Nghee to dulu okuhoololola okulesha ile okuhalesha ko-sceen

Hoolola elaka

Inda kelandulafano etivali

Inda koshikalimo

Inda koshikalimo

Eendombwedi daJehova

Oshikwanyama

Oukwaneumbo weni otau dulu okukala wa hafa

 Oshitukulwa 8

Ngeenge pa holoka oudjuu

Ngeenge pa holoka oudjuu

‘Omwa hafa, nande paife, ngeenge shi nokuningwa, tamu nyikifwa oluhodi okafimbo komayeleko mahapu.’ — 1 Petrus 1:6

Nonande omwa kendabala mwa mana mo opo mu hafele ohombo yeni nomu kale mu noukwaneumbo wa hafa, otashi dulika pa holoke oinima yonhumba ombadilila oyo tai shi ningifa shidjuu okukala mwa hafa. (Omuudifi 9:11) Kalunga ohe tu kwafele pahole ngeenge tu li momaudjuu. Ngeenge omwa tula moilonga omafinamhango opamishangwa, ove noukwaneumbo weni otamu ka dula okulididimikila nokuli neenghalo odo didjuu neenghono.

 1 LINEEKELA JEHOVA

OSHO OMBIBELI TAI TI: “[Oshisho] sheni shi mu dikeni, osheshi Oye te mu file oshisho.” (1 Petrus 5:7) Dimbuluka alushe kutya Kalunga haye ha etifa omayeleko oo hae ku hange. (Jakob 1:13) Eshi to ehene popepi naye, ote ke ku kwafela monghedi ya denga mbada. (Jesaja 41:10) “Mu mbubulileni omitima deni.” — Epsalme 62:9.

Oto ka hekelekwa yo ngeenge owa kala ho lesha nokukonakona Ombibeli efiku keshe. Oshidjemo, oto ka mona nghee Jehova he “tu hekeleke moudjuu wetu aushe.” (2 Ovakorinto 1:3, 4; Ovaroma 15:4) Okwa udaneka oku ku pa ‘ombili yaye ei i dule eendunge adishe.’ — Ovafilippi 4:6, 7, 13.

OSHO TO DULU OKUNINGA:

  • Ilikana kuJehova e ku kwafele u kale wa ngungila nokudiladila nawa

  • Tala kutya oshike to dulu okuninga po nokuninga etokolo li li pandunge

2 LIFILA OSHISHO NOUKWANEUMBO WENI

OSHO OMBIBELI TAI TI: “Omutima womunaendunge tau likola eshiivo, nokutwi kwovanongo taku kongo eshiivo.” (Omayeletumbulo 18:15) Shiiva ouyelele aushe oo wa kwatelwa mo. Tala kutya oilyo aishe youkwaneumbo weni oya pumbwa shike. Popya navo nokupwilikina kuvo. — Omayeletumbulo 20:5.

Ongahelipi ngeenge owa filwa omuholike woye? Ino kala wa tila okulila. Dimbuluka kutya nokuli naJesus ‘okwa li a lila.’ (Johannes 11:35; Omuudifi 3:4) Kala ho fuwa nosha fimana yo okukala ho kofa sha wana. (Omuudifi 4:6) Kungaho, otashi ka kala shipu kwoove okuungaunga nonghalo inyikifa oluhodi.

OSHO TO DULU OKUNINGA:

  • Fimbo inapa holoka oudjuu, kala ho kundafana pandjikilile noukwaneumbo weni. Opo nee, ngeenge opa ka holoka omaupyakadi, otashi ka kala shipu kuvo okupopya naave.

  • Popya naavo va li monghalo ya fa yeni

 3 KONGA EKWAFO OLO WA PUMBWA

OSHO OMBIBELI TAI TI: “[Kaume kashili, NW] oku hole alushe, nomumwaina omulumenhu ta dalwa, a kwafe moluhepo.” (Omayeletumbulo 17:17) Ookaume koye ova hala oku ku kwafela, ashike otashi dulika vehe shii kutya owa pumbwa ekwafo lilipi. Nomolwaasho, va lombwela kutya owa pumbwa lela shike. (Omayeletumbulo 12:25) Konga ekwafo lopamishangwa kwaavo ve udite ko Ombibeli. Omayele oo tave ku pe okudja mOmbibeli otaa dulu oku ku kwafela. — Jakob 5:14.

Oto ka mona ekwafo olo wa pumbwa ngeenge owa kala ho endafana pandjikilile novanhu ovo ve na shili eitavelo muKalunga nove lineekela momaudaneko aye. Oto ka hekelekwa yo ngeenge owa tu omukumo ovo va pumbwa etwomukumo. Lombwela vamwe kombinga yeitavelo loye muJehova nosho yo omaudaneko aye. Kala we lipyakidila nokukwafela ovanhu ovo va pumbwa ekwafo noino litukula ko kovanhu ovo ve ku hole nove na ko nasha naave. — Omayeletumbulo 18:1; 1 Ovakorinto 15:58.

OSHO TO DULU OKUNINGA:

  • Popya nakaume koye kopofingo nokudimina e ku kwafele

  • Mu lombwela eemhumbwe doye dokondadalunde, to popi oinima i li paushili

Lihonga shihapu

Omolwashike Kalunga a efa oukolokoshi nokumona oixuna ku kale po?

Oukolokoshi owa hovela naini, nomolwashike Kalunga a pitika u twikile? Okumona oixuna otaku ka xula po ngoo?