Nghee to dulu okuhoololola okulesha ile okuhalesha ko-sceen

Hoolola elaka

Inda kelandulafano etivali

Inda koshikalimo

Inda koshikalimo

Eendombwedi daJehova

Oshikwanyama

Ouhamba waKalunga otau pangele!

Kolumosho: Omumwameme womoAlabama, mOilongo ya Hangana yaAmerika, ta ulike okangalo koshipopiwa shomumwatate Rutherford osho a li a yandja lwopexulilo lomido 1930 nasha; Kolulyo: Switzerland

 OSHITUKULWA 1:

Oshili ina sha nOuhamba—Okuyandja eendja dopamhepo

Oshili ina sha nOuhamba—Okuyandja eendja dopamhepo

 DILADILA nee ngeno omukonakonimbibeli woye te ku tale nonghumwe eshi a uda ko eityo lomushangwa oo mwa lesha naye. Ndee ta ti, “Owa hala okutya, Ombibeli otai hongo kutya ohatu dulu oku ka kala moparadisa fiyo alushe, oku kombada yedu?” Oo tamu longo pamwe naye okwe limemesha ndele ta ti, “Ombibeli otai ti ngahelipi?” Ndele omukonakoni ta piki komutwe nonghumwe inene ta ti, “oshikumwifi shili, osho inandi shi uda nande onale!” Opo nee owa dimbuluka kutya okwa li e linyenga monghedi ya faafana oivike opo ya di ko eshi a li e lihonga oshikando shotete kutya edina laKalunga oJehova.

Mbela owa shakeneka nale onghalo ya tya ngaho? Vahapu vomoshiwana shaKalunga ove i shakeneka. Ope na oinima inini oyo tai dulu oku tu dimbulukifa noupu shi na sha noshali ya denga mbada oyo twa pewa: eshiivo lokushiiva oshili! Lipula kutya, osha enda ngahelipi opo oshali ya tya ngaho i fike kwaame? Ohatu ka kundafana shi na sha nepulo olo moshitukulwa eshi. Onghedi omo oshiwana shaKalunga sha ninga exumokomesho meudeko loinima yopamhepo oi li oumbangi kutya Ouhamba waKalunga ou li wolela. Moule wefelemido, Ohamba yOuhamba oo, Jesus Kristus oya kala tai shilipaleke kutya oshiwana shaKalunga osha hongwa oshili.

MOSHITUKULWA ESHI

ETUKULWA 3

Jehova okwa holola elalakano laye

Ouhamba owa li ngoo wa pumbiwa pehovelo opo elalakano laKalunga li wanifwe po? Jesus okwa li a yandja ouyelele ulipi u na sha nOuhamba?

ETUKULWA 4

Jehova okwa tumbalekifa edina laye

Ouhamba owa pondola shike shi na sha nedina laKalunga? Oho yapulifa ngahelipi edina laJehova pauhandimwe?

ETUKULWA 5

Nghee Ohamba ya yandja ouyelele u na sha nOuhamba

Ova li va uda ko nawa osho sha kwatelwa mo mokukala ovadiinini kOuhamba, ovapangeli novapangelwa vao, nosho yo oiteelelwa yao yokukala ovadiinini.