Mbela eenghendabala domahangano oo haa kaleke po ombili otadi etifa ngoo ombili mounyuni?
Oita nomapiyaano kwa homatwa otaa hapupala mounyuni. Oshidjemo, Oiwana ya Hangana nosho yo omahangano makwao oo haa longo nokukaleka po ombili a otaa longele moilongo omo mu na oita. Oe na elineekelo kutya otaa ka xwepopaleka onghalo moilongo ya tya ngaho. Hamushangandjai wOiwana ya Hangana, António Guterres, okwa ti: “Ovanailonga vOiwana ya Hangana, otava dana onghandangala inene mokukaleka po ombili mounyuni.”
Oule womido, omahangano e na sha nokukaleka po ombili okwa kala taa pondola. Pashihopaenenwa, okwa amena ovakwashiwana, a shunifa eenhauki koilonga yado, a yandja oikwafa nokwa tungulula oinima oyo ya hanaunwa po. Ashike omahangano a tya ngaho, ohaa kala a taalela omashongo oo hae a imbi a pondole. Mbela ope na ngo efiku omaupyakadi oo a ka kandulwe po, ndele mounyuni tamu kala ombili yashili? Ombiibeli otai ti ngahelipi?
Oinima oyo hai i moshipala okukaleka po ombili nosho yo osho Ombiibeli tai ti shi na sha nekandulepo
Eshongo: kape na elongelokumwe. Omatangakwaita nosho yo omahangano e na sha nokukaleka po ombili haalushe haa longele kumwe, molwaashi okwa dja moilongo ya yoolokafana. Omafimbo amwe, omahangano a tya ngaho ohaa dopa okulongela kumwe nawa omolwokuhaudafana noku na yo omalalakano a yoolokafana.
Osho Ombiibeli tai ti shi na sha nekandulepo: “Kalunga ou komeulu ota ka dika ouhamba . . . notau ka teyaula omauhamba [omapangelo opanhu] aeshe noku a xulifa po, ndelenee woovene tau ka kala fiyo alushe.” — Daniel 2:44, KB-13.
Monakwiiwa i li popepi, Kalunga ota ka xulifa po oita aishe nokweeta ombili kombada yedu alishe. (Epsalme 46:8, 9) Ota ka pingena po omapangelo aeshe oo e li kombada yedu nepangelo limwe alike: Ouhamba waKalunga. Itatu ka pumbwa vali omahangano opanhu e na sha nokukaleka po ombili, molwaashi kombada yedu itaku ka kala vali oita, eshi taku ka pangelwa kepangelo limwe alike okudja meulu.
Eshongo: kape na oimaliwa ya wana nosho yo eenghonopangelo. Omahangano oo haa kaleke po ombili haalushe haa kala e na ovanhu va wana, eyambidido lopashimaliwa, ile oipumbiwa imwe vali naasho ohashi a shunifa pedu. Ovo hava longele omahangano a tya ngaho, ohava longele momidingonoko da piyaana noda nyika oshiponga.
Osho Ombiibeli tai ti shi na sha nekandulepo: ‘Kalunga kOmwene wetu Jesus Kristus . . . okwa kaleka [Jesus] kolulyo laye meulu, nokwe mu pa ondodo ya tumbala i dule yovapangeli aveshe, yaavo ve na eenghonopangelo.’ — Ovaefeso 1:17, 20, 21.
Jehova, b Kalunga Omunaenghono adishe, okwa pa Jesus, oo a nangekwa po e li Ohamba yOuhamba waKalunga keshe shimwe osho a pumbwa, opo a pangele nomupondo. (Daniel 7:13, 14 c) Kalunga okwa pa Jesus eenghono dinene, eshiivo, ounongo noku dule okutokola e dule kokule epangelo keshe, ile ehangano lopanhu. (Jesaja 11:2) Jesus oku na yo etangakwaita lovaengeli ovanaenghono. (Ehololo 19:14) Kape na osho tashi mu nyenge.
Jesus ota ka longifa keshe osho a pewa kuKalunga a ninge shihapu shihe fi ashike okuxulifa po oita. Ota ka etela keshe oo ta ka kala koshi yOuhamba waKalunga engungumano, eameno nombili yashili. — Jesaja 32:17, 18.
Eshongo: omangabeko ehe li pauyuki. Ovo hava longele omahangano e na sha nokukaleka po ombili, omafimbo amwe, ohava ngabekwa komalombwelo inaa yela nawa, ile oo tae va imbi va longe osho ve na okulonga. Omalombwelo a tya ngaho, otashi dulika e va imbe va amena ovanhu pauyadi, ile e va kelele va wanife po omalalakano avo.
Osho Ombiibeli tai ti shi na sha nekandulepo: “Onda [Jesus] pewa eenghonopangelo adishe meulu nokombada yedu.” — Mateus 28:18.
Kalunga okwa pa Jesus omalombwelo a yela e na sha nokweeta ombili mounyuni nokwe mu pa eenghono doku shi wanifa po. (Johannes 5:22) Jesus ota ka longa alushe pauyuki. (Jesaja 11:3-5) Oshi shii okuudiwa ko, eshi Ombiibeli ya ifana Jesus “Ohamba yOmbili,” oo Ouhamba waye wa kanghamena ‘kouyuki nomwaasho sha yuka.’ — Jesaja 9:6, 7.
Ouhamba waKalunga otau ka eta ombili yashili
Omahangano opanhu e na sha nokweeta ombili otaa dulu okweeta engungumano notashi dulika a xulife po oita yonhumba. Ashike itaa dulu okukufa po oinima oyo hai etifa elongifo leenghono, hano outondwe oo wa mena omidi momitima dovanhu.
Dennis Jett, oo a li nale o-ambassador yaU.S., okwa ti: “Oupyakadi munene ou li pa kutya ombili itai dulu okukalekwa po, molwaashi kai po.”
Shikwao vali, Ouhamba waKalunga oo ashike tau e ta ombili yashili, molwaashi otau kwafele ovanhu va dude mo outondwe oo u li momitima davo. Pashihopaenenwa, didilika kutya eshi Jesus a li kombada yedu, okwa honga ovashikuli vaye nghee ve na okukaleka po ombili nokuulikila vamwe ohole okupitila meendjovo nomeenghatu daye, a ti:
Jesus okwa popya yo kutya ovapangelwa vOuhamba waKalunga otava ka didilikwa mo kohole yavo yokuhola ovanhu vakwao. Ombiibeli oye shi yelifa nawa kutya Ouhamba waKalunga itau ke lididimikila ovo ve tonde ovanhu vakwao, ya ti:
Jehova Kalunga, oo a shita ovanhu vomaludi aeshe, oku shii onghedi ya denga mbada noyo aike onghedi oyo tai e ta ombili kombada yedu. Ouhamba waye otau ka wanifa po osho ovanhu va dopa okuwanifa po, mwa kwatelwa ovo hava longele omahangano e na sha nokweeta ombili.
a Oiwana ya Hangana nosho yo omahangano makwao nao ohaa longifa omautumbulilo a faafana ngaashi “okweeta ombili,” “okupanga ombili,” “okuyambidida ombili” nosho yo “okukaleka po ombili.”
b Jehova edina laKalunga. (Epsalme 83:18) Tala oshitukulwa “Jehova oye lyelye?”
c MuDaniel 7:13, 14, outumbulilo “omona womunhu” otau ulike kuJesus Kristus. — Mateus 25:31; 26:63, 64.
Otashi dulika yo u hafele oikundafanwa ei
OMAHONGO OMBIIBELI A FIMANA
Ouhamba waKalunga oshike?
Eshi Jesus a li kombada yedu, okwa li ha udifa unene kombinga yOuhamba waKalunga. Oule womido, ovashikuli vaye ova kala hava ilikana Ouhamba oo u uye.
OSHUNGONANGELO
Ouhamba waKalunga otau uya okuninga shike?
Jesus okwa li e shii kutya Ouhamba waKalunga oo ashike epangelo tali dulu okukandula po omaupyakadi kombada yedu. Ouhamba waKalunga owa ninga nale shike opo tu kale twe u lineekela?
KOMBINGA YETU
Pula u talelwe po
Kundafaneni kombinga yepulo lopaMbiibeli, ile u lihonge shihapu kombinga yEendombwedi daJehova.
