Inda koshikalimo

Olyelye a li omukulukadi waKain?

Olyelye a li omukulukadi waKain?

Enyamukulo lopaMbiibeli

Kain, oo a li oshiveli shaAdam naEva, okwa li a hombola ondenge yaye ile omupambele wopopepi. Osho otashi tu eta pexulifo laasho Ombiibeli ya popya shi na sha naKain nosho yo noukwaneumbo wavo.

Oushili u na sha naKain noukwaneumbo wavo

  • Ovanhu aveshe ova dja muAdam naEva. Kalunga “okwa shita oiwana aishe yovanhu [muAdam], opo i kale kombada yedu alishe.” (Oilonga 17:26) Omukulukadi waAdam, Eva, okwa ninga “ina yaaveshe ava ve na omwenyo.” (Genesis 3:20) Osha yela kutya Kain okwa li a hombola umwe womovana vaAdam naEva.

  • Kain nondenge yaye Abel ovo va li ovana votete vaEva. (Genesis 4:1, 2) Eshi Kain a li ta tewatewa eshi a dipaa ondenge yaye okwa ti: “Nakeshe tuu ou ta mono nge, ota ka dipaa nge.” (Genesis 4:14) Kain okwa li a tila oolye ve mu dipae? Ombiibeli oya ti Adam “okwa li e na ovana ovamati noukadona.” (Genesis 5:4) Oumbangi oo otau ulike kutya otashi dulika Kain a li a tila ovamwaina ovo va dalwa kuAdam naEva.

  • Pehovelo londjokonona yovanhu, okuhombola omupambele kasha li sha puka. Pashihopaenenwa, omulumenhu omudiinini Abraham okwa li a hombola ondenge ya dalwa kuxe. (Genesis 20:12) Oshinima osho osha ka xulifwa po kOmhango yaMoses, nonande pefimbo laKain kasha li sha puka. (Levitikus 18:9, 12, 13) Osha fa shi li ngaha kutya ounona ovo va li hava dalwa kovapambele vopopepi elela pefimbo lonale kava li hava dalwa ve na ounghundi ngaashi vokunena.

  • Ehokololo lopaMbiibeli li na sha nondjokonona yaAdam naEva nosho yo oukwaneumbo waye oloshili. Ouyelele u na sha noludalo laAdam itau hangwa ashike membo laGenesis, olo la shangwa kuMoses, ndele otau hangwa yo muEsra nomuLukas. (Genesis 5:3-5; 1 Omafimbo 1:1-4; Lukas 3:38) Ovashangi vamwe vOmbiibeli ova ka tofa mehokololo li na sha nondjokonona yaKain. — Ovaheberi 11:4; 1 Johannes 3:12; Judas 11.