Inda koshikalimo

Inda koshikalimo

 OKUKALA OMUKRISTE WASHILI

Natu xwepopaleke ounghulungu wetu moukalele — Mokukala hatu tifuka

Natu xwepopaleke ounghulungu wetu moukalele — Mokukala hatu tifuka

OMOLWASHIKE SHA FIMANA: Ovavaekwa nosho yo eedi dimwe ohava shivi ovanhu vomaludi aeshe va “tambule omeva omwenyo oshali.” (Eh 22:17) Omeva oo opafaneko oku lile po omafiloshisho aeshe aJehova opahole e na sha nokumangulula ovanhu ovaduliki moulunde nefyo. Opo tu kwafele ovanhu ovo va dja momaputuko nomomalongelokalunga a yoolokafana, otwa pumbwa okuudifa “evaengeli laalushe” monghedi oyo tai dulu okukuma omitima davo pauhandimwe. — Eh 14:6.

NGHEE TO DULU OKU SHI NINGA:

  • Hoolola oshikundafanwa nosho yo omushangwa oo tau kumu omitima dovanhu moshitukulwa sheni. Oto dulu okuhoolola oshihopaenenwa sheenghundafana ile onghedi imwe oyo wa li wa longifa noya pondola. Oikundafanwa nomishangwa dilipi hadi pondola? Mbela ope na oshiningwanima shipe osho shi li momadiladilo ovanhu? Oshike tashi wapalele omulumenhu ile omukainhu?

  • Meenghundafana doye kwatela mo epopifo nosho yo eenghedindjikilile odo da tambulwa ko moshitukulwa sheni. — 2Kor 6:3, 4

  • Kala u shii nawa oishangomwa nosho yo ouvidio ovo ve li moshikefa shetu shokuhonga opo u dule oku pa oo ta ulike ohokwe

  • Kala u na oishangomwa nouvidio vomalaka amwe e lili ovanhu ovo tashi dulika u shakeneke moshitukulwa sheni

  • Lundulula oshikundafanwa shoye she likolelela keemhumbwe domuneumbo. (1Kor 9:19-23) Pashihopaenenwa, oto ka tya shike ngeenge owa didilike kutya omuneumbo opo ashike a filwa umwe oo e hole?

TALENI OKAVIDIO, NDELE TAMU KUNDAFANA OMAPULO TAA SHIKULA:

  • Oshikundafanwa shilipi omuudifi a hovela okukundafana nomuneumbo?

  • Omuneumbo okwa li e li monghalo ya tya ngahelipi?

  • Omushangwa ulipi wa li tau wapalele pomhito oyo, nomolwashike?

  • Ongahelipi to dulu okulundulula etwalemo loye opo li wapalele ovanhu vomoshitukulwa sheni?