لۇقا 9:1—62
-
12 ەلشىگە قىزمەتكە قاتىستى نۇسقاۋ بەرۋ (1—6)
-
يسا تۋرالى ەستىپ، يرودتىڭ ابىرجۋى (7—9)
-
يسانىڭ 5000 ادامدى تاماقتاندىرۋى (10—17)
-
پەتىردىڭ يسانىڭ ٴماسىح ەكەنىن ايتۋى (18—20)
-
يسانىڭ ٶلىمى جايلى الدىن الا ايتىلۋى (21، 22)
-
ناعىز شاكىرتكە قويىلاتىن تالاپ (23—27)
-
يسانىڭ سىرت كورىنىسىنىڭ وزگەرىسكە ٴتۇسۋى (28—36)
-
جىن بۋعان بالانىڭ ساۋىعۋى (37—43ا)
-
يسانىڭ ٶلىمى جايلى تاعى دا الدىن الا ايتىلۋى (43ا—45)
-
ۇلى بولۋعا قاتىستى شاكىرتتەر اراسىنداعى داۋ (46—48)
-
بىزگە قارسى بولماعان ادام بىزگە جاق (49، 50)
-
ساماريالىق اۋىلدىڭ يسانى قابىلداماۋى (51—56)
-
يسانىڭ سوڭىنان ەرۋ (57—62)
9 بۇدان كەيىن يسا 12 ەلشىسىن شاقىرىپ الىپ، ولارعا جىنداردى قۋىپ شىعاراتىن جانە اۋرۋ-سىرقاۋلاردى ساۋىقتىراتىن كۇش پەن بيلىك بەردى+.
2 سوسىن ولاردى قۇداي پاتشالىعى تۋرالى ۋاعىزداۋعا، اۋرۋلاردى ساۋىقتىرۋعا جىبەرىپ،
3 بىلاي دەدى: «جولعا ەشتەڭە — تاياق تا، تاماق سالاتىن دوربا دا، نان دا، اقشا* دا، ارتىق* كيىم دە — الماڭدار+.
4 بارعان جەرلەرىڭدە قاي ۇيگە تۇسسەڭدەر، قايتا جولعا شىققانشا، سوندا قالىڭدار+.
5 ەگەر قايسىبىر جەردە جۇرت سەندەردى قابىلداماسا، ولارعا كۋالىك بولۋ ٷشىن سول قالادان شىعاردا اياقتارىڭداعى شاڭدى قاعىپ تاستاڭدار*+».
6 ولار جولعا شىعىپ، اۋىل-اۋىلدى ارالاپ، بارلىق جەردە ىزگى حاباردى جاريالادى جانە ناۋقاستاردى ساۋىقتىردى+.
7 ايماق اكىمى يرود* بولىپ جاتقان جايتتىڭ ٴبارىن ەستىگەندە، ابدەن ابىرجىدى. ويتكەنى بىرەۋلەر: «جاقيا قايتا ٴتىرىلىپتى»،— دەسە+،
8 وزگە بىرەۋلەر: «ٸلياس كەلىپتى»،— دەپ، ال تاعى بىرەۋلەر: «ەجەلگى پايعامبارلاردىڭ ٴبىرى قايتا ٴتىرىلىپتى»،— دەپ ٴجۇر ەدى+.
9 يرود: «جاقيانىڭ باسىن ٶزىم الدىرتتىم+. ال وسى ەستىگەندەرىمدى ىستەپ جۇرگەن بۇل كىسى كىم ەكەن؟»— دەپ، ونى قاتتى كورگىسى كەلدى+.
10 ەلشىلەر قايتىپ كەلىپ، ىستەگەندەرىنىڭ ٴبارىن يساعا ايتىپ بەردى+. يسا ولاردى ەرتىپ، وزدەرى عانا بەتسايدا دەگەن قالاعا جونەلدى+.
11 ٴبىراق مۇنى ٴبىلىپ العان حالىق ونىڭ سوڭىنان ىلەستى. يسا ولاردى جىلى قابىلداپ، قۇداي پاتشالىعى تۋرالى ايتا باستادى، سونداي-اق ارالارىنداعى ناۋقاستاردى ساۋىقتىردى+.
12 كەش تۇسە باستاعاندا 12 ەلشىسى يساعا كەلىپ: «جۇرتتى تاراتىپ جىبەرىڭىز. ولار توڭىرەكتەگى اۋىلدار مەن ەلدى مەكەندەرگە بارىپ، جاتار ورىن مەن تاماق تاۋىپ السىن. بۇل — ەلسىز جەر عوي»،— دەدى+.
13 ٴبىراق يسا: «ولارعا تاماقتى سەندەر بەرىڭدەر»+،— دەپ جاۋاپ بەردى. شاكىرتتەر بولسا: «بىزدە بەس نان مەن ەكى بالىقتان باسقا ەشتەڭە جوق. الدە بارىپ، مىنا ادامداردىڭ بارىنە تاماق ساتىپ اكەلەيىك پە؟»— دەدى.
14 ال ول جەردە 5000 داي ەر ادام بار ەدى. يسا شاكىرتتەرىنە: «حالىقتى شامامەن ەلۋ-ەلۋدەن توپتاستىرىپ، جايعاستىرىڭدار»،— دەدى.
15 ولار ٴبارىن سولاي ەتىپ جايعاستىردى.
16 سوسىن يسا بەس نان مەن ەكى بالىقتى الىپ، كوككە قاراپ دۇعا ەتتى دە، حالىققا ۇلەستىرۋ ٷشىن ناندى سىندىرىپ، شاكىرتتەرىنە بەرە باستادى، بالىقتاردى دا بەردى.
17 سودان ٴبارى تاماقتانىپ، تويىپ الدى. ال ارتىلعانىن جيناپ العاندا، 12 سەبەت بولدى+.
18 كەيىندەۋ يسا وڭاشا جەردە دۇعا ەتىپ وتىرعاندا، قاسىنا شاكىرتتەرى كەلدى. يسا ولاردان: «جۇرت مەنى كىم دەپ ٴجۇر؟»— دەپ سۇرادى+.
19 بۇعان ولار: «بىرەۋلەر شومىلدىرۋ ٴراسىمىن جاساۋشى جاقيا دەسە، وزگە بىرەۋلەر ٸلياس، تاعى بىرەۋلەر ەجەلگى پايعامبارلاردىڭ ٴبىرى قايتا ٴتىرىلىپتى دەپ ٴجۇر»،— دەدى+.
20 سوندا يسا: «ال سەندەر مەنى كىم دەيسىڭدەر؟»— دەپ سۇرادى. بۇعان پەتىر: «ٴسىز قۇداي جىبەرگەن ٴماسىحسىز»،— دەپ جاۋاپ بەردى+.
21 يسا ولارعا بۇل تۋرالى ەشكىمگە ٴتىس جارماۋدى قاتاڭ ەسكەرتىپ+،
22 تاعى بىلاي دەدى: «ادام ۇلى كوپ قاسىرەت شەگۋى ٴتيىس. اقساقالدار، جوعارعى ٴدىني قىزمەتكەرلەر* مەن ٴدىن مۇعالىمدەرى ودان باس تارتادى. سوسىن ول ولتىرىلەدى+، ٴبىراق ٷشىنشى كۇنى قايتا تىرىلەدى»+.
23 سودان كەيىن بارىنە مىنانى ايتتى: «كىم مەنىڭ سوڭىمنان ەرگىسى كەلسە، وزىنەن باس تارتىپ+، كۇن سايىن ازاپ باعاناسىن* الىپ، ۇدايى سوڭىمنان ەرىپ ٴجۇرسىن+.
24 سەبەبى كىم جانىن ساقتاعىسى كەلسە، ودان ايىرىلادى، ال كىم مەن ٷشىن جانىنان ايىرىلسا، ونى ساقتاپ قالادى+.
25 شىنىندا دا، ادام بۇكىل دۇنيەگە يە بولىپ، ٴبىراق وزىنە نۇقسان كەلتىرسە نە ومىرىنەن ايىرىلسا، بۇدان نە پايدا+؟
26 كىم مەنىڭ شاكىرتىم بولۋعا جانە مەنىڭ سوزىمە سەنۋگە ۇيالسا، ادام ۇلى ٶزىنىڭ، اكەنىڭ جانە كيەلى پەرىشتەلەردىڭ سالتاناتتى ۇلىلىعىمەن كەلگەندە، سول ادام ٷشىن ۇيالاتىن بولادى+.
27 سەندەرگە شىندىعىن ايتامىن، وسىندا تۇرعانداردىڭ كەيبىرى قۇداي پاتشالىعىنىڭ كەلگەنىن كورمەيىنشە، ولمەيدى+».
28 وسى سوزدەردى ايتقاننان شامامەن سەگىز كۇن وتكەن سوڭ، ول پەتىردى، جوحان مەن جاقىپتى ەرتىپ، دۇعا ەتۋ ٷشىن تاۋعا كوتەرىلدى+.
29 ول دۇعا ەتىپ جاتقاندا، بەت الپەتى وزگەرىپ، ال كيىمى اپپاق بولىپ جارقىرادى.
30 كەنەتتەن ەكى ادام پايدا بولىپ، ونىمەن سويلەسىپ تۇردى. ونىڭ ٴبىرى مۇسا، ەكىنشىسى ٸلياس بولاتىن.
31 بۇل ەكەۋى سالتاناتتى ۇلىلىقپەن كورىنىپ، يسامەن ونىڭ يەرۋساليم قالاسىندا وسى دۇنيەدەن كەتۋى ٴتيىس ەكەنى جونىندە سويلەستى+.
32 ال پەتىر مەن قاسىنداعى جولداستارىن ۇيقى باسقان ەدى. ولار ويانعاندا، يسانىڭ ۇلىلىعىن ٵرى قاسىندا تۇرعان ەكى ادامدى كوردى+.
33 ول ەكەۋى كەتكەلى جاتقاندا، پەتىر يساعا: «ۇستاز، وسىندا بولعانىمىز قانداي جاقسى! ٴبىز بىرەۋىن سىزگە، بىرەۋىن مۇساعا، تاعى بىرەۋىن ٸلياسقا ارناپ ٷش كۇركە جاسايىق»،— دەدى. ول ٶزىنىڭ نە ايتىپ تۇرعانىن تۇسىنگەن جوق.
34 پەتىر ٵلى سويلەپ تۇرعاندا، ٴبىر بۇلت پايدا بولىپ، ولاردى وراپ الدى. بۇلتتىڭ اراسىندا قالعان ولار قورقىپ كەتتى.
35 سوندا بۇلت اراسىنان: «بۇل — مەنىڭ تاڭداپ العان ۇلىم+. ونى تىڭداڭدار+!»— دەگەن داۋىس شىقتى+.
36 داۋىس ەستىلگەندە، ولار يسانىڭ جالعىز تۇرعانىن كوردى. ٴبىراق وسى كورگەندەرى تۋرالى سول كۇندەرى ەشكىمگە ايتپاي، ىشتەرىندە ساقتاپ ٴجۇردى+.
37 ەرتەسىنە ولار تاۋدان تۇسكەندە، قالىڭ جۇرت ونى كۇتىپ الدى+.
38 سوندا جۇرتتىڭ اراسىنان بىرەۋ داۋىستاپ بىلاي دەدى: «ۇستاز، مەنىڭ ۇلىما نازار سالا كورىڭىز! ول — جالعىز ۇلىم+.
39 جىن بۋعاندا، ول ايعايلاپ جىبەرەدى. جىن ونى قالشىلداتىپ، اۋزىنان كوبىگىن اعىزىپ، ابدەن ازاپتاپ، ارەڭ بوساتادى.
40 شاكىرتتەرىڭىزدەن جىندى قۋىپ شىعارۋىن وتىنگەن ەدىم، ٴبىراق قولدارىنان كەلمەدى».
41 يسا: «ەي، سەنىمى جوق، بۇزىلعان ۇرپاق-اي+! قاشانعا دەيىن قاستارىڭدا بولىپ، سەندەرگە توزبەكپىن؟ بالاڭىزدى وسىندا اكەلىڭىز»،— دەدى+.
42 بالا وعان جاقىنداپ قالعاندا، جىن ونى جەرگە الىپ ۇرىپ، قاتتى قالشىلداتتى. يسا جىنعا قاتاڭ تيىم سالدى دا، بالانى ساۋىقتىرىپ، اكەسىنە تابىس ەتتى.
43 سوندا جۇرتتىڭ ٴبارى قۇدايدىڭ زور قۇدىرەتىنە قايران قالدى.
ولار يسانىڭ جاساعان بارلىق ىستەرىنە تاڭعالىپ تۇرعاندا، ول شاكىرتتەرىنە بىلاي دەدى:
44 «مىنا سوزدەرگە مۇقيات قۇلاق سالىپ، ەستەرىڭدە ۇستاڭدار: ادام ۇلى جاۋلارىنىڭ قولىنا ۇستالىپ بەرىلەدى»+.
45 ٴبىراق شاكىرتتەرى بۇل سوزدەردىڭ ماعىناسىن تۇسىنبەدى، ويتكەنى بۇل ولار ٷشىن جاسىرىن ەدى. الايدا سۇراق قويۋعا باتىلدارى بارمادى.
46 شاكىرتتەردىڭ اراسىندا قايسىسى ەڭ ۇلى ەكەنىنە قاتىستى داۋ تۋدى+.
47 يسا ولاردىڭ جۇرەكتەرىندەگى ويلارىن ٴبىلىپ، ٴبىر كىشكەنتاي بالانى شاقىرىپ الىپ، قاسىنا تۇرعىزدى دا،
48 بىلاي دەدى: «كىمدە-كىم مەنىڭ اتىمنان وسى كىشكەنتاي بالانى قابىلداسا، مەنى دە قابىلداعانى، ال مەنى قابىلداسا، مەنى جىبەرگەندى دە قابىلداعانى+. ويتكەنى ارالارىڭدا كىم ٶزىن كىشى تۇتسا، سول — ۇلىلارىڭ»+.
49 جوحان وعان: «ۇستاز، ٴسىزدىڭ اتىڭىزبەن جىنداردى قۋىپ شىعارىپ جۇرگەن بىرەۋدى كوردىك، بىزبەن بىرگە جۇرمەگەندىكتەن، وعان تيىم سالۋعا تىرىستىق»،— دەدى+.
50 يسا: «وعان كەدەرگى جاساماڭدار. ويتكەنى سەندەرگە قارسى بولماعان ادام سەندەرگە جاق»،— دەپ جاۋاپ بەردى.
51 كوككە كوتەرىلەتىن كۇنى جاقىنداپ كەلە جاتقاندىقتان+، يسا يەرۋساليمگە بارۋعا بەل بۋدى.
52 ول الدىن الا بىرنەشە شاكىرتىن جىبەردى. ولار جولعا شىعىپ، يساعا كەرەكتى دايارلىقتار جاساۋ ٷشىن ساماريالىقتاردىڭ ٴبىر اۋىلىنا كىردى.
53 ٴبىراق سول اۋىلدىڭ ادامدارى يسانى قابىلدامادى+، ويتكەنى ول يەرۋساليمگە بەت العان ەدى.
54 شاكىرتتەرى جاقىپ پەن جوحان+ مۇنى كورىپ: «يەم، كوكتەن وت ٴتۇسىپ، ولاردى جويسىن دەپ بۇيىرعانىمىزدى قالايسىز با؟»+— دەدى.
55 ٴبىراق ول ەكەۋىنە بۇرىلىپ، تيىم سالدى.
56 ٴسۇيتىپ، ولار باسقا اۋىلعا بەت الدى.
57 ولار جولدا كەلە جاتقاندا، بىرەۋ وعان: «قايدا بارساڭىز دا، مەن سىزگە ەرەمىن»،— دەدى.
58 يسا وعان: «تۇلكىلەردىڭ ٸنى، قۇستاردىڭ ۇياسى بار، ال ادام ۇلىنىڭ باس تىرەيتىن تۇراعى دا جوق»،— دەپ جاۋاپ قاتتى+.
59 باسقا بىرەۋگە يسا: «مەنىڭ ٸزباسارىم بول»،— دەگەندە، ول: «يەم، الدىمەن اكەمە بارايىن، ونى جەرلەگەن سوڭ كەلۋگە رۇقسات ەتىڭىز»،— دەدى+.
60 ٴبىراق يسا: «ولگەندەرىن جەرلەۋدى ولىلەرگە قالدىر+. ال ٶزىڭ بارىپ، بارلىق جەردە قۇداي پاتشالىعى تۋرالى ىزگى حاباردى جاريالا»،— دەدى+.
61 تاعى بىرەۋ وعان: «يەم، مەن سىزگە ەرەمىن. ٴبىراق الدىمەن ٷي ىشىممەن قوشتاسىپ كەلۋگە رۇقسات ەتىڭىز»،— دەدى.
62 يسا بولسا: «قولىنا سوقا ۇستاپ، ارتىنا جالتاقتاي بەرەتىن ادام+ قۇداي پاتشالىعىنا كىرۋگە لايىقسىز+»،— دەپ جاۋاپ بەردى.
سىلتەمەلەر
^ سوزبە-ٴسوز «كۇمىس».
^ سوزبە-ٴسوز «ەكى».
^ اياقتىڭ شاڭىن قاعۋ ادامنىڭ ٶز موينىنان جاۋاپكەرشىلىكتى الىپ تاستاۋىن بىلدىرەدى.
^ ياعني يرود انتيپاس. تۇسىندىرمەنى قاراڭىز.
^ تۇسىندىرمەنى قاراڭىز.
^ تۇسىندىرمەنى قاراڭىز.
