Inda koshikalimo

Inda koshikalimo

Eendemoni ovadipai!

Eendemoni ovadipai!

Satana neendemoni ova kala alushe ovakwanyanya notava eta oshiponga shinene. Mefimbo lonale Satana okwa dipaa oimuna novapiya vaJob omudiinini. Opo nee, ye okwa dipaa ounona omulongo vaJob eshi a etifa “omhepo inene” oyo ya hanauna po eumbo omo va li. Konima yaasho Satana okwa umbila Job “oidinda ii [koshi] yomhadi fiyo kombada yomutwe.” — Job 1:7-19; 2:7.

Pefimbo laJesus, eendemoni oda fitifa ovanhu vamwe ondaka noku va twikifa. (Mateus 9:32, 33; 12:22) Do oda hepeka omulumenhu umwe noku mu ninga a kale te lilengaula mwene nomamanya. (Markus 5:5) Oda kwenifa yo omumati, tadi mu nate po, noku mu “kama neenghono.” — Lukas 9:42.

Mefimbo lonale, eendemoni oda etela ovanhu vamwe omikifi nokunata po vamwe

Kunena, Satana neendemoni ove li natango ovadipai ngaashi shito.  Paushili, oilonga yavo yowii oya hapupala okudja eshi va umbwa mo meulu. Omahokololo mounyuni aushe otaa hepaulula onyanya yado. Do otadi hepeke ovanhu vamwe nomikifi. Vamwe ohadi va ningile nai oufiku, tadi va imbi okukofa ile tadi va twifa eendjodi ditilifa. Vamwe ohadi va longifa nai pamilele. Natango vamwe ohadi va ifa eemwengu, tadi va dipaa, ile ve lidipae.

Kunena eendemoni ohadi ningi ovanhu vamwe va kale ovalongifi vekuni; ohadi ningile nai vamwe oufiku moku va etela eendjodi ditilifa

Lintina, oo ha kala muSuriname, ota ti kutya ondemoni, ile omhepo ii, oya dipaa oilyo 16 yomoukwaneumbo waye noya kala noku mu hepeka oule weedula 18 palutu nopamadiladilo. Moku shi mona mwene ye ota yelifa kutya eendemoni “ohadi hafele okuhepeka fiyo omefyo ovo inava hala okuhepekwa kudo.”

Ndele Jehova ota dulu okwaamena ovapiya vaye komaponokelo aSatana. — Omayeletumbulo 18:10.