Inda koshikalimo

Inda koshikalimo

 OSHIPALANYOLE SHOKOMBADA | OMBIIBELI OTAI TI SHIKE KOMBINGA YOVAENGELI?

Ou na ngoo shili omweengeli he ku amene?

Ou na ngoo shili omweengeli he ku amene?

Ombiibeli itai hongo kutya keshe omunhu oku na omweengeli he mu amene pauhandimwe. Oshoshili kutya Jesus pomhito imwe okwa ti: “Litaleni, muha dine nande okamwe komwaava vanini [ovahongwa vaKristus]; osheshi Ame ohandi mu lombwele, ovaengeli vavo vomeulu ohava tale alushe oshipala shaTate meulu.” (Mateus 18:10) Ashike Jesus ka li a hala okutya keshe omunhu oku na omweengeli waye he mu amene, ndele okwa li ashike ta ti kutya ovaengeli ove na ohokwe momuhongwa keshe waye. Onghee hano, ovalongelikalunga vashili ihava katuka eenghatu dihe li pandunge ile ve litule moshiponga, tava diladila kutya ovaengeli vaKalunga otave va amene.

Mbela osho osha hala okutya ovaengeli ihava kwafele ovanhu? Hasho. (Epsalme 91:11) Vamwe ohava kala ve udite filufilu kutya Kalunga okwe va kwafela noku va wilika novaengeli. Kenneth, oo a tumbulwa moshitukulwa shotete, naye osho e udite ngaho. Nonande itatu dulu okutya osho shi li lela ngaho, otashi dulika e li mondjila. Eendombwedi daJehova luhapu ohadi mono oumbangi kutya oda kwafelwa kovaengeli ofimbo tadi udifa. Ashike molwaashi ovaengeli ihava monika, itatu dulu okupopya kutya Kalunga ohe va longifa shi fike peni mokukwafela ovanhu meenghalo di lili noku lili. Ndele nande ongaho, inashi puka okupandula Omunaenghono adishe omolwekwafo keshe olo e tu pa. — Ovakolossi 3:15; Jakob 1:17, 18.