Inda koshikalimo

Inda koshikalimo

 OKUKALA OMUKRISTE WASHILI

Dulika komifikamhango daJehova dopaenghedi

Dulika komifikamhango daJehova dopaenghedi

Jehova Kalunga okwa tulila po ovanhu omifikamhango dopaenghedi. Pashihopaenenwa, okwa tota po ohombo i li ehangano tali kalelele pokati komulumenhu nomukainhu. (Mat 19:4-6, 9) Jehova oku tonde oluhaelo loludi keshe. (1Kor 6:9, 10) Okwe tu tulila po yo omifikamhango di nasha nokudjala odo tadi yoolola ko oshiwana shaye kounyuni. — Deut 22:5; 1Tim 2:9, 10.

Kunena ovanhu mounyuni inava fimaneka omifikamhango daJehova. (Rom 1:18-32) Ova efa onghedi yavo yokudjala nelihumbato lavo li nwefwe mo kounyuni ou. Vahapu ohava xumifa komesho owii nokukembaula ovo hava kala metwokumwe nomifikamhango. — 1Pet 4:3, 4.

Tu li Eendombwedi daJehova, natu dulike komifikamhango daKalunga. (Rom 12:9) Ngahelipi mbela? Otu na okukala tu shii osho Jehova a hokwa. Ashike otu na okukala metwokumwe nomifikamhango mokukalamwenyo kwetu. Pashihopaenenwa, ngeenge hatu hoolola osho tu na okudjala, natu lipule kutya: ‘Mbela omidjalo dange otadi fimanekifa ngoo Jehova ile otadi xumifa komesho omhepo younyuni? Omidjalo dange otadi didilikifa nge mo ngoo ndi li omutilikalunga?’ Ngeenge to hoolola oprograma ile eemuvi lipule kutya: ‘Mbela Jehova ota ka tala ko ngahelipi oshinima eshi? Mbela otashi xumifa ngoo komesho omifikamhango daJehova? Mbela otashi dulika omalihafifo ange a ka nghundipaleke elihumbato lange? (Eps 101:3) Mbela otaa pundukifa oukwaneumbo wetu ile vamwe?’ — 1Kor 10:31-33.

Omolwashike sha fimanenena okudulika komifikamhango daJehova dopaenghedi? Mafiku Jesus ota ka hanauna po oiwana noukolokoshi aushe. (Hes 9:4-7) Ovo hava longo ehalo laKalunga ovo ashike tava ka xupa. (1Joh 2:15-17) Onghee hano, natu kale twa lenga omifikamhango daJehova dopaenghedi mokukala tu na elihumbato liwa olo tali fimanekifa Kalunga. — 1Pet 2:11, 12

Okudjala kwange otaku ulike shike shi na sha nomufika wange wopaenghedi?

TALENI OKAVIDIO NINGA KAUME KAJEHOVA OMULUMENHU UMWE, OMUKAINHU UMWE, NDELE TAMU KUNDAFANA OMAPULO TAA LANDULA:

  • Omolwashike sha fimana okukala metwokumwe nomifikamhango daJehova?

  • Omolwashike ovadali va pumbwa okuhonga ovana vavo omifikamhango daJehova dopaenghedi fimbo vanini?

  • Ongahelipi ovakulunhu nounona tava dulu okukwafela vamwe va mone ouwa mouwanghenda waKalunga?