Nghee to dulu okuhoololola okulesha ile okuhalesha ko-sceen

Hoolola elaka

Inda kelandulafano etivali

Inda koshikalimo

Inda koshikalimo

Eendombwedi daJehova

Oshikwanyama

Ouhamba waKalunga otau pangele!

Kolumosho: Oukwaneumbo waBetel koBrooklyn owe lixula okudana Okrismesa mo 1926; Kolulyo: Vamwe ohave shi didilike mo kutya Eendombwedi daJehova oda yooloka ko kovanhu momudingonoko

 OSHITUKULWA 3

Omifikamhango dOuhamba—Nghee tu na okukonga ouyuki waKalunga

Omifikamhango dOuhamba—Nghee tu na okukonga ouyuki waKalunga

 NATU tye nee owa didilika kutya mushiinda shoye okwa kala ta konenene oukwaneumbo weni. Fiku limwe eshi wa pita peumbo lavo, nye tamu popifafana, lwopokati opo okwe ku pula kutya, “Omolwashike mwa yooloka ko kovanhu momudingonoko?” Ove owe mu pula kutya, “Twa yooloka ko ngahelipi?” Ye okwa nyamukula ta ti: “Shuude nye Eendombwedi daJehova, hasho? Omwa yooloka filufilu. Elongelokalunga leni ihali ningi ngaashi omalongelokalunga makwao, pashihopaenenwa, ihamu dana omafiku omafudo, ihamu kufa ombinga moinima yopapolotika noihamu i koita. Ihamu nu omakaya. Navali, oukwaneumbo weni otau monika u na eenghedi diwa. Oshike she mu ningifa mu kale mwa yooloka ko ngaho?”

Enyamukulo lepulo olo ole likolelela koshinima eshi: Ohatu dulika komifikamhango dOuhamba waKalunga. Ohamba yOuhamba oo, Jesus, ohai tu kwafele alushe tu kale twa koshoka. Ohai tu kwafele tu shikule oshikoti shayo, nokungaho ohatu kala twa yooloka ko kounyuni ou wa kolokosha. Moshitukulwa eshi, ohatu ka mona nghee Ouhamba wopaMessias wa kwafela oshiwana shaJehova shi kale sha koshoka pamhepo nopaenghedi noshi ninge omalunduluko opahangano, opo shi dule oku mu fimanekifa.

MOSHITUKULWA ESHI

ETUKULWA 10

Nghee Ohamba ya koshola pamhepo ovashikuli vayo

Ope na ekwatafano lashike pokati kOkrismesa nomushiyakano?

ETUKULWA 11

Otu na okukala twa koshoka paenghedi—Kalunga omuyapuki

Oukololo vovanangeli nomikala dokuya motembeli yomemoniko laHesekiel odi na eityo le likalekelwa koshiwana shaKalunga okudja mo 1914.

ETUKULWA 12

Nghee twa unganekwa tu longele “Kalunga kombili”

Omolwashike Ombibeli ya popya kombinga yekondjifafano pokati kedongakano nombili ndele hanelandulafano? Nenyamukulo ola kuma ngahelipi Ovakriste kunena?