Inda koshikalimo

Inda kelandulafano etivali

Inda koshikalimo

Eendombwedi daJehova

Oshikwanyama

Oukwaneumbo weni otau dulu okukala wa hafa

 Oshitukulwa 9

Longeleni Jehova mu li oukwaneumbo

Longeleni Jehova mu li oukwaneumbo

“Linyongameneni ou a shita eulu nedu.” — Ehololo 14:7

Ngaashi we lihonga mokambo aka, mOmbibeli omu na omafinamhango mahapu oo tae ke ku kwafela nosho yo oukwaneumbo weni. Jehova okwa hala u kale wa hafa. Okwa udaneka kutya ngeenge owa kala wa pitifa komesho oku mu longela, oto “wedelwa ko ei aishe.” (Mateus 6:33) Okwa hala shili u ninge kaume kaye. Longifa omhito keshe oyo to mono opo u kulike ekwatafano liwa naKalunga. Oo oo oufembanghenda munenenene oo ovanhu ve na. — Mateus 22:37, 38.

 PAMEKA EKWATAFANO LOYE NAJEHOVA

OSHO OMBIBELI TAI TI: ‘Ohandi ningi Xo yeni, onye notamu ningi ovamwange ovamati noukadona, Omwene osho ta ti.’ (2 Ovakorinto 6:18) Kalunga okwa hala u ninge kaume kaye kopofingo. Eilikano olo onghedi imwe omo to dulu okupanga oukaume naye. Jehova ote ku shivi u ‘ilikane uhe nedimbuko.’ (1 Ovatessaloniki 5:17) Okwa halelela okuuda omaliudo nomalipulo oye omomutima. (Ovafilippi 4:6) Ngeenge to ilikana pamwe noukwaneumbo woye, otau ka mona kutya owa tala ko shili Kalunga e li omunhu wolela ile hasho.

Kakele kokupopya naKalunga, owa pumbwa yo okupwilikina kuye. Osho oto dulu oku shi ninga mokukonakona Eendjovo daye noishangomwa ya kanghamena kOmbibeli. (Epsalme 1:1, 2) Dilonga kwaasho we lihonga. (Epsalme 77:12, 13) Okupwilikina kuKalunga okwa kwatela mo yo okukala pokwoongala kwopaKriste pandjikilile. — Epsalme 122:1-4.

Okupopya navamwe kombinga yaJehova oko onghedi imwe ya fimana omo to dulu okupameka ekwatafano leni naye. Apa ngoo pe fike okukala to popi kombinga yaye, opo ngoo tapa ka kala pe fike okukala u udite wa ehena popepi elela naye. — Mateus 28:19, 20.

OSHO TO DULU OKUNINGA:

  • Litulila po efimbo efiku keshe lokulesha Ombibeli nokwiilikana

  • Mu li oukwaneumbo, kaleni mwa pitifa komesho oinima yopamhepo ponhele yokupitifa komesho omalihafifo

2 HAFELA ELONGELOKALUNGA LOUKWANEUMBO WENI

OSHO OMBIBELI TAI TI: “Eheneni kuKalunga, opo nee Ye ta ehene kunye.” (Jakob 4:8) Litulilei po efiku lelongelokalunga loukwaneumbo nokukala hamu li ningi pandjikilile. (Genesis 18:19) Ashike omwa pumbwa okuninga shihapu. Onghalamwenyo yeni yakeshe efiku nai ulike kutya omu na ekwatafano naKalunga. Pamekeni ekwatafano la tya ngaho mokukala hamu popi kombinga yaye ngeenge mu li ‘omutumba meumbo ile fimbo mu li mondjila nongeenge tamu ka nangala nongeenge tamu penduka.’ (Deuteronomion 6:6, 7) Litulila po elalakano lokuninga ngaashi Josua, oo a ti: “Ame neumbo lange hatu ka longela Omwene.” — Josua 24:15.

OSHO TO DULU OKUNINGA:

  • Litulileni po elandulafano lokulideula pandjikilile, tamu shi ningi she likolelela keemhumbwe doshilyo keshe shoukwaneumbo

Lihonga shihapu

OOLYELYE TAVA LONGO EHALO LAJEHOVA KUNENA?

Elongelokalunga lOukwaneumbo oshike?

Lihonga nghee elongekido olo tali dulu oku ku kwafela u ehene popepi naKalunga nou pameke ekwatafano loukwaneumbo weni.

Ombibeli otai hongo lela shike?

Nghee to dulu okuxumifa komesho ehafo moukwaneumbo weni

Ohole oyo Jesus a ulika oi li oshihopaenenwa osho ovashamane, ovakulukadi, ovadali nosho yo ounona tava dulu okulandula. Oshike hatu lihongo kuye?