Inda koshikalimo

Inda koshikalimo

 OKUKALA OMUKRISTE WASHILI

Okuudifa nokuhonga okwa fimana mokuninga ovanhu ovahongwa

Okuudifa nokuhonga okwa fimana mokuninga ovanhu ovahongwa

Jesus okwa lombwela ovashikuli vaye va ka ninge ovanhu ovahongwa. (Mat 28:19) Osho osha kwatela mo okuudifa nosho yo okuhonga. Natu kale alushe hatu lipula kutya, ‘Ongahelipi handi dulu okuxwepopaleka onghedi yange moshilonga osho sha fimanenena shokuninga ovanhu ovahongwa?’

OKUUDIFA

Ponhele yokuteelela ovanhu ovo ve uye kufye, natu ka konge ovo va “wana.” (Mat 10:11) Ngeenge hatu kufa ombinga moukalele, mbela ohatu kala ngoo twe lilongekida okupopya novanhu ovo hatu ‘shakene navo’? (Oil 17:17) Lidia okwa ninga omuhongwa eshi omuyapostoli Paulus a li ta udifa nouladi. — Oil 16:13-15.

“Ombuto yoye i kuna ongula, ndele ino tulumukifa eke loye komatango” (Omuud 11:6)

TALENI OKAVIDIO TWIKILA OKUUDIFA NOPEHE NA OKU “EFA” — OUNDOMBWEDI WOHANGELELA, EUMBO NEUMBO, NDELE TAMU KUNDAFANA OMAPULO TAA SHIKULA:

  • Ongahelipi Samuel a ulika kutya okwa li a halelela okukuna eembuto doshili momalipyakidilo aye efiku keshe?

  • Omolwashike tu na okulongifa eenghedi adishe dokuudifa?

  • Oolyelye tashi dulika u na okulombwela etumwalaka lOuhamba momalipyakidilo oye efiku keshe?

OKUHONGA

Okuninga ovanhu ovahongwa, osha kwatela mo shihapu shihe fi ashike oku va pa oishangomwa. Opo tu va kwafele va ninge exumokomesho lopamhepo, otu na okuninga omalishuneko nokukonakona navo Ombiibeli. (1Kor 3:6-9) Ndele ongahelipi ngeenge eenghendabala detu dokuhonga ovanhu oshili yOuhamba inadi eta oidjemo iwa? (Mat 13:19-22) Natu twikile okukonga ovanhu ovo ve na omitima da fa ‘edu liwa.’ — Mat 13:23; Oil 13:48.

“Ame onda twika, Apollos okwa tekela, ndele Kalunga a kulika” (1Kor 3:6)

TALENI OKAVIDIO TWIKILA OKUUDIFA NOPEHE NA OKU “EFA” — MEENHELE DAAVESHE NOSHO YO OKUNINGA OVANHU OVAHONGWA, NDELE TAMU KUNDAFANA OMAPULO TAA SHIKULA:

  • Ongahelipi Solomon naMary va tekela eembuto doshili momutima waHesekiel naAbigail?

  • Oshike shi na okukala elalakano letu ngeenge hatu longifa eenghedi adishe dokuudifa, mwa kwatelwa okuudifila meenhele daaveshe?

  • Ongahelipi hatu dulu okukufa ombinga pauyadi mokuhonga ovanhu oshili?