قورىنتتىقتارعا 1-حات 9:1—27
9 مەن قالاعانىمدى ىستەۋگە ەرىكتى ەمەسپىن بە؟ ەلشى ەمەسپىن بە؟ يەمىز يسانى كوردىم ەمەس پە+؟ سەندەر يەمىزدىڭ جولىنداعى قىزمەتىمنىڭ جەمىسى ەمەسسىڭدەر مە؟
2 باسقالار ٷشىن ەلشى بولماسام دا، مەن سەندەر ٷشىن ەلشىمىن. سەبەبى سەندەر مەنىڭ يەمىزدىڭ ەلشىسى ەكەنىمدى راستايتىن ٴمور ىسپەتتىسىڭدەر.
3 مەنى ايىپتايتىندارعا ٶزىمدى قورعاپ، مىنانى ايتامىن:
4 ٴبىزدىڭ ٸشىپ-جەۋگە قاقىمىز جوق پا؟
5 باسقا ەلشىلەر، يەمىزدىڭ باۋىرلارى+ نە كەفا+ سياقتى، سەنۋشى ايەلىمىزدى+ ساپارلاردا ەرتىپ جۇرۋگە قاقىلى ەمەسپىز بە؟
6 جوق الدە جۇمىس ىستەمەي كۇن كورۋگە بارنابا+ ەكەۋمىزدىڭ عانا قاقىمىز جوق پا؟
7 قاي سارباز ٶز ەسەبىنەن قىزمەت ەتەدى؟ قاي باعبان جۇزىمدىك ەگىپ، جەمىسىن جەمەيدى+؟ قاي مالشى مال باعىپ، ٴسۇتىن ىشپەيدى؟
8 بۇلاردى ادامي تۇرعىدان ايتىپ تۇرعان جوقپىن. زاڭدا دا وسىلاي دەلىنگەن ەمەس پە؟
9 وندا: «استىق باستىرىپ جۇرگەن بۇقاعا تۇمىلدىرىق كيگىزبە!»— دەپ جازىلعان+. مۇندا قۇداي وگىزدىڭ قامىن ويلاپ تۇر ما؟
10 الدە ٴبىزدىڭ يگىلىگىمىزدى مە؟ ارينە، بۇل ٴبىزدىڭ يگىلىگىمىز ٷشىن جازىلعان، ويتكەنى جەر جىرتۋشى دا، استىق باستىرۋشى دا ٶز ۇلەسىن الامىن دەپ ۇمىتتەنەدى.
11 ارالارىڭدا رۋحاني نارسەلەر سەۋىپ، مۇنىڭ ٶنىمى رەتىندە تانىمىزگە قاجەتتىنى ورساق، كوپتىك بولا ما+؟
12 باسقالاردىڭ سەندەردەن بىردەڭە الۋعا قاقىسى بولسا، ٴبىز ودان بەتەر قاقىلى ەمەسپىز بە؟ دەسە دە بۇل قاقىمىزدى پايدالانعان ەمەسپىز+، قايتا، ٴماسىح تۋرالى ىزگى حاباردىڭ تارالۋىنا ەشتەڭە كەدەرگى بولماۋ ٷشىن، بارىنە دە توزۋدەمىز+.
13 قاسيەتتى قىزمەت اتقارىپ جۇرگەندەردىڭ عيباداتحاناداعى تاماقتان جەيتىنىن، ال قۇرباندىق ۇستەلىنىڭ باسىندا مىندەتتەرىن اتقارىپ جۇرگەندەردىڭ ودان ۇلەس الاتىنىن بىلمەۋشى مە ەدىڭدەر+؟
14 سول سياقتى، يەمىز دە ىزگى حاباردى جاريالاپ جۇرگەندەرگە ىزگى حابار ارقىلى كۇن كورۋدى بۇيىرعان+.
15 ٴبىراق مەن وسىنداي مۇمكىندىكتەردىڭ ەشقايسىسىن پايدالانعان ەمەسپىن+. مۇنى جازۋىممەن ەندى سونى پايدالانايىن دەپ وتىرعان جوقپىن. بىرەۋدىڭ مەنى ماقتانۋعا دەگەن سەبەبىمنەن ايىرۋىنا جول بەرگەنشە، ولگەنىم ارتىق+!
16 ىزگى حاباردى جاريالاپ جۇرسەم، ماقتانۋىما ەش سەبەپ جوق، ويتكەنى بۇل — مەنىڭ مىندەتىم. ال ىزگى حاباردى جاريالاماسام، قاسىرەتكە قالار ەدىم+!
17 مۇنى ٶز ەركىممەن ىستەسەم — سيعا يە بولعانىم. ٶز ەركىمە قارسى ىستەسەم دە، ول ٴبارىبىر جۇكتەلگەن مىندەتىم بولىپ قالا بەرەدى+.
18 ولاي بولسا، قانداي سي الماقپىن؟ سيىم — ىزگى حابارعا قاتىستى بيلىگىمدى تەرىس قولدانۋدان اۋلاق بولۋ ٷشىن ونى تەگىن جاريالاپ جۇرگەنىم.
19 مەن ەشكىمنىڭ الدىندا بورىشتى ەمەسپىن، سويتسە دە، مۇمكىندىگىنشە، كوپ ادامدى ٴماسىح جولىنا اكەلۋ ٷشىن، بارشا ادامعا قۇل بولدىم.
20 وسىلايشا ياھۋديلەردى اكەلۋ ٷشىن، ياھۋدي ىسپەتتى+، زاڭدى ۇستاناتىنداردى اكەلۋ ٷشىن، ٶزىم سول زاڭدى ۇستانباسام دا، ونى ۇستاناتىندار ىسپەتتى بولدىم+.
21 ٶزىم قۇداي زاڭىن ۇستاناتىن ٵرى ٴماسىح زاڭىنا+ باعىنىشتى بولسام دا، زاڭدى ۇستانبايتىنداردى اكەلۋ ٷشىن، سولار ىسپەتتى بولدىم.
22 السىزدەردى اكەلۋ ٷشىن، ٵلسىز بولدىم+. ٵرتۇرلى ادامدار اراسىنان، ەڭ بولماسا، كەيبىرەۋىن قۇتقارۋ ٷشىن قولدان كەلگەننىڭ ٴبارىن ىستەدىم.
23 مەن بارلىعىن ىزگى حابار ٷشىن ٵرى ونى وزگەلەرگە جاريالاۋ ٷشىن ىستەپ ٴجۇرمىن+.
24 جارىسقا تۇسكەن جۇيرىكتەردىڭ ٴبارى جۇگىرگەنمەن، بىرەۋى عانا جۇلدەگە يە بولاتىنىن بىلمەيسىڭدەر مە؟ ەندەشە سونى جەڭىپ الاتىنداي بولىپ جۇگىرىڭدەر+.
25 ٵربىر جارىسكەر بارلىق جاعىنان ۇستامدىلىق تانىتادى. ولاردىڭ الاتىنى — قۇرىپ جوق بولاتىن ٴتاج+. ال ٴبىز ەش قۇرىمايتىن ٴتاج الۋ ٷشىن جۇگىرۋدەمىز+.
26 سوندىقتان مەن ماقساتسىز جۇگىرىپ كەلە جاتقان جوقپىن+. جۇدىرىقتاعاندا، اۋانى جۇدىرىقتاپ جاتقان جوقپىن.
27 ٴبىراق باسقالارعا ۋاعىز ايتىپ ٴجۇرىپ، ٶزىم قۇدايدىڭ ىقىلاسىنان ايىرىلىپ قالماۋىم ٷشىن، دەنەمدى ۇرعىلاپ+، وزىمە قۇل ىسپەتتى باعىندىرۋدامىن.
