Inda koshikalimo

Inda koshikalimo

 OKUKALA OMUKRISTE WASHILI

Xwepopaleka ounghulungu woye moukalele — Udifila ovanhu aveshe moshitukulwa sheni

Xwepopaleka ounghulungu woye moukalele — Udifila ovanhu aveshe moshitukulwa sheni

OMOLWASHIKE SHA FIMANA: Sakaria okwa xunganeka kutya ovanhu vomoiwana aishe otava ka tambula ko onghundana iwa. (Sak 8:23) Ndele mbela olyelye te ke va honga? (Rom 10:13-15) Otu na oufembanghenda noshinakuwanifwa shokuudifila keshe umwe moshitukulwa shetu. — od 84 okat. 10-11.

NGHEE TO DULU OKU SHI NINGA:

  • Lilongekida. Mbela oho shakeneke ovanhu hava popi elaka lihe fi loye? Oto dulu okulongifa o-JW Language u lihonge omatwalemo e li pauxupi. Ile u longife oshikwaelektronika u ulikile omunhu nghee ta dulu okumona ouyelele muhapu ko-jw.org melaka laye

  • Kala wa lungudja. Ngeenge oto longo eumbo neumbo, ino xutwifa omhito yokuyandja oundombwedi kovanhu ovo to piti puvo ile ve li meehauto. Ngeenge ou li meenhele daaveshe, kala to yandje elitulemo opo u dule okuyandja oundombwedi kwaaveshe

  • Longa noudiinini. Shuna komaumbo oko ino hanga ovanhu petalelepo lotete. Kendabala okupopya nomunhu meumbo keshe, tashi dulika momafiku ile peemhito da yoolokafana. Ovanhu vamwe ohatu dulu okukwatafana navo panhumwafo, pangodi ile eshi hatu udifa momapandavanda

  • Ninga omalishuneko. Kala ho shuna kovanhu ovo va ulika ohokwe. Ngeenge omunhu oha popi elaka limwe li lili, kendabala okumona omuudifi a pyokoka oo ta dulu oku mu kwafela melaka laye. Kala ho kwatafana nomunhu oo fiyo osheshi wa mona omuudifi oo ha popi elaka laye. — od 94 okat. 39-40

TALENI OKAVIDIO UDIFA FIYO “OKOMINGHULO DOUNYUNI,” NDELE TAMU KUNDAFANA OMAPULO TAA SHIKULA:

  • Omalongekido elipi ovamwatate novamwameme va ninga opo va dule oku ka udifila koitukulwa oko ihaku longwa? (1Kor 9:22, 23)

  • Omaupyakadi elipi va li va taalela?

  • Omanangeko noupuna elipi va li va hafela?

  • Eenghendabala dilipi hatu dulu okuninga opo tu dule okupopya novanhu vahapu moshitukulwa shetu?