Inda koshikalimo

Inda koshikalimo

 OSHO TASHI KWAFELE OVO VA NYIKA OLUHODI

Osho tashi dulu okukwafela neenghono ovo va nyika oluhodi

Osho tashi dulu okukwafela neenghono ovo va nyika oluhodi

OSHIKUNDAFANWA SHI NA SHA NOUYAHAME, OMOLWOKUFILWA UMWE OO U HOLE, OSHA KALA NOKUNINGWA OMAPEKAPEKO EFIMBO OPO LA DI KO. Ngaashi twe shi mona nale, Ombiibeli oi na omayele a denga mbada, oo taa dulu oku tu kwafela tu mone ounongo. Osho otashi ulike nghee omayele Ombiibeli a kala nokukwafela ovanhu okudja nale. Ombiibeli oi na omayele mahapu e shii okulineekelwa. Oi na ouyelele muhapu neenghono, oo itau dulu okuhangwa pamwe pe lili notau dulu okuhekeleka ovo va nyika oluhodi.

  • Eshilipaleko kutya ovaholike vetu, ovo va fya, itava mono oixuna

    Ombiibeli oya popya mOmuudifi 9:5 ya ti: ‘Oonakufya inava shiiva nande osha.’ “Omadiladilo avo kae po vali.” (Epsalme 146:4) Ombiibeli oya faafanifa efyo neemhofi. — Johannes 11:11.

  • Okukala neitavelo la kola muKalunga omunahole ohashi hekeleke

    Ombiibeli oya popya mEpsalme 34:15 ya ti: “Omesho Omwene okwe a talifila ovayuki, nomatwi aye okwe a ameka kekwenauko lavo.” Okulombwela Kalunga omaliudo etu okupitila meilikano oshi dulife ehekeleko olo hatu mono, ngeenge hatu popi naumwe, ile onghedi omo hatu pangele omadiladilo etu. Ohashi tu kwafele tu kale tu na ekwatafano lopofingo nOmushiti wetu, oo ha longifa eenghono daye, opo e tu hekeleke.

  • Yandja elitulemo konakwiiwa itunhula

    Diladila kefimbo, eshi ovo ve li meembila tava ka kala vali nomwenyo kombada yedu monakwiiwa! Ombiibeli oya popya lwoikando shi na sha nefimbo olo. Ombiibeli oya yelifa kutya eenghalo kombada yedu otadi ka kala da tya ngahelipi, eshi ya ti kutya Kalunga “ota ka feta po omahodi aeshe momesho [etu], nefyo itali ka kala po vali, ile oluhodi, okulila nouyahame itau ka kala po vali.” — Ehololo 21:3, 4.

Vahapu ovo va itavela muJehova Kalunga, oo e li omushangi wOmbiibeli, ohava pewa eenghono odo tadi va kwafele va ungaunge noluhodi. Ove na elineekelo kutya otava ka mona vali ovaholike vavo ovo va fya. Pashihopaenenwa, Ann, oo a filwa omushamane waye, oo kala naye oule womido 65, okwa ti: “Ombiibeli oya kwafela nge ndi mone kutya oonakufya vetu ovaholike itava mono oixuna nosho yo kutya Kalunga ota ka nyumuna aveshe ovo ve li medimbuluko laye. Osho ohashi kwafele nge ndi dule okuungaunga nonghalo oyo idjuu, ngeenge handi diladila kefyo lomushamane wange.”

Tiina, oo a tumbulwa nale moitukulwa ya pambafana ya tetekela, okwa ti: “Okudja ashike efiku olo Timo a fya, onda mona kutya Kalunga okwa kala nokuyambidida nge. Onda mona nghee Jehova a kala nokukwafela nge pefimbo olo la li lidjuu neenghono. Eudaneko lOmbiibeli li na sha nenyumuko oli li oshinima sholela kwaame. Ohali kwafele nge ndi pule komesho fiyo okefiku olo handi ka mona vali Timo.”

Ouyelele wa tya ngaho, ohau kwafele ovanhu omamiliyona ovo va tomhwa kwaasho Ombiibeli ya popya. Nonande ou udite kutya osho Ombiibeli ya popya kashi fi shoshili, ile ondjodi, konakona kwoove mwene oumbangi u na sha nomayele nosho yo nomaudaneko, oo taa hangwa muyo. Otashi dulika u ka mone kutya Ombiibeli otai dulu okukwafela neenghono ovo va nyika oluhodi.

LIHONGA SHIHAPU SHI NA SHA NETEELELO LOONAKUFYA

Tala ouvidio va pambafana ko-website yetu, yo-jw.org

Ombiibeli oya udaneka shi na sha nonakwiiwa, eshi hatu ka hambelela ovaholike vetu ovo va fya

 OONAKUFYA OVE LI MONGHALO YA TYA NGAHELIPI?

Ohatu kala monghalo ya tya ngahelipi, ngeenge otwa fi? Ombiibeli oi na enyamukulo la yela, tali hekeleke notali tu omukumo

Inda opo pa shangwa ONGULUMAMBO > OUVIDIO (Eengudu douvidio: Ombiibeli)

MBELA OWA HALA OKUUDA ONGHUNDANA IWA?

Mbela openi to dulu okuhanga onghundana iwa mounyuni ou u yadi eenghundana dii? Okavidio aka oketwalemo lokambo Onghundana iwa ya dja kuKalunga!

Inda opo pa shangwa ONGULUMAMBO > OUVIDIO (Ongudu youvidio: Okwoongala noukalele wetu)