Inda koshikalimo

Inda koshikalimo

 OSHILESHWA 4

Nghee to dulu okulihonga kombinga yaKalunga

Nghee to dulu okulihonga kombinga yaKalunga

Oto dulu okulihonga kombinga yaJehova mokulesha Ombibeli. Efimbo lonale Kalunga okwa hoolola ovanhu vonhumba opo va shange omadiladilo aye. Nomashangelo oo ohaa ifanwa Ombibeli. Kunena ohatu lihongo kombinga yaKalunga mokulesha Ombibeli. Molwaashi Ombibeli oi na eendjovo ile etumwalaka laJehova, ohai ifanwa yo Eendjovo daKalunga. Ohatu dulu okwiitavela osho tashi popiwa kOmbibeli molwaashi Jehova iha fufya nande. ‘Kalunga iha fufya.’ (Ovaheberi 6:18, OB-1954) Eendjovo daKalunga odo oshili. — Johannes 17:17.

Ombibeli oyo imwe yomeeshali daKalunga di na ondilo odo e tu pa. Oi li ngaashi onhumwafo ya shangwa kutate omunahole a shangela ovana. Otai tu lombwele kombinga yeudaneko laKalunga li na sha nokulundululila edu li ninge onhele iwa nokukala — oparadisa. Otai tu lombwele osho a ninga monakudiwa, naashi ta ningi paife nosho yo osho ta ka ningila ovana vaye ovadiinini monakwiiwa. Otai tu kwafele yo okukandula po omaupyakadi etu nosho yo okumona elao. — 2 Timoteus 3:16, 17.

 Eendombwedi daJehova odi li ookaume kaKalunga; otadi ke ku kwafela opo u ude ko eshi tashi hongwa kOmbibeli. Di lombwela ashike kutya ove owa hala okukonakona Ombibeli. Ihadi pula oimaliwa omolwoshinima eshi. (Mateus 10:8) Kakele kaasho, oto dulu okuuya pokwoongala kwopaKriste. Okwoongala kwa tya ngaha ohaku ningilwa meenhele dokulongela Kalunga hadi ifanwa Omalupale Ouhamba. Ngeenge to kala pokwoongala kwopaKriste, eshiivo loye lokushiiva Kalunga otali ka hapupala neendelelo.

Oto dulu okulihonga kombinga yaKalunga okudja moinima oyo a shita. Pashihopaenenwa Ombibeli otai ti: “Kalunga okwa shita eulu nedu.” (Genesis 1:1) Eshi Jehova a shita “eulu,” okwa shita yo etango. Ndele osho otashi tu hongo shike kombinga yaKalunga? Otashi tu hongo kutya Jehova oku na eenghono dinene. Oye aeke ta dulu okuninga etango li li ngaho li na eenghono dihapu. Otashi tu lombwele yo kutya Jehova omunandunge, shaashi okwa li tashi pula ounongo okushita etango, olo hali yandje omundjene osho yo ouyelele nokali na fiku la pile.

Eshito laJehova otali tu ulikile kutya ye oku tu hole. Diladila kombinga yomaludi e lili naku lili oiimati oo e li kombada yedu. Jehova okwa li ashike ta dulu oku tu pa oludi limwe alike loiimati — ile e he tu pe sha nandenande. Ndele ponhele yaasho, Jehova okwe tu pa omaludi mahapu oiimati ya yoolokafana momifolomo, mounene, momaluvala nosho yo momulyo. Eshi otashi ulike kutya Jehova ke fi ashike Kalunga omunahole ndele oha yandje noku na ko nasha noku li yo omunanghenda. — Epsalme 104:24.