مارقا 15:1—47
15 تاڭ اتىسىمەن-اق جوعارعى ٴدىني قىزمەتكەرلەر، اقساقالدار مەن ٴدىن مۇعالىمدەرى، ياعني بۇكىل جوعارعى كەڭەس، جينالىپ اقىلداستى. سوسىن يسانى بايلاپ، پيلاتقا اپارىپ تابىس ەتتى+.
2 پيلات ودان: «سەن ياھۋديلەردىڭ پاتشاسىسىڭ با؟»— دەپ سۇراعاندا+، ول: «مۇنى ٶزىڭىز ايتىپ تۇرسىز»،— دەپ جاۋاپ بەردى+.
3 ال جوعارعى ٴدىني قىزمەتكەرلەر يساعا كوپتەگەن ايىپ تاعىپ جاتتى.
4 پيلات وعان قايتادان سۇراق قويىپ: «ايتار جاۋابىڭ جوق پا+؟ قاراشى، ولار ساعان قانشاما ايىپ تاعىپ تۇر!»— دەدى+.
5 ٴبىراق يسا باسقا ەش جاۋاپ قاتپادى، سوندىقتان پيلات وعان قايران قالدى+.
6 پيلات جىل سايىن وسى مەيرامدا حالىق سۇراعان ٴبىر تۇتقىندى بوساتىپ بەرەتىن+.
7 سول ۋاقىتتا جۇرت باراببا دەپ اتايتىن بىرەۋ بار ەدى. كوتەرىلىس جاساپ، كىسى ولتىرگەندەرى ٷشىن، ول سىبايلاستارىمەن بىرگە تۇرمەدە وتىرعان بولاتىن.
8 حالىق جينالىپ، پيلاتتان ادەتتەگىدەي ٴبىر تۇتقىندى بوساتىپ بەرۋىن سۇراي باستادى.
9 ول: «ياھۋديلەردىڭ پاتشاسىن بوساتقانىمدى قالايسىڭدار ما؟»+— دەپ سۇرادى.
10 ويتكەنى پيلات جوعارعى ٴدىني قىزمەتكەرلەردىڭ يسانى قىزعانىشتان ۇستاپ بەرگەنىن بىلەتىن+.
11 ٴبىراق جوعارعى ٴدىني قىزمەتكەرلەر جۇرتتى يسانىڭ ورنىنا باراببانى بوساتىپ بەرۋىن تالاپ ەتۋگە ارانداتتى+.
12 پيلات تاعى دا سۇراق قويىپ: «ال وزدەرىڭ ياھۋديلەردىڭ پاتشاسى دەپ اتايتىن كىسىگە نە ىستەيىن؟»— دەگەندە+،
13 ولار: «ول باعاناعا ٸلىنسىن!»— دەپ ايعايلاپ تۇرىپ الدى+.
14 ٴبىراق پيلات: «نە ٷشىن؟ ول قانداي جاماندىق ىستەدى؟»— دەپ سۇرادى. ولار بولسا: «ول باعاناعا ٸلىنسىن!»— دەپ ودان بەتەر ايعايلادى+.
15 سوندا پيلات حالىققا جاعىنعىسى كەلىپ، باراببانى بوساتىپ بەردى. ال يساعا دۇرە سوقتىرىپ+، باعاناعا ٸلۋ ٷشىن ساربازداردىڭ قولىنا تاپسىردى+.
16 ساربازدار ونى ٵمىرشى سارايىنىڭ ىشكى اۋلاسىنا اكەلىپ، سول جەرگە بۇكىل جاساقتى جينادى+.
17 ولار يساعا كۇلگىن جامىلعى جاۋىپ، باسىنا تىكەننەن ورىلگەن ٴتاج كيگىزدى.
18 سوسىن داۋىستاپ: «امانسىڭ با، ياھۋديلەردىڭ پاتشاسى!»— دەي باستادى+.
19 سونداي-اق باسىنان قامىس تاياقپەن ۇرىپ، بەتىنە تۇكىرىپ، الدىندا تىزە بۇگىپ، تاعزىم ەتىپ جاتتى.
20 ال مازاق ەتىپ بولعاننان كەيىن، ۇستىندەگى كۇلگىن جامىلعىنى شەشىپ الىپ، ٶز كيىمىن كيگىزدى دە، باعاناعا ىلۋگە اكەتتى+.
21 جولشىباي ولار اۋىل جاقتان كەلە جاتقان كۇرەنەلىك شيمون دەيتىن كىسىگە يسانىڭ ازاپ باعاناسىن* كوتەرتىپ قويدى+. ول ەسكەندىر مەن رۋفتىڭ اكەسى بولاتىن.
22 سونىمەن، ولار يسانى «باس سۇيەك» دەگەندى بىلدىرەتىن گولگوتا اتتى جەرگە الىپ كەلدى+.
23 سول جەردە وعان ەلتىتەتىن ٴمۇر قوسىلعان شاراپ ۇسىندى+، ٴبىراق ول ىشپەدى.
24 سودان يسانى باعاناعا ٸلدى دە، ٴارقايسىسى ٶز ۇلەسىن الۋ ٷشىن جەرەبە تاستاپ، ونىڭ كيىمدەرىن ٴبولىستى+.
25 ونى باعاناعا ىلگەندە ٷشىنشى ساعات* بولاتىن.
26 وعان قانداي ايىپ تاعىلعانىن كورسەتۋ ٷشىن «ياھۋديلەردىڭ پاتشاسى» دەپ جازىلعان تاقتاشا بەكىتىلدى+.
27 ولار يسامەن بىرگە تاعى ەكى قاراقشىنى — ٴبىرىن وڭ، ەكىنشىسىن سول جاعىنا — باعاناعا ٸلىپ قويدى+.
28 *——
29 يسانىڭ قاسىنان ٶتىپ بارا جاتقاندار باستارىن شايقاپ، ونى تىلدەپ+: «ٵي، عيباداتحانانى قيراتىپ، ٷش كۇندە قايتا تۇرعىزۋشى+!
30 ازاپ باعاناسىنان ٴتۇسىپ، ٶزىڭدى قۇتقارىپ ال!»— دەدى.
31 جوعارعى ٴدىني قىزمەتكەرلەر مەن ٴدىن مۇعالىمدەرى دە ونى ٶزارا مازاق ەتىپ: «وزگەلەردى قۇتقارسا دا، ٶزىن قۇتقارا الماي تۇر+!
32 يسرايل پاتشاسى ٴماسىح تاپ قازىر باعانادان ٴتۇسسىن! مۇنى ٶز كوزىمىزبەن كورەيىك، سوندا سەنەمىز+»،— دەستى. ٴتىپتى ونىڭ قاسىنداعى باعانالارعا ىلىنگەندەر دە ٴتىل تيگىزىپ جاتتى+.
33 التىنشى ساعاتتا* سول ايماقتىڭ ٴبارىن قاراڭعىلىق باسىپ، توعىزىنشى ساعاتقا* دەيىن سوزىلدى+.
34 توعىزىنشى ساعاتتا يسا قاتتى داۋىستاپ: «ەلي، ەلي، لاما ساباحتاني؟»— دەدى. بۇل «قۇدايىم، قۇدايىم، نەگە مەنى جالعىز قالدىردىڭ؟» دەگەندى بىلدىرەدى+.
35 مۇنى ەستىگەندە، سوندا تۇرعانداردىڭ كەيبىرى: «قاراڭدار، ول ٸلياستى شاقىرىپ جاتىر»،— دەستى.
36 بىرەۋى جۇگىرىپ بارىپ، سورعىشتى قىشقىل شاراپقا باتىرىپ الدى دا، ونى تاياققا قاداپ، يساعا ۇسىنىپ+: «كۇتە تۇرايىق! ٸلياس كەلىپ، ونى ٴتۇسىرىپ الار ما ەكەن، كورەيىك»،— دەدى.
37 ٴبىراق يسا قاتتى داۋىستاپ جىبەرىپ، سوڭعى دەمىن شىعاردى+.
38 سول كەزدە عيباداتحاناداعى شىمىلدىق+ جوعارىدان تومەن قاراي قاق ايىرىلدى+.
39 يسانىڭ قارسىسىندا تۇرعان ٴجۇزباسى ونىڭ قانداي جاعدايدا كوز جۇمعانىن كورىپ: «مىنا كىسى، راسىندا دا، قۇداي ۇلى بولعان ەكەن!»— دەدى+.
40 سول جەردە الىستان قاراپ تۇرعان ايەلدەر دە بولدى. ارالارىندا ماعدالالىق ٴماريام، كىشى جاقىپ پەن جوسەنىڭ اناسى ٴماريام جانە سالوما بار ەدى+.
41 ولار يسا عاليلەيادا بولعاندا، وعان ەرىپ، قىزمەت ەتىپ جۇرەتىن+. سونداي-اق يسامەن بىرگە يەرۋساليمگە كەلگەن باسقا دا كوپتەگەن ايەلدەر بولدى.
42 كەش ٴتۇسىپ قالعان ەدى، ٵرى بۇل دەمالىس كۇنىنىڭ الدىنداعى دايارلىق كۇنى* بولعاندىقتان،
43 كەڭەستىڭ* بەدەلدى مۇشەسى، سونداي-اق ٶزى دە قۇداي پاتشالىعىنىڭ كەلۋىن كۇتىپ جۇرگەن اريماتەيالىق ٴجۇسىپ باتىلدىقپەن پيلاتتىڭ الدىنا بارىپ، يسانىڭ دەنەسىن سۇرادى+.
44 پيلات ونىڭ تەز ٶلىپ قالۋى مۇمكىن بە دەپ تاڭعالىپ، ٴجۇزباسىن شاقىرتتى دا، ودان يسانىڭ ولگەن-ولمەگەنىن سۇرادى.
45 ونىڭ ٶلىپ قالعانىن بىلگەن سوڭ، ٴمايىتتى جۇسىپكە بەرگىزدى.
46 ٴجۇسىپ ساپالى زىعىر ماتا ساتىپ اكەلىپ، يسانىڭ ٴمايىتىن ٴتۇسىرىپ، سول ماتاعا ورادى. سوسىن ونى جارتاستان ويىپ جاسالعان قابىرگە قويدى+ دا، ٴبىر تاستى دومالاتىپ اكەلىپ، قابىردىڭ اۋزىن بەكىتتى+.
47 ال ماعدالالىق ٴماريام مەن جوسەنىڭ اناسى ٴماريام ونى قويعان جەرگە قاراپ تۇردى+.
سىلتەمەلەر
^ تۇسىندىرمەنى قاراڭىز.
^ شامامەن تاڭعى 00:9. تۇسىندىرمەنى قاراڭىز.
^ بۇل ٷزىندى گرەك تىلىندەگى كونە قولجازبالاردىڭ كەيبىرىندە كەزدەسپەيدى. A3 قوسىمشاسىن قاراڭىز.
^ شامامەن كۇندىزگى 00:12.
^ شامامەن تۇسكى 00:15.
^ تۇسىندىرمەنى قاراڭىز.
^ نەمەسە «جوعارعى كەڭەستىڭ».
