Nghee to dulu okuhoololola okulesha ile okuhalesha ko-sceen

Hoolola elaka

Inda kelandulafano etivali

Inda koshikalimo

Inda koshikalimo

Eendombwedi daJehova

Oshikwanyama

Ouhamba waKalunga otau pangele!

Kolumosho: Omumwameme omutandavelifi womambo ta udifa muKorea mo 1931; Kolulyo: Nghee eembolo tadi udifilwa melaka lokuudika muKorea kunena

 OSHITUKULWA 2

Oilonga yokuudifa Ouhamba—Nghee onghundana iwa tai tandavele mounyuni aushe

Oilonga yokuudifa Ouhamba—Nghee onghundana iwa tai tandavele mounyuni aushe

 NATU tye nee oto lilongekidile okuya moukalele ongula yefiku olo ino ya koilonga yokulikongela omboloto, ndele to kanghama po oule wokafimbo, u udite wa loloka. Otashi dulika u udite kutya ongula oi li omhito iwa yokufuwa po! Ndele to ilikana kombinga yasho nowa tokola okuya. Opo nee owa ka longa nomumwameme omunamido noku li omudiinini, ndele omaukwatya aye ngaashi elididimiko nonheni okwa kuma omutima woye. Fimbo ta mu udifa etumwalaka loshili eumbo neumbo, owa dimbuluka kutya ovamwatate novamwameme mounyuni aushe navo otava udifa etumwalaka la faafana, tava longifa oileshomwa ya faafana nohava mono ouwa nedeulo la faafana. Eshi wa alukila keumbo, ou udite u na eenghono, nowa hafa eshi wa pondola okuya moukalele!

Kunena, oukalele wopaKriste ou li oshilonga sha fimana shOuhamba waKalunga. Jesus okwa popya kutya momafiku axuuninwa oilonga yokuudifa otai ka tamunuka mo monghedi ikumwifi. (Mat. 24:14) Ongahelipi exunganeko laye la kala tali wanifwa? Moshitukulwa eshi, ohatu ka kundafana kombinga yovanhu, eenghedi nosho yo oilongifo oyo ya kala tai dana onghandangala ya fimana moukalele wopaKriste notai kwafele ovanhu omamiliyona mounyuni va shiive kutya Ouhamba waKalunga ou li oshinima sholela.

MOSHITUKULWA ESHI

ETUKULWA 6

Ovaudifi—Ovakalele ovo hava longo nehalo liwa

Omolwashike Jesus a li e lineekela kutya ota ka kala e na etangakwaita lovaudifi ovo tave mu yambidida nehalo liwa momafiku axuuninwa? Ongahelipi to dulu oku ulika kutya oto kongo tete Ouhamba?

ETUKULWA 7

Eenghedi dokuudifa—Eenghedi di lili naku lili odo hadi longifwa okuudifila ovanhu

Lihonga kombinga yeenghedi dipe odo hadi longifwa koshiwana shaKalunga opo shi dule okuudifila ovanhu vahapu onghundana iwa fimbo exulilo inali uya.

ETUKULWA 8

Oilongifo oyo twa kala hatu longifa moilonga yokuudifa—Oileshomwa oyo ya nyanyangidilwa ovanhu moukalele

Oilonga yetu yokutoloka otai ulike ngahelipi kutya Jesus ote tu yambidida? Okunyanyangidwa nokutandavelifwa kwoileshomwa yetu otaku ulike ngahelipi kutya Ouhamba ou li epangelo lolela?

ETUKULWA 9

Oidjemo yokuudifa—‘Omapya okwa pya okuteywa’

Jesus okwa honga ovahongwa vaye oilihongomwa ivali ya fimana i na sha neteyo linene lopamhepo. Oilihongomwa oyo oye tu kuma ngahelipi kunena?