OULUNDE

Kalunga okwa shita ovadali vetu votete, Adam naEva, oshifeka shaye. (Genesis 1:27) Osho osha hala kutya ova li tava dulu okuulika omaukwatya a fa aKalunga, mwa kwatelwa ombili nosho yo ohole. (1 Ovakorinto 14:33; 1 Johannes 4:8) Ashike, Adam naEva kava li va dulika kuKalunga nova li va nyona. Oshidjemo, atushe otwa fyuulula oulunde nefyo. (Ovaroma 5:12) Molwaashi otwa fyuulula oulunde, luhapu ohatu kala tu na omadiladilo mai, naasho ohashi ningifa ovanhu vahapu va longe owii. — Genesis 6:5; Markus 7:​21, 22.

EPANGELO LOPANHU

Kalunga ine tu shita tu kale hatu lipangele fye vene. Ombiibeli oya ti: “Ondjila yomunhu ihai kala mepangelo laye mwene.” (Jeremia 10:​23, KB-13) Omolwetomheno olo, omapangelo opanhu itaa dulu okuxulifa po filufilu oita nomapiyaano.

SATANA NEENDEMONI DAYE

Ombiibeli oya popya kutya “ounyuni aushe ou li mepangelo lomunawii.” (1 Johannes 5:19) ‘Omunawii’ oo oSatana, Ondiaboli noku li omudipai. (Johannes 8:44) Satana nosho yo eendemoni daye ohava nwefwa mo ovanhu, opo va hovele oita nomapiyaano. — Ehololo 12:​9, 12.