سالونيكالىقتارعا 1-حات 5:1—28
5 ال ۋاقىتتار مەن مەزگىلدەرگە كەلەر بولساق، باۋىرلاستار، سەندەرگە بۇل تۋرالى جازۋدىڭ قاجەتى جوق.
2 ويتكەنى ەحوبانىڭ كۇنى+ تاپ ۇرىنىڭ تۇندە تۇسەتىنى سياقتى كەلەتىنىن+ وزدەرىڭ دە جاقسى بىلەسىڭدەر.
3 جۇرت: «مىنە، بەيبىتشىلىك پەن قاۋىپسىزدىك!»— دەپ جۇرگەندە، جۇكتى ايەلدىڭ تولعاعى كەنەتتەن باستالاتىنى ىسپەتتى، ولاردىڭ دا جويىلاتىن كەزى كەنەتتەن كەلەدى+. سوندا ولار ەش قۇتىلمايدى.
4 ٴبىراق، باۋىرلاستار، سەندەر ۇرىلار سياقتى تۇنەكتە ەمەسسىڭدەر، سوندىقتان بۇل كۇن سەندەر ٷشىن قاپىلىستا كەلمەيدى.
5 ويتكەنى ٴبارىڭ دە جارىقتىڭ ۇلدارىسىڭدار جانە كۇننىڭ ۇلدارىسىڭدار+. ٴبىز تۇندىكى دە، تۇنەكتىكى دە ەمەسپىز+.
6 سوندىقتان باسقالارعا ۇقساپ ۇيىقتاماي+، قايتا، وياۋ+ ٵرى قىراعى جۇرەيىك+.
7 سەبەبى ۇيىقتايتىندار تۇندە ۇيىقتايدى، ماس بولاتىندار دا تۇندە ماس بولادى+.
8 ٴبىراق بىزدەر — كۇننىڭ ۇلدارى — قىراعى جۇرەيىك، سەنىم مەن سۇيىسپەنشىلىكتى ساۋىت قىلىپ، ال قۇتقارىلۋعا دەگەن ٷمىتىمىزدى دۋلىعا ەتىپ كيەيىك+.
9 سەبەبى قۇداي ٴبىزدى قاھارىنا ۇشىراتۋ ٷشىن ەمەس، يەمىز يسا ٴماسىح ارقىلى قۇتقارىلۋ ٷشىن تاڭداپ الدى+.
10 يسا ٴبىز ٷشىن ٶمىرىن قيدى+. ول مۇنى وياۋ جۇرسەك تە، ۇيىقتاپ جاتساق* تا ونىمەن بىرگە ٶمىر ٴسۇرۋىمىز ٷشىن ىستەدى+.
11 سوندىقتان ٴبىر-ٴبىرىڭدى جۇباتىپ، نىعايتىپ جۇرگەندەرىڭدەي+، ٵرى قاراي دا سولاي ەتە بەرىڭدەر.
12 باۋىرلاستار، سەندەردەن سۇرايتىنىمىز — ارالارىڭدا اۋىر ەڭبەكتەنىپ، يەمىزدىڭ ىسىندە جەتەكشىلىك ەتىپ، اقىل-كەڭەس بەرىپ جۇرگەندەردى قادىرلەڭدەر.
13 ولاردى ەڭبەكتەرى ٷشىن ايرىقشا قۇرمەتتەپ+، جاقسى كورىڭدەر. ٶزارا تاتۋ بولىڭدار+.
14 باۋىرلاستار، وزدەرىڭنەن تاعى مىنانى وتىنەمىز: ٴتارتىپ بۇزاتىندارعا ەسكەرتۋ جاساڭدار+، جانى كۇيزەلىپ جۇرگەندەردى جۇباتىڭدار، السىزدەردى قولداڭدار، بارلىق ادامدارعا ٴتوزىمدى بولىڭدار+.
15 بايقاڭدار، ەشكىم جاماندىققا جاماندىقپەن قايتارماسىن+، قايتا، ارقاشان ٴبىر-بىرىڭە دە، وزگەلەرگە دە جاقسىلىق جاساۋعا ۇمتىلىڭدار+.
16 ٵردايىم قۋانىڭدار+.
17 ۇدايى دۇعا ەتىڭدەر+.
18 بارلىق جاعدايدا قۇدايعا العىس ايتىڭدار+. ويتكەنى ٴماسىح يسامەن بىرلىكتەگى سەندەرگە قاتىستى قۇدايدىڭ ەركى — وسى.
19 رۋحتىڭ جالىنىن وشىرمەڭدەر+.
20 پايعامبارلىقتارعا نەمكەتتى قاراماڭدار+.
21 ٴبارىن تەكسەرىڭدەر+ دە، جاقسىسىن عانا بەرىك ۇستانىڭدار.
22 جاماندىق اتاۋلىدان اۋلاق جۇرىڭدەر+.
23 تىنىشتىقتىڭ قۇدايى سەندەردى تولىعىمەن قاسيەتتى ەتە كورسىن. يەمىز يسا ٴماسىح وسىندا بولعان كەزدە* وزدەرىڭە ورتاق بۇكىل رۋح، جان مەن دەنە بارلىق جاعىنان كىرشىكسىز ساقتالعاي+.
24 سەندەردى شاقىرعان قۇداي ادال، ول بۇنى جۇزەگە اسىرادى.
25 باۋىرلاستار، ٴبىز ٷشىن دۇعا ەتە بەرىڭدەر+.
26 بارلىق باۋىرلاستارمەن سۇيىسپەنشىلىكپەن ٴسۇيىپ امانداسىڭدار.
27 وسى حاتتى باۋىرلاستاردىڭ بارىنە وقىپ بەرىڭدەر+ دەپ، سەندەرگە يەمىزدىڭ الدىندا ۇلكەن مىندەتتەمە جۇكتەيمىن.
28 سەندەرگە يەمىز يسا ٴماسىحتىڭ راقىمى جاۋسىن!
سىلتەمەلەر
^ نەمەسە «ٶلىم ۇيقىسىندا جاتساق».
^ تۇسىندىرمەدەگى «يسانىڭ وسىندا بولۋىن» قاراڭىز.
