قورىنتتىقتارعا 1-حات 6:1—20
6 ارالارىڭداعى قايسىبىرىڭنىڭ وزگەمەن داۋى بولسا+، قاسيەتتىلەردىڭ ەمەس، ادىلەتسىزدەردىڭ سوتىنا جۇگىنۋگە قالايشا ٴداتى بارادى؟
2 الدە قاسيەتتىلەردىڭ ادامزاتقا سوت جۇرگىزەتىنىن+ بىلمەۋشى مە ەدىڭدەر؟ ال ادامزاتقا سوت جۇرگىزەتىن بولساڭدار، ۇساق-تۇيەك ماسەلەلەردى شەشۋگە جاراماعاندارىڭ با؟
3 ٴبىزدىڭ پەرىشتەلەرگە دە سوت جۇرگىزەتىنىمىزدى+ بىلمەيسىڭدەر مە؟ وندا كۇندەلىكتى ٶمىر ماسەلەلەرىن دە شەشە الاتىندارىڭ ٴسوزسىز.
4 ال وسىنداي ماسەلەلەردى شەشۋ كەرەك بولىپ جاتسا+، قاۋىمنان تىس ادامداردى تورەشى ەتپەكسىڭدەر مە؟
5 مۇنى سەندەردى ۇيالتۋ ٷشىن ايتىپ وتىرمىن. ارالارىڭدا باۋىرلاستارىنا تورەلىك ايتاتىن بىردە-ٴبىر پاراساتتى ادامنىڭ بولماعانى ما؟
6 باۋىرلاستاردىڭ ٴبىرى ەكىنشىسىن سوتقا، سوت بولعاندا دا سەنبەيتىندەردىڭ سوتىنا، اپاراتىنى قالاي؟!
7 ٴبىر-بىرىڭمەن سوتتاسقاندارىڭنىڭ ٶزى — جەڭىلگەندەرىڭ عوي. ويتكەنشە نەگە ادىلەتسىزدىككە توزبەسكە+؟ نەگە اقىلارىڭدى جەگىزە سالماسقا؟
8 ال سەندەر، كەرىسىنشە، وزدەرىڭ ادىلەتسىزدىك جاسايسىڭدار، وزگەنىڭ اقىسىن جەيسىڭدەر، ٵرى مۇنى ٶز باۋىرلاستارىڭا ىستەيسىڭدەر.
9 جوق الدە ادىلەتسىزدەر قۇداي پاتشالىعىن مۇرا ەتپەيتىنىن بىلمەيسىڭدەر مە+؟ الدانباڭدار: ازعىندار*+، پۇتقا تابىنۋشىلار+، نەكە ادالدىعىن بۇزۋشىلار+، تابيعي ەمەس جىنىستىق قاتىناستا قولدانىلاتىن ەركەكتەر+، ەركەكقۇمار ەركەكتەر*+،
10 ۇرىلار، اشكوزدەر+، ماسكۇنەمدەر+، وزگەلەردى بالاعاتتايتىندار، توناۋشىلار قۇداي پاتشالىعىن مۇرا ەتپەيدى+.
11 كەزىندە كەيبىرەۋلەرىڭ سونداي بولدىڭدار. ٴبىراق تازاردىڭدار+، قاسيەتتى بولدىڭدار+، ٵرى يەمىز يسا ٴماسىحتىڭ اتىمەن جانە قۇدايىمىزدىڭ رۋحىمەن ٵدىل دەپ جاريالاندىڭدار+.
12 مەنىڭ نە ىستەيمىن دەسەم دە، قاقىم بار، ٴبىراق ٴبارى بىردەي پايدالى ەمەس+. نە ىستەيمىن دەسەم دە، قاقىم بار، ٴبىراق ەش نارسەگە تاۋەلدى بولۋىما جول بەرمەيمىن.
13 تاماق اسقازان ٷشىن، ال اسقازان تاماق ٷشىن، ٴبىراق قۇداي بۇل ەكەۋىن دە قۇرتىپ جىبەرەدى+. دەنە بولسا ازعىندىق* ٷشىن ەمەس، يەمىز ٷشىن قىزمەت ەتۋى ٴتيىس+، ال يەمىز دەنەمىزدىڭ قامىن ويلايدى.
14 قۇداي ٶز قۇدىرەتىمەن+ يەمىزدى ولىمنەن ٴتىرىلتىپ الدى+، ٴبىزدى دە تىرىلتەدى+.
15 الدە دەنەلەرىڭنىڭ ٴماسىحتىڭ دەنەسىنىڭ مۇشەسى ەكەنىن بىلمەيسىڭدەر مە+؟ ولاي بولسا، ونىڭ دەنەسىنىڭ مۇشەلەرىن الىپ، جەزوكشەنىڭ دەنەسىنە مۇشە ەتىپ بەرۋىمە بولا ما؟ ارينە، بولمايدى!
16 جەزوكشەمەن جاقىنداسقان ادام ونىمەن ٴبىر دەنە بولاتىنىن بىلمەۋشى مە ەدىڭدەر؟ سەبەبى قۇداي: «ەكەۋى ٴبىرتۇتاس* بولادى»،— دەگەن+.
17 ال يەمىزگە قوسىلعان ادام ونىمەن ٴبىر ويدا* بولادى+.
18 ازعىندىقتان* اۋلاق بولىڭدار*+! ادامنىڭ جاساۋى مۇمكىن كەز كەلگەن كۇناسى دەنەسىنەن تىسقارى، ال ازعىندىق جاسايتىن ادام ٶز دەنەسىنە قارسى كۇنا ىستەيدى+.
19 جوق الدە دەنەلەرىڭ بويلارىڭداعى قۇداي رۋحىنىڭ عيباداتحاناسى+ ەكەنىن بىلمەيسىڭدەر مە+؟ سەندەر وزدەرىڭە تيەسىلى ەمەسسىڭدەر+،
20 ويتكەنى قىمبات باعاعا ساتىپ الىندىڭدار+. ەندەشە دەنەلەرىڭمەن+ قۇدايدى دارىپتەڭدەر+!
سىلتەمەلەر
^ نەمەسە «ەركەكتەرمەن جىنىستىق قاتىناستا بولاتىن ەركەكتەر».
^ تۇسىندىرمەدەگى «ازعىندىق» ٴسوزىن قاراڭىز.
^ گرەكشە «پورنيا». تۇسىندىرمەنى قاراڭىز.
^ سوزبە-ٴسوز «ٴبىر ٴتان».
^ سوزبە-ٴسوز «ٴبىر رۋحتا».
^ نەمەسە «قاشىڭدار».
^ گرەكشە «پورنيا». تۇسىندىرمەنى قاراڭىز.
