Job 4:1-21
4 Elifas, Omuteman, okwa nyamukula, a ti:
2 “Ngeenge umwe okwa kendabala okupopya naave, oto ke lididimika tuu?
Osheshi olyelye ta dulu okulikelela aha popye?
3 Oshoshili kutya owa pukulula vahapu,Nowa kala ho pameke omake a nghundipala.
4 Eendjovo doye oda yambula po keshe umwe ta punduka,Nowa kala ho pameke ovo eengolo davo itadi yukilile.
5 Ndele paife oshe ku ningilwa, nowa wililwa po;*Oshe ku kuma, nowa teka omukumo.
6 Mbela okulongela kwoye Kalunga inaku ku pa elineekelo?
Mbela oudiinini woye inau ku pa eteelelo?
7 Alikana, dimbuluka: Mbela owa uda nale omunhu ehe na etimba a xulifwa po?
Onaini omuyuki a hanaunwa po?
8 Osho nda mona oshosho kutya, ovo hava pulula omapya, omo hamu di osho shii,Naavo hava kunu oupyakadi, otava ka teya sha faafana.
9 Ohava xulifwa po komufudo waKalunga,Nomolwehandu laye, ohava xulu po.
10 Onghoshi ohai kumbu mokule, nonghoshi onyasha ohai kumbu yo,Ndele nokuli nomayoo eenghoshi* dinaenghono okwa teka.
11 Onghoshi ohai fi, ngeenge kape na oshihakanwa,Nounghoshona vonghoshi ohave lihane.
12 Onda etelwa ondjovo meholeko,Noya nongofolelwa mokutwi kwange.
13 Oufiku, eshi eemhofi didjuu da hanga ovanhu,Onda mona omamoniko, oo a piyaaneka omadiladilo ange,
14 Onda hangwa kolukaka lii,La yadeka omakipa ange aeshe nehaluko.
15 Omhepo oya pita koshipala shange;Omundele woshipa shange owa fikama.
16 Opo nee oya fikama ya mwena,Ashike inandi koneka eholokepo layo.
Komesho yange okwa li oshinima;Opa li pa mwena, nonda uda ondaka tai ti:
17 ‘Mbela omunhu wongaho ota dulu ngoo okukala omuyuki e dule Kalunga?
Omunhu ota dulu tuu okukala a yela e dule Omushiti waye?’
18 Tala, ine lineekela ovapiya vaye,Noha mono omapuko movaengeli* vaye.
19 Ongahelipi shi na sha naavo hava kala momaumbo elova,Ovo ekanghameno lavo li li mondwi,Ovo hava nyanyaulwa noupu, ngaashi eenhwishi!
20 Ova nyanyaulwa po filufilu, okudja ongula fiyo okonguloshi;Ova hanauka po fiyo alushe, nokape na oo e shi didilika.
21 Mbela kave li ngaashi etwali, olo ongodi yalo ya nanwa mo?
Ohava fi vehe na ounongo.
