پەتىردىڭ 2-حاتى 2:1—22
2 الايدا يسرايل حالقىنىڭ اراسىندا جالعان پايعامبارلار بولعانى سياقتى، سەندەردىڭ ارالارىڭنان دا جالعان ۇستازدار شىعىپ+، بىلدىرتپەي زياندى سەكتالار قۇرادى جانە وزدەرىن ساتىپ العان+ قوجايىننان باس تارتادى. وسىلاي وزدەرىنىڭ جويىلۋىن تەزدەتەدى.
2 ال كوپتەگەن ادامدار ولاردىڭ ورەسكەل قىلىقتارىنا* ەرىپ+، سولاردىڭ كەسىرىنەن شىندىق جولى عايباتتالادى+.
3 سونداي-اق ولار اشكوزدەنىپ قيتۇرقى سوزدەرىمەن سەندەردى ٶز پايداسىنا قولدانباق. ٴبىراق ولارعا اۋەل باستا شىعارىلىپ قويعان ۇكىم+ كەشىكپەيدى، ولار ٴسوزسىز جويىلادى+.
4 قۇداي كۇنا جاساعان پەرىشتەلەردى دە اياماي+، تارتارعا* ٴتۇسىرىپ+، ولاردى قارا تۇنەكتىڭ شىنجىرىمەن بۇعاۋلاپ*، سوتتاۋ ٷشىن ساقتاپ وتىر+.
5 ول ەجەلگى دۇنيەنى دە اياماي+، ال ادىلدىكتى ۋاعىزداۋشى نۇحتى+ جانە ونىمەن بىرگە جەتى ادامدى امان ساقتاپ قالىپ+، قۇدايسىزدار دۇنيەسىنە توپان سۋ قاپتاتتى+.
6 سونداي-اق قۇدايسىزدارمەن بولاشاقتا نە بولاتىنىن مىسالمەن كورسەتۋ ٷشىن+ سودوم مەن عومورا قالالارىن جازالاپ، كۇل-تالقانىن شىعاردى+.
7 ال بۇزىق ادامداردىڭ ورەسكەل قىلىقتارعا* بەرىلىپ كەتكەندەرىنە قاتتى قينالعان ٵدىل لۇتتى امان الىپ قالدى+،
8 ويتكەنى سول ٵدىل كىسى ولاردىڭ اراسىندا تۇرىپ، زاڭسىز ٸس-ارەكەتتەرىن كۇن سايىن كورىپ ٵرى ەستىپ، ٵدىل جانى ازاپقا تۇسكەن ەدى.
9 وسىنىڭ ٴبارىن ەسكەرەر بولساق، ەحوبا* وزىنە شىن بەرىلگەندەردى سىناقتان قالاي قۇتقارۋدى+، ال ادىلەتسىزدەردى جويۋ ٷشىن سوت كۇنىنە قالاي ساقتاۋدى+، ارينە، بىلەدى.
10 اسىرەسە باسقالاردىڭ ٴتانىن ارامداعىسى كەلىپ+ سوڭدارىنا تۇسەتىندەردى جانە بيلىگى بارلاردى مەنسىنبەيتىندەردى+ سوت كۇنىنە قالاي ساقتاۋدى بىلەدى.
ولار ورەسكەل ٵرى قيقار، سونداي-اق داڭققا بولەنگەندەردەن ەش قايمىقپايدى، قايتا، ٴتىل تيگىزەدى.
11 ال پەرىشتەلەر كۇشى مەن قۇدىرەتى الدەقايدا زور بولسا دا، ەحوبانى قۇرمەتتەگەندىكتەن جالعان ۇستازداردى عايبات سوزدەرمەن ايىپتامايدى+.
12 بۇل ادامدار بولسا وزدەرى تۇسىنبەيتىن نارسەلەر جايلى عايبات ٴسوز ايتىپ جۇرەدى+. سوندىقتان تەك اۋلاپ، ٶلتىرۋ ٷشىن تۋىلعان ساناسىز اڭدار سياقتى، وزدەرىنىڭ زۇلىم جولدارىندا قۇرىپ جوق بولادى.
13 وسىلايشا زۇلىم ىستەرىنىڭ قارىمتاسىن الادى.
ولار كۇندىز شالقىپ ٶمىر ٴسۇرۋدى راقات سانايدى+. كيىمگە تۇسكەن داق، بەتتەگى كىر سياقتى ولار سەندەرمەن بىرگە تويلاعاندا، جالعان ىلىمدەرىن تاراتۋدان شەكسىز ٴلاززات الادى+.
14 كوزدەرى ازعىندىقتى قۇمارتىپ+، ولار كۇنا جاساماي تۇرا المايدى؛ سەنىمى ٵلسىز جانداردى ەلىكتىرىپ اكەتەدى. ولاردىڭ جۇرەكتەرى اشكوزدىككە ۇيرەتىلگەن. ولار قارعىس اتقان بالالار.
15 تۋرا جولدى تاستاپ، ولار اداستى؛ بەعور ۇلى بالاعامنىڭ جولىنا ٴتۇستى+. بالاعام جامان ٸسى ٷشىن الاتىن سيدى جاقسى كورگەن ەدى+،
16 ٴبىراق زاڭسىز قىلىعى بەتىنە باسىلدى+: ەسەگىنە ٴتىل ٴبىتىپ، ادام سياقتى سويلەپ، پايعامباردىڭ اقىماقتىق جاساۋىنا توسقاۋىل بولدى+.
17 ولار كەۋىپ قالعان بۇلاق، داۋىل ايداعان جاڭبىرسىز بۇلت ىسپەتتى. ولارعا قارا تۇنەك دايىن تۇر+.
18 ولار بوس سوزدەرمەن كوپىرە ماقتانادى، تەرىس جولمەن جۇرگەندەردىڭ+ اراسىنان ەندى عانا قۇتىلىپ شىققانداردى ٴتان قۇمارلىقتارىمەن+، ورەسكەل قىلىقتارىمەن* ازعىرادى.
19 ولارعا ەركىندىكتى ۋادە ەتىپ جۇرگەنىمەن، وزدەرى — ازعىندالۋدىڭ قۇلى+. ويتكەنى ادام نەدەن جەڭىلسە، سونىڭ قۇلى بولار+.
20 راسىندا دا، ولار يەمىز ٵرى قۇتقارۋشىمىز يسا ٴماسىح جايلى تۋرا ٴبىلىمنىڭ ارقاسىندا وسى دۇنيەنىڭ ارامدىقتارىنان قۇتىلعاننان كەيىن+، قايتادان وسى نارسەلەردى ىستەپ، سولارعا بوي الدىرسا، وندا سوڭعى كۇيلەرى العاشقىسىنان دا جامان بولماق+.
21 ولار ٷشىن ادىلەت جولى جايلى تۋرا ٴبىلىم العاننان كەيىن، وزدەرىنە بەرىلگەن قاسيەتتى وسيەتتەن باس تارتقاننان گورى، بۇل جولدى مۇلدەم بىلمەگەندەرى جاقسىراق بولار ەدى+.
22 ولاردىڭ جاعدايىندا «توبەت قايتا ورالار قۇسىعىنا، جۋىلعان شوشقا قايتا اۋنار باتپاعىنا»+ دەگەن ماتەل ٴدال ورىندالدى.
سىلتەمەلەر
^ نەمەسە «ۇياتسىز قىلىقتارىنا». گرەكشە «اسەلگيا». تۇسىندىرمەنى قاراڭىز.
^ مۇمكىن: «ورعا تاستاپ».
^ تۇسىندىرمەنى قاراڭىز.
^ نەمەسە «ۇياتسىزدىققا». گرەكشە «اسەلگيا». تۇسىندىرمەنى قاراڭىز.
^ بۇل — قۇدايدىڭ ەسىمى. تۇسىندىرمەنى قاراڭىز.
^ نەمەسە «ۇياتسىز قىلىقتارىمەن». گرەكشە «اسەلگيا». تۇسىندىرمەنى قاراڭىز.
