ساداقالارىڭىز قايدا جۇمسالادى؟
قاشىقتاعى اۋدارما كەڭسەلەرىنىڭ ميلليونداعان ادام ٷشىن پايداسى
1-ناۋرىز، 2021
اۋدارما توپتارىنىڭ 60 پايىزىنان كوبى فيليالداردا ەمەس، قاشىقتاعى اۋدارما كەڭسەلەرىندە قىزمەت ەتەدى. بۇل نەسىمەن پايدالى؟ سول كەڭسەلەردەگى اۋدارماشىلاردىڭ قىزمەتتەرى ناتيجەلى بولۋ ٷشىن ولارعا قانداي جابدىقتار قاجەت؟ اۋدارما توپتارىنىڭ ورنالاسقان جەرى اۋدارمانىڭ ساپاسىنا قالاي اسەر ەتەدى؟
قاشىقتاعى اۋدارما كەڭسەلەرىندەگى اۋدارماشىلار وزدەرى اۋداراتىن تىلدە سويلەيتىن ادامداردىڭ اراسىندا تۇرادى. تومەنگى نەمىس ٴتىلى اۋدارماشىسى كارەن بىلاي دەيدى: «اۋدارما توبىمىز كۋاۋتەموك قالاسىنا (چيۋاۋا، مەكسيكا) كوشكەلى بەرى، ٴبىز ٵردايىم تومەنگى نەمىس تىلىندە سويلەيتىن بولدىق: ٶزارا ارالاسقاندا، قىزمەتكە شىققاندا، دۇكەنگە بارعاندا دا. ويتكەنى اينالامىزداعى ادامداردىڭ بارلىعى ٴبىز اۋداراتىن تىلدە سويلەيدى. مۇندا ٴبىز كوپتەن بەرى ەستىمەي كەتكەن تۇراقتى تىركەستەردى ەستيمىز. وسىنىڭ ارقاسىندا سوزدىك قورىمىزدى كوبەيتىپ وتىرامىز».
گانادا تۇراتىن فرافرا ٴتىلىنىڭ اۋدارماشىسى دجەيمس فيليالداعى بەتەل وتباسىن قاتتى ساعىنادى ەكەن. ٴبىراق ول بىلاي دەدى: «قاشىقتاعى اۋدارما كەڭسەسىندە جۇمىس ىستەگەن ماعان قاتتى ۇنايدى. جەرگىلىكتى تىلدە ۋاعىزداعاندا ادامداردىڭ ىزگى حابارعا قالاي قۇلاق اسىپ جاتقانىن كورىپ، قۋانىشىم قوينىما سيمايدى».
قاشىقتاعى اۋدارما كەڭسەسى ورنالاساتىن جەردى تاڭداعاندا، باۋىرلاستار نەنى ەسكەرەدى؟ ۋورۆيكتەگى دۇنيەجۇزىلىك جوبالاۋ جانە قۇرىلىس بولىمىندە قىزمەت ەتەتىن دجوزەف بىلاي دەيدى: «ەلەكتر قۋاتى، سۋ، ينتەرنەت بارلىق جەرلەردە بولا بەرمەيدى. ال ينتەرنەتسىز ٴبىز اۋدارماعا قاجەتتى مالىمەتتەردى الا المايمىز. سول سەبەپتى اۋدارما كەڭسەسى ورنالاساتىن جەردى تاڭداماس بۇرىن، ٴبىز بىرنەشە ۆاريانتتى قاراستىرىپ الامىز. كەيىن ەڭ جاقسىسىنا توقتالامىز».
جالپى ايتقاندا، ەڭ تەز جانە ەڭ ارزان ۆاريانت — كونگرەسس سارايىن، پاتشالىق سارايىن نەمەسە ميسسيونەرلەر ٷيىن قاشىقتاعى اۋدارما كەڭسەسى رەتىندە پايدالانۋ. ويتكەنى اۋدارماشىلار بۇل جەرلەرگە وزدەرى كەلىپ-كەتىپ قىزمەت ەتە الادى. ەگەر دە بۇنداي عيماراتتار بولماسا، باۋىرلاستار اۋدارماشىلار تۇرىپ، جۇمىس ىستەي الاتىن پاتەر مەن كەڭسە ساتىپ الۋدى شەشۋى مۇمكىن. جاعداي وزگەرىپ جاتسا، ولاردى ساتىپ، قاراجاتتى قاجەت جەرگە قولدانۋعا بولادى.
قاجەتتى جابدىقتارمەن جابدىقتاۋ
2020-قىزمەت جىلىندا قاشىقتاعى اۋدارما كەڭسەلەرىنە 13 ميلليون اقش دوللارى جۇمسالدى. ويتكەنى اۋدارما توپتارىنا كومپيۋتەرلەر، ارنايى باعدارلامالار، دىبىس جازاتىن قۇرالدار، ينتەرنەت جانە نەگىزگى كوممۋنالدىق قىزمەت تۇرلەرى قاجەت. ٴبىر ادامعا كومپيۋتەرلىك قۇرىلعىلاردى الۋ ٷشىن جانە ونى ورناتۋ ٷشىن شامامەن 750 اقش دوللارى كەتۋى مۇمكىن. اۋدارماشىلاردىڭ كومپيۋتەرلەرىنە كوممەرسيالىق باعدارلامالار دا، «كۇزەت مۇناراسىنىڭ اۋدارما جۇيەسى» دە ورناتىلادى. بۇل باعدارلامالاردىڭ ارقاسىندا اۋدارماشىلار جۇمىستارىن جوسپارلاي الادى جانە قاجەتتى مالىمەتكە تەز قول جەتكىزە الادى.
سونداي-اق اۋدارماشىلارعا كەڭسەدە وتىرىپ، دىبىس جازۋ ٷشىن دىبىس جازاتىن قۇرىلعىلار دا بەرىلدى. بۇل قۇرىلعىلار COVID-19 پاندەمياسى كەزىندە تاپتىرماس كومەك بولدى. ويتكەنى اۋدارماشىلار وسى قۇرىلعىلاردى ۇيلەرىنە الىپ كەتىپ، باسپا جانە ۆيدەوماتەريالداردى اۋدارۋدى جالعاستىرا بەردى.
جەرگىلىكتى ەرىكتى قىزمەتشىلەر اۋدارىلعان مالىمەتتەردى قاراپ شىعۋعا جانە اۋدارما كەڭسەلەرىن كۇتىپ ۇستاۋعا كومەكتەسەدى. وڭتۇستىك افريكانىڭ كەيپتاۋن قالاسىنداعى اۋدارما كەڭسەسىندە قىزمەت ەتەتىن كريستين دەگەن باۋىرلاس بىلاي دەيدى: «مۇندا كوپتەگەن جاريالاۋشىلار مەن ٸزاشارلار وزدەرىنىڭ قابىلەت-دارىندارىن ىسكە قوسىپ، اۋدارما جۇمىسىنا كوپ كومەكتەسە الادى».
ەرىكتى قىزمەتشىلەر اۋدارما جۇمىسىنىڭ ٴبىر شەتىن كوتەرىسىپ جۇرگەندەرىنە وتە قۋانىشتى. ٴبىر قىز باۋىرلاس اۋدارما كەڭسەسىنە كومەكتەسكەندە سەرگىپ قالاتىنىن ايتتى. ال كەيبىر باۋىرلاستار داۋىس جازۋ جاعىنان كومەكتەسەدى. مەكسيكانىڭ ۆەراكرۋس قالاسىنداعى اۋدارما كەڭسەسىندە قىزمەت ەتەتىن توتوناك ٴتىلىنىڭ اۋدارماشىسى حۋانا بىلاي دەيدى: «اينالامىزدا انا تىلىمىزدە سويلەيتىن باۋىرلاستار كوپ تۇراتىندىقتان، اۋديو-ۆيدەو باسىلىمدارعا باۋىرلاستاردىڭ داۋسىن جازۋ بۇرىنعىعا قاراعاندا وڭايىراق».
قاشىقتاعى اۋدارما كەڭسەلەرى اۋدارمانىڭ ساپاسىن جاقسارتۋعا كومەكتەستى مە؟ ميلليونداعان وقىرماندار اۋدارمانىڭ ساپاسى جاقسارعانىن ايتىپ جاتىر. كونگو دەموكراتيالىق رەسپۋبليكاسىنداعى كونگو ٴتىلىنىڭ اۋدارماشىسى سادريك بىلاي دەيدى: «كەي باۋىرلاستار قالجىڭداپ ٴبىزدىڭ اۋدارمانى «كۇزەت مۇناراسىنىڭ كونگو ٴتىلى» دەپ ايتاتىن، ويتكەنى ول ادامدار كۇندەلىكتى ومىردە سويلەيتىن تىلدەن ەرەكشەلەنەتىن. ال قازىر باۋىرلاستار ادەبيەتتەرىمىز زاماناۋي كونگو تىلىنە اۋدارىلاتىن ايتادى».
ال وڭتۇستىك افريكاداعى كوسا ٴتىلىنىڭ اۋدارماشىسى انديليا بىلاي دەيدى: «كوبىسى اۋدارمامىزدىڭ ساپاسى جاقسى جاققا وزگەرگەنىن ايتىپ جاتىر. ٴتىپتى «كۇزەت مۇناراسىن» بۇرىن اعىلشىن تىلىندە وقىعان كىشكەنتاي بالالار قازىر ونى كوسا تىلىندە وقيدى. اسىرەسە ولارعا قايتا وڭدەلگەن «جاڭا دۇنيە اۋدارماسى» ۇنايدى، ويتكەنى ول قاراپايىم ٵرى تۇسىنىكتى».
قاشىقتاعى اۋدارما كەڭسەلەرىن سوعۋعا، جابدىقتاۋعا، كۇتىپ ۇستاۋعا جۇمسالاتىن قاراجات دۇنيەجۇزىلىك ىسكە ارنالعان ساداقادان الىنادى. بۇنداي ساداقالار donate.jw.org تور بەكەتى ارقىلى دا جاسالىنادى.
قىزىقتى بولار مالىمەتتەر
ٴجيى قويىلاتىن سۇراقتار
ەحوبا كۋاگەرلەرىنىڭ ٸسى قالاي قارجىلاندىرىلادى؟
ٴبىزدىڭ ساداقا جاساۋ جولدارىمىز شىركەۋلەردەن وزگەشە.
ساداقالارىڭىز قايدا جۇمسالادى؟
2020-جىلعى «ٵردايىم قۋانىڭدار!» دەگەن ايماقتىق كونگرەستى اۋدارۋ جوباسى
باياندامالار، درامالار جانە اندەر قالايشا از ۋاقىتتىڭ ىشىندە 500 دەن استام تىلگە اۋدارىلعان؟
