Inda koshikalimo

Inda kelandulafano etivali

Eendombwedi daJehova

Oshikwanyama

Omundilo wekoshokifo owa tumbulwa mo ngoo mOmbiibeli?

Omundilo wekoshokifo owa tumbulwa mo ngoo mOmbiibeli?

Enyamukulo lopaMbiibeli

Ahowe inau tumbulwa mo. MOmbiibeli inamu tumbulwa outumbulilo “omundilo wekoshokifo,” noitai hongo kutya eemwenyo doonakufya odi li monhele yekoshokifo. * Natu ka taleni osho Ombiibeli tai hongo shi na sha noulunde nefyo, nonghee itai tu kumwe nehongo lomundilo wekoshokifo.

  • Omunhu oha kosholwa omanyono aye omolweitavelo mohonde yaJesus, ndele hakomundilo wekoshokifo. Ombiibeli oya ti kutya ‘ohonde yOmona [waKalunga], Jesus Kristus, otai tu kosho omatimba aeshe.’ (1 Johannes 1:7; Ehololo 1:5) Jesus okwa yandja “omwenyo waye u ninge oikulila yavahapu” opo a futile omanyono etu. — Mateus 20:28.

  • Onaakufya kave na eshi ve shi. “Ovanamwenyo ove shi shii nokutya, ove nokufya. Ndelenee noonakufya inava shiiva nande osha.” (Omuudifi 9:5) Omunhu oo a fya ke na omaliudo asha noita dulu a koshokifwe momundilo.

  • Ngeenge omunhu a fi ita dulu vali okuhandukilwa omolwomanyono aye. Ombiibeli oya ti kutya “ondjabi youlunde oyo efyo” naau “a fya, oye okwa manguluka moulunde.” (Ovaroma 6:7, 23) Efyo olo alike ondjabi youlunde.

^ okat. 3 Embo Orpheus: A General History of Religions ola popya shi na sha nomundilo wekoshokifo la ti kutya “kamu na nande outumbulilo oo mOmavaengeli.” Sha faafana, o-New Catholic Encyclopedia oya ti: “Ehongo lomundilo wekoshokifo oli li ehongo laKatolika le likolelela keenghulunghedi, ndele hakOmishangwa Diyapuki.” — Enyanyangido etivali, Volume 11, epandja 825.

^ okat. 8 Tala o-New Catholic Encyclopedia, Enyanyangido etivali, Volume 11, epandja 824.