Inda koshikalimo

Ondi na okwiilikana kombinga yashike?

Ondi na okwiilikana kombinga yashike?

Enyamukulo lopaMbiibeli

Oto dulu okwiilikana kombinga yakeshe shimwe, shimha ashike shi li metwokumwe noiteelelwa yaKalunga, ngaashi sha popiwa mOmbiibeli. “Keshe osho hatu mu indile pahalo laye ote tu udu.” (1 Joh. 5:14) Mbela oto dulu okupopya oisho yoye? Heeno. Ombiibeli oya ti: “Mbubulileni [Kalunga] omitima deni.” — Eps. 62:8.

Oihopaenenwa yaasho to dulu okwiilikana kombinga yasho

  • Eitavelo muKalunga. — Lukas 17:5.

  • Omhepo iyapuki, ile eenghono daKalunga tadi longo, opo di ku kwafele u longe osho sha yuka. — Lukas 11:13.

  • E ku pe eenghono, opo u lididimikile omaupyakadi nou finde omashongo. — Ovafilippi 4:13.

  • Ombili yopamadiladilo, ile engungumano. — Ovafilippi 4:6, 7.

  • Ounongo, opo u ninge omatokolo e li pandunge. — Jakob 1:5.

  • Ekwafo leemhumbwe defiku keshe. — Mateus 6:11.

  • Ediminepo lomatimba. — Mateus 6:12.