Nghee to dulu okuhoololola okulesha ile okuhalesha ko-sceen

Hoolola elaka

Inda kelandulafano etivali

Inda koshikalimo

Eendombwedi daJehova

Oshikwanyama

Oshike tashi dulu okukwafela oukwaneumbo u kale wa hafa?

Oshike tashi dulu okukwafela oukwaneumbo u kale wa hafa?

Mbela oto diladila kutya . . . 

  • ohole?

  • oimaliwa?

  • oshinima shimwe shi lili?

 OSHO OMBIBELI TAI TI

“Ovanelao ovava tava udu eendjovo daKalunga ndee tave di diinine.” — Lukas 11:28.

OUWA OO TO DULU OKUMONA NGEENGE MOUKWANEUMBO OMU NA OMBILI

Ohole yashili. — Ovaefeso 5:28, 29.

Okukala mwa fimanekafana shili. — Ovaefeso 5:33.

Okukala mwe lineekelafana alushe. — Markus 10:6-9.

 OHATU DULU NGOO OKWIITAVELA OSHO OMBIBELI TAI TI?

Heeno, ohatu dulu omolwomatomheno avali lwaapo:

  • Kalunga oye Omutoti woukwaneumbo. Ombibeli oya ti kutya ‘epata keshe ola lukilwa’ Jehova Kalunga. (Ovaefeso 3:14, 15) Noitya imwe, ohatu dulu kutya elongekido loukwaneumbo oli li po molwaashi Jehova oye e li tota po. Omolwashike osho shididilikwedi?

    Diladila kwaashi: Natu tye nee ngeno oto hafele eendja donhumba nowa hala okuuda oinima oyo ya longifwa okuteleka oikulya oyo, mbela olyelye to pula? Nopehe na omalimbililo, ou na okupula omuteleki.

    Sha faafana, opo tu dule okumona osho tashi dulu okukwafela oukwaneumbo u kale wa hafa, otu na okukonga ekwafo kuJehova, oo a tota po elongekido loukwaneumbo. — Genesis 2:18-24.

  • Kalunga oku na ko nasha naave. Oshi li pandunge komaukwaneumbo okukonga omayele kuJehova, oo a yandja okupitila mEendjovo daye. Omolwashike? ‘Osheshi oye te ku file oshisho.’ (1 Petrus 5:6, 7) Jehova oku na ko nasha naave nomayele aye otaa longo alushe. — Omayeletumbulo 3:5, 6; Jesaja 48:17, 18.

 DILADILA KOMBINGA YAASHI:

Ongahelipi to dulu okukala omushamane, omukulukadi ile omudali e li nawa?

Ombibeli otai nyamukula epulo olo MOVAEFESO 5:1, 2 nosho yo MOVAKOLOSSI 3:18-21.

Lihonga shihapu

Oukwaneumbo weni otau dulu okukala wa hafa

Otamu dulu okukala mwa hafa mohombo nomoukwaneumbo weni ngeenge omwa tula moilonga omafinamhango Ombibeli.