Inda koshikalimo

Inda koshikalimo

 OSHO TASHI KWAFELE OVO VA NYIKA OLUHODI

Ouyahame oo hau etifwa koluhodi

Ouyahame oo hau etifwa koluhodi

Kostas okwa ti: “Ame naSophia * otwa kala twa hombola oule womido di dulife 39, eshi a ka kwatwa kouyahame wefimbo lile, oo wa twaalela omwenyo waye. Ookaume kange ova kala hava yambidida nge, naame ohandi kala nde lipyakidila. Ashike oule wodula aishe onda kala nda wililwa po koluhodi. Omaliudo ange okwa kala ashike haa ningi nena onawa, mongula onai. Paife opa pita hanga oule womido nhatu konima eshi a fya, ndele natango omafimbo amwe ohandi kala nda wililwa po koluhodi. Oshinima osho ohashi hange nge ashike ombadilila.”

Mbela owa filwa umwe oo u hole? Ngeenge osho, naave otashi dulika ho kala u udite ngaashi Kostas. Efyo lakaume kopahombo, lomupambele, ile lakaume kopofingo ohali etele omunhu epolimano. Ovashiivinawa, ovo va konakona shi na sha nouyahame oo hau etifwa koluhodi, otava tu kumwe nediladilo olo. Oshitukulwa shimwe tashi hangwa mo-The American Journal of Psychiatry osha popya kutya “ngeenge omunhu oo u hole okwa fi, ovanhu vahapu ohava kala ve udite va kanifa omuholike wavo fiyo alushe, naasho ohashi va etele ouyahame neenghono.” Umwe oo a filwa omunhu oo e hole noku udite ouyahame wa tya ngaho, otashi dulika e lipule kutya: ‘Ofiyo onaini handi kala ndi udite ngaha? Mbela onandi ka kale ngoo nda hafa vali? Openi handi dulu okumona epepelelo?’

Omanyamukulo omapulo oo okwa kundafanwa moshifo eshi Kala oupafi! Oshitukulwa tashi shikula ko otashi ke ku kwafela u mone osho u na okuninga po, ngeenge opo wa filwa umwe oo u hole. Oitukulwa tai ka shikula ko oya kundafana eenghedi odo tadi ku kwafele uha kale wa wililwa po koluhodi.

Otu na elineekelo kutya oitukulwa tai shikula ko otai ka hekeleka nokukwafela ovo va wililwa po koluhodi.

^ okat. 3 Omadina amwe oo e li moitukulwa ei ya pambafana hao ovanhu ovo lelalela.