جاستاردىڭ ساۋالدارى
شومىلدىرۋ راسىمىنەن وتكەن سوڭ نە ىستەۋىم كەرەك؟ (2-ٴبولىم). مىنسىزدىكتەن تايماي ٴجۇر
كيەلى كىتاپتا: «ەحوبا مىنسىزدىكتەن تايماي جۇرەتىندەردى ەشبىر يگىلىكتەن قۇرالاقان قالدىرمايدى»،— دەلىنگەن (ٴزابۇر 84:11). «مىنسىزدىكتەن تايماي ٴجۇرۋ» دەگەندى قالاي تۇسىنسە بولادى؟ بۇل — ەحوباعا باعىشتالعان كەزىڭدە بەرگەن ۋادەڭدە تۇرۋ (ۋاعىزداۋشى 5:4، 5). شومىلدىرۋ راسىمىنەن وتكەننەن كەيىن دە قالاي مىنسىزدىك ساقتاي الاسىڭ؟
بۇل ماقالادا
قيىندىقتارعا توزە ٴبىل
كيەلى كىتاپ نە دەيدى؟ «ٴبىز قۇداي پاتشالىعىنا تالاي ازاپ شەگۋ ارقىلى كىرۋىمىز كەرەك» (ەلشىلەردىڭ ىستەرى 14:22).
ماعىناسى نە؟ جاسىراتىنى جوق، ماسىحشىلەردىڭ ٴبارى ومىردە قيىندىق كورەدى. ولاردىڭ كەيبىرى، مىسالى كەلەكە-مازاق، قارسىلىق سياقتىلار قۇدايدىڭ قىزمەتشىسى بولعانىمىز ٷشىن تۋىندايدى. ال اقشا، اۋرۋ سەكىلدى قيىندىقتارمەن جۇرتتىڭ ٴبارى كەزىگەدى.
قانداي جاعداي بولۋى مۇمكىن؟ ٶمىر بولعان سوڭ، جاعداي ۇنەمى وزگەرىپ تۇرادى. كەيدە جاقسى جاققا ەمەس. كيەلى كىتاپتا قيىنشىلىق ٴبارىنىڭ — ەحوباعا قىزمەت ەتەتىندەردىڭ دە، ەتپەيتىندەردىڭ دە باسىنا تۇسەتىنى ايتىلعان (ۋاعىزداۋشى 9:11).
نە ىستەسەڭ بولادى؟ قيىندىقتار بولماي تۇرمايتىنىن بىلگەندىكتەن، ولارعا الدىن الا دايىندالساڭ بولادى. قيىندىقتارعا سەنىمىڭدى نىعايتۋدىڭ جانە ەحوباعا كوبىرەك ارقا سۇيەپ ۇيرەنۋدىڭ مۇمكىندىگى دەپ قارا (جاقىپ 1:2، 3). ۋاقىت وتە كەلە، ەلشى پاۋىلدىڭ سوزىنە سەن دە قوسىلا الاسىڭ. ول: «ماعان كۇش-قۋات بەرۋشىنىڭ ارقاسىندا ٴبارىن دە ىستەي الامىن»،— دەپ ايتقان (فىلىپىلىكتەرگە 4:13).
بولعان وقيعا. «مەن شومىلدىرۋ راسىمىنەن وتكەن سوڭ كوپ ۇزاماي اعالارىم شىندىقتان كەتىپ قالدى. ودان قالسا، اتا-انام اۋىرىپ قالدى. كەيىن ٶزىم دە اۋىردىم. ارينە، ەڭسەمدى ٴتۇسىرىپ، وپ-وڭاي بەرىلە سالۋىما بولار ەدى. ٴبىراق مەن ەحوباعا باعىشتالىپ، وعان قىزمەت ەتۋ ومىرىمدە ەڭ ماڭىزدىسى بولاتىنىن ۋادە ەتتىم عوي. ٴدال وسى ۋادە ماعان بارلىق قيىندىققا توتەپ بەرۋگە كومەكتەستى» (كارەن).
كەڭەس. ٴجۇسىپ تۋرالى كوبىرەك ٴبىل. ونىڭ ٶمىرى جايلى مۇسانىڭ 1-جازباسى 37، 39—41 دەيىنگى تاراۋلاردان وقي الاسىڭ. سوسىن بىلاي دەپ ويلانىپ كور: ٴجۇسىپ كۇتپەگەن جەردەن قانداي قيىندىقتارعا كەزىكتى؟ ولاردى قالاي جەڭدى؟ ەحوبا وعان قالاي كومەك بەردى؟
كومەك قاجەت پە؟
وقىپ كور:
«قايعىمەن قالاي كۇرەسە الامىن؟»
جۇكتەپ ال:
ازعىرۋعا قارسى تۇرا بەر
كيەلى كىتاپ نە دەيدى؟ «ٵربىر ادام ٶز قۇمارلىعىنا ەلىگىپ، تورعا تۇسكەندىكتەن سىنالادى» (جاقىپ 1:14).
ماعىناسى نە؟ بارىمىزدە كەيدە جامان قالاۋلار ويانىپ تۇرادى. ولاردى قاداعالاماساق، جامان ىستەر جاساپ قويۋىمىز مۇمكىن.
قانداي جاعداي بولۋى مۇمكىن؟ شومىلدىرۋ راسىمىنەن وتكەننەن كەيىن دە «ٴتان قۇمارلىقتارىمىز» جوق بولىپ كەتپەيدى (پەتىردىڭ 2-حاتى 2:18). ٴتىپتى نەكەگە تۇرماي جاتىپ جىنىستىق قاتىناسقا بارۋعا ازعىرىلۋىڭ مۇمكىن.
نە ىستەسەڭ بولادى؟ ازعىرۋعا كەزىكپەي تۇرىپ-اق نە ىستەيتىنىڭدى شەشىپ ال. قالاۋلارىڭا دۇرىس ەمەس شەشىمدەر قابىلداۋىڭا جول بەرمە. يسانىڭ «ەشكىم ەكى قوجايىنعا قۇل بولا المايدى» دەگەن ٴسوزىن ەستە ۇستا (ماتاي 6:24). قوجايىنىڭ كىم بولاتىنىن ٶزىڭ شەشەسىڭ. ول ەحوبا بولسىن. جامان قالاۋلار قانشا كۇشتى بولماسىن، ولاردىڭ جەتەگىندە كەتۋ-كەتپەۋدى ٶزىڭ شەشەسىڭ (عالاتتىقتارعا 5:16).
كەڭەس. ٶزىڭنىڭ مىقتى جانە ٵلسىز جاقتارىڭدى ٴبىلىپ ال. ساعان جاقسارۋعا كومەكتەسەتىن دوستاردى تاڭدا. جامان ىستەرگە ازعىراتىن ادامداردان، جەرلەردەن، جاعدايلاردان قاشىق ٴجۇر (ٴزابۇر 26:4، 5).
كومەك قاجەت پە؟
وقىپ كور:
«ازعىرۋلارعا قالاي قارسى تۇرا الامىن؟» (حانزۇشا)
«جىنىستىق قاتىناس تۋرالى وي مازا بەرمەسە، نە ىستەۋ كەرەك؟» (حانزۇشا)
«مەكتەپتەگى قىسىمعا قالاي توتەپ بەرسەم بولادى؟»
«ەحوبا سياقتى ويلاناسىڭ با؟» (حانزۇشا)
ىنتا-ىقىلاسىڭدى جالىنداتا بەر
كيەلى كىتاپ نە دەيدى؟ «سوڭىنا دەيىن... ٴارقايسىسىڭنىڭ ٴدال وسىنداي ىنتا-جىگەر تانىتقاندارىڭدى قالايمىز. سوندا جالقاۋ بولمايسىڭدار» (ەۆرەيلەرگە 6:11، 12).
ماعىناسى نە؟ ادام ىستەپ جاتقان ىسىنە كوڭىل قويماسا، قىزىعۋشىلىعى تەز جوعالىپ، ونى تاستاي سالادى.
قانداي جاعداي بولۋى مۇمكىن؟ شومىلدىرۋ راسىمىنەن وتكەننەن كەيىن قۋانىشىڭ قوينىڭا سيماي، ىنتا-جىگەرىڭ جالىنداپ تۇرعان شىعار. ەحوباعا دەگەن سۇيىسپەنشىلىگىڭ دە اسىپ-تاسىپ تۇردى. ٴبىراق ۋاقىت وتە ەحوبانى بارلىق جاعدايدا تىڭداۋ وڭاي ەمەس ەكەنىن بايقاۋىڭ مۇمكىن. سودان كوڭىلىڭ ٴتۇسىپ، ىنتا-ىقىلاسىڭدى ٴسوندىرىپ الۋىڭ ىقتيمال (عالاتتىقتارعا 5:7).
نە ىستەۋگە بولادى؟ كەيدە ىستەگىڭ كەلمەسە دە، دۇرىس نارسەنى ىستەي بەر (قورىنتتىقتارعا 1-حات 9:27). ەحوباعا جاقىنداي ٴتۇس: ول تۋرالى كوبىرەك ٴبىل جانە دۇعادا ٴجيى سويلەسىپ تۇر. سونداي-اق ەحوباعا قىزمەت ەتۋدى جاقسى كورەتىندەرمەن دوستاسا بەر.
كەڭەس. ەسىڭنەن شىعارما: ەحوبا سەنى جانىنداي جاقسى كورەدى ٵرى ساعان قول ۇشىن بەرۋگە ٵزىر. ەگەر قىزمەت ەتۋگە دەگەن ىنتا-ىقىلاسىڭ ۋاقىتشا باسىلىپ قالسا، ەحوبا بۇعان رەنجىمەيدى. ەشقاشان ولاي ويلاما. كيەلى كىتاپتا: «ول شارشاعانعا كۇش سيلايدى، السىرەگەنگە مول قۋات دارىتادى»،— دەلىنگەن (يشايا 40:29). ول ساعان قۇلشىنىسىڭدى قايتا جانداندىرۋعا كومەكتەسەدى، تەك كۇش سالا بەر!
كومەك قاجەت پە؟
وقىپ كور:
«جاستار، قۇتقارىلۋعا ۇمتىلا بەرىڭدەر»
«قالاي قۇدايعا قۋانىشپەن قىزمەت ەتە الامىن؟» (حانزۇشا)
ۆيدەونى قارا:
ٴتۇيىن. ەگەر مىنسىزدىكتەن تايماي جۇرسەڭ، ەحوبانى قاتتى ريزا قىلاسىڭ (ناقىل سوزدەر 27:11). ونىڭ جاعىنا شىعۋدى شەشكەنىڭ ٷشىن ول سەنى ماقتان تۇتادى. ول ساعان شايتاننىڭ شابۋىلدارىنا قارسى تۇرۋعا كەرەكتى نارسەنىڭ ٴبارىن بەرەدى.
قىزىقتى بولار مالىمەتتەر
جاستاردىڭ ساۋالدارى
شومىلدىرۋ راسىمىنەن وتكەن سوڭ نە ىستەۋىم كەرەك؟ (1-ٴبولىم). جاقسى ادەتتەرىڭنەن اينىما
شومىلدىرۋ راسىمىنەن كەيىن دە قۇدايمەن دوستىعىڭدى نىعايت. بۇل ٷشىن كيەلى كىتاپتى زەرتتەي بەر، دۇعا ەتۋدى توقتاتپا، سەنىمىڭدى وزگەلەرگە ايتا بەر، قاۋىم كەزدەسۋلەرىن قالدىرما.
جاستاردىڭ ساۋالدارى
شومىلدىرۋ راسىمىنەن ٶتۋىم كەرەك پە؟ شومىلدىرۋ راسىمىنە دايىندىق
وسى سۇراقتاردىڭ كومەگىمەن شومىلدىرۋ راسىمىنەن وتۋگە دايىنسىڭ با، سونى تەكسەرە الاسىڭ.
جاستاردىڭ ساۋالدارى
شومىلدىرۋ راسىمىنەن ٶتۋىم كەرەك پە؟ مەنى نە توقتاتىپ جاتىر؟
ٶمىرىڭدى ەحوباعا باعىشتاپ، شومىلدىرۋ راسىمىنەن ٶتۋ جايلى ويلاعاندا، جۇرەگىڭ دۇرسىلدەپ كەتە مە؟ سولاي بولسا، وسى ماقالاداعى ويلار ساعان قورقىنىشىڭدى جەڭۋگە كومەكتەسەدى.
قۇرداستارىڭ نە دەيدى؟
قۇرداستارىمنىڭ قىسىمىنا قالاي توتەپ بەرە الامىن؟
كيەلى كىتاپ پرينسيپتەرى ساعان جەتىستىككە جەتۋگە قالاي كومەكتەسەتىنىن كور.
