە؟ «جاۋاپتى اداممىن با؟» (حانزۇشا) دەگەن ماقالانى قارا.
ەحوباعا قىزمەت ەتۋگە ٶزىمدى لايىقسىز ساناسام شە؟
ۋايىمعا سەبەپ. ەحوبا — الەمنىڭ ٵمىرشىسى. پەندەلەر ونىمەن سالىستىرعاندا قۇمنىڭ ٴبىر تۇيىرىندەي عانا. سوندىقتان «مەنىڭ بار-جوعىم ەحوباعا ٴبارىبىر شىعار» دەپ ويلايتىن شىعارسىڭ.
«اتا-انام — ەحوبا كۋاگەرى. سودان بولار، ەحوبامەن دوستىعىمدى ولاردان «مۇرا ەتىپ» الدىم، سوندىقتان ەحوبا ماعان جەكە كوڭىل بولمەيتىن شىعار دەگەن ويلار مازالاي باستادى» (ناتالي).
كيەلى كىتاپ نە دەيدى؟ «مەنى جىبەرگەن اكەم جاقىنداتىپ تارتسا عانا، ادام ماعان كەلە الادى» (جوحان 6:44).
ويلانىپ كور. شومىلدىرۋ ٴراسىمى تۋرالى ويلاپ جۇرگەنىڭنىڭ ٶزى ەحوبا سەنىمەن ودان سايىن جاقىن دوس بولعىسى كەلەتىنىن كورسەتەدى. ونىڭ شاقىرۋىن قابىل العىڭ كەلە مە؟
مىنانى دا ۇمىتپا: ەحوباعا جاقىنداۋ ٷشىن نە ىستەۋ كەرەكتىگىن سەن يا باسقا بىرەۋ ەمەس، ول شەشەدى. ونىڭ سوزىندە ەگەر قۇدايعا جاقىنداساڭ، ول دا ساعان جاقىندايتىنى ايتىلعان (جاقىپ 4:8).
«ەحوبانى بىلگەنىڭ جانە ول سەنى وزىنە جاقىنداتقانىنىڭ ٶزى — ول سەنى جاقسى كورەتىنىنىڭ ايعاعى. سوندىقتان ساناڭا ەحوباعا قىزمەت ەتۋگە لايىقسىزبىن دەگەن ويلار كەلسە، بۇعان سەنبە، ەحوبا ولاي ويلامايدى. ال ول ەشقاشان قاتەلەسپەيدى» (سەلينا).
ٴتۇيىن: كيەلى كىتاپتاعى شومىلدىرۋ راسىمىنەن وتۋگە قويىلاتىن تالاپتارعا ساي كەلسەڭ، دەمەك، ەحوباعا قىزمەت ەتۋگە جارامدىسىڭ. ەسىڭدە ۇستا: ول قىزمەت ەتۋىمىزگە ابدەن لايىق! (ايان 4:11).
كومەك قاجەت پە؟ «نە ٷشىن دۇعا ايتۋ قاجەت؟» دەگەن ماقالانى قارا.
قىزىقتى بولار مالىمەتتەر
جاستاردىڭ ساۋالدارى
شومىلدىرۋ راسىمىنەن ٶتۋىم كەرەك پە؟ شومىلدىرۋ ٴراسىمى دەگەن نە؟
شومىلدىرۋ راسىمىنەن ٶتۋدى ويلاپ جۇرسەڭ، الدىمەن ونىڭ ٴمانىن ٴتۇسىنىپ العانىڭ جاقسى.
جاستاردىڭ ساۋالدارى
شومىلدىرۋ راسىمىنەن ٶتۋىم كەرەك پە؟ شومىلدىرۋ راسىمىنە دايىندىق
وسى سۇراقتاردىڭ كومەگىمەن شومىلدىرۋ راسىمىنەن وتۋگە دايىنسىڭ با، سونى تەكسەرە الاسىڭ.
كيەلى كىتاپ. سۇراقتار مەن جاۋاپتار
شومىلدىرۋ ٴراسىمى دەگەن نە؟
كيەلى كىتاپتا شومىلدىرۋ راسىمىنەن وتكەن كوپ ادامنىڭ وقيعالارى شومىلدىرۋ ٴراسىمىنىڭ ٴمان-ماقساتى مەن ماڭىزدىلىعىن ايان ەتەدى.
