ەۆرەيلەرگە 13:1—25
13 باۋىرلاستاردى ٵردايىم جاقسى كورىڭدەر+.
2 قوناقجايلىلىق تانىتۋدى ۇمىتپاڭدار+. ويتكەنى كەيبىرەۋلەر وزدەرى بىلمەي، پەرىشتەلەردى قوناق ەتكەن+.
3 تۇرمەدە وتىرعان باۋىرلاستارمەن وزدەرىڭ بىرگە وتىرعانداي+، ولاردى ەستە ۇستاڭدار+. ٴجابىر كورىپ جۇرگەندەردى دە ۇمىتپاڭدار، سەبەبى وزدەرىڭ دە ٴجابىر كورۋلەرىڭ مۇمكىن*.
4 بارلىعى نەكەگە قۇرمەتپەن قاراسىن، ەشكىم جار توسەگىن بىلعاماسىن+! ازعىندار* مەن نەكە ادالدىعىن بۇزۋشىلاردى قۇداي سوتتايدى+.
5 اقشاقۇمار بولماي+ ٶمىر ٴسۇرىپ، قولدا باردى قاناعات تۇتىڭدار+. ويتكەنى قۇداي: «مەن سەنى ەشقاشان قالدىرمايمىن، ەشقاشان تاستامايمىن»+،— دەگەن.
6 سوندىقتان ٴبىز: «ەحوبا — مەنىڭ كومەكشىم. مەن ەشتەڭەدەن قورىقپايمىن. ادام بالاسى ماعان نە ىستەي الادى؟»+— دەپ باتىل ايتا الامىز.
7 وزدەرىڭە قۇداي ٴسوزىن ايتقان ٵرى ارالارىڭدا باسشىلىقتى قولعا العانداردى ۇمىتپاڭدار+. ٴجۇرىس-تۇرىستارىنىڭ يگىلىكتى ناتيجەسى تۋرالى وي جۇگىرتىپ، ولاردىڭ سەنىمىنە ەلىكتەڭدەر+.
8 يسا ٴماسىح كەشە قانداي بولسا، بۇگىن دە، ماڭگىلىك بويى دا سونداي بولىپ قالا بەرمەك.
9 ٴتۇرلى بوتەن ىلىمدەرگە ىلەسىپ، اداسىپ كەتپەڭدەر! جۇرەكتى تاماقپەن ەمەس، قۇدايدىڭ راقىمىمەن نىعايتقان ابزال. ويتكەنى تاماق تۋرالى ەرەجەلەرگە تىم كوپ ٴمان بەرەتىندەر ەش پايدا تاپپايدى+.
10 بىزدە قۇرباندىق وشاعى بار، ٴبىراق ونىڭ ۇستىندەگىنى شاتىردا قاسيەتتى قىزمەت اتقاراتىنداردىڭ جەۋگە قاقىلارى جوق+.
11 باس ٴدىني قىزمەتكەر كۇنا ٷشىن شالىنعان مالدىڭ قانىن ەڭ قاسيەتتى بولمەگە الىپ كىرەدى، ال دەنەسى قوس سىرتىندا ورتەلەدى+.
12 سوندىقتان يسا دا ادامداردى ٶز قانىمەن قاسيەتتى ەتۋ+ ٷشىن قالا قاقپاسىنىڭ سىرتىندا جاپا شەكتى+.
13 ەندەشە ول كورگەن قورلىقتى ٴبىز دە كورىپ+، قوستىڭ سىرتىنا، يساعا بارايىق.
14 سەبەبى بۇل جەردە تۇراقتى قالامىز جوق، ٴبىز كەلەشەكتە بولاتىن قالانى زارىعا كۇتۋدەمىز+.
15 يسا ارقىلى قۇدايعا ۇدايى ماداقتاۋ قۇرباندىعىن ۇسىنايىق+، ياعني ونىڭ ەسىمىن جاريالاپ+، اۋزىمىزدان شىققان سوزىمىزبەن ونى ماداقتايىق+.
16 سونداي-اق جاقسىلىق ىستەۋدى جانە وزگەلەرمەن قولدا بارلارىڭمەن ٴبولىسۋدى ۇمىتپاڭدار+. ويتكەنى مۇنداي قۇرباندىقتار قۇدايعا ۇنامدى+.
17 ارالارىڭدا باسشىلىقتى قولعا العاندارعا مويىنسۇنىڭدار+ ٵرى باعىنىڭدار+. سەبەبى ولار ۇنەمى سەندەردىڭ قامدارىڭدى ويلايدى، ٵرى بۇل ٷشىن ەسەپ بەرەدى+. ولار كۇرسىنىپ ەمەس، قۋانا قامدارىڭدى ويلاۋ ٷشىن سولاي ەتىڭدەر، ايتپەسە بۇدان وزدەرىڭ زيان كورەسىڭدەر.
18 ٴبىز ٷشىن دۇعا ەتە بەرىڭدەر، ويتكەنى بارلىق جاعدايدا ادال ٴجۇرىپ-تۇرعىمىز كەلەتىندىكتەن، ار-ۇجدانىمىز تازا ەكەنىنە سەنىمدىمىز+.
19 اسىرەسە وزدەرىڭە تەزىرەك كەلۋىم ٷشىن دۇعا ەتۋلەرىڭدى وتىنەمىن.
20 ۇلى باعۋشى+ ٵرى بويىندا ماڭگىلىك كەلىسىم قانى بولعان يەمىز يسانى قايتا تىرىلتكەن تىنىشتىقتىڭ قۇدايى
21 ٶز ەركىن ورىنداۋلارىڭ ٷشىن بار جاقسىمەن جابدىقتاسىن. ول ٴبىزدى يسا ٴماسىح ارقىلى وزىنە ۇنامدىنى ىستەۋگە تالپىندىرادى. قۇداي ماڭگى باقي داڭقتالا بەرسىن! اۋمين.
22 باۋىرلاستار، جىگەر بەرەتىن وسى سوزدەردى سابىرمەن تىڭداۋلارىڭدى وتىنەمىن. ويتكەنى قىسقا عانا حات جازىپ وتىرمىن عوي.
23 باۋىرلاسىمىز تىموتەنىڭ تۇتقىننان بوساتىلعانىنان حاباردار بولىڭدار. ەگەر ول جاقىندا كەلسە، وزدەرىڭە بىرگە بارامىز.
24 ارالارىڭدا باسشىلىقتى قولعا العانداردىڭ جانە قاسيەتتىلەردىڭ بارىنە سالەمىمدى جەتكىزىڭدەر. يتالياداعىلار+ سەندەرگە سالەم ايتۋدا.
25 بارلىعىڭا قۇدايدىڭ راقىمى جاۋسىن!
سىلتەمەلەر
^ مۇمكىن: «ٴجابىر كورىپ جۇرگەندەرمەن بىرگە جابىرلەنىپ جۇرگەندەي، ولاردى دا ۇمىتپاڭدار».
^ تۇسىندىرمەدەگى «ازعىندىق» ٴسوزىن قاراڭىز.
