Inda koshikalimo

Inda koshikalimo

Eendombwedi daJehova

Hoolola elaka Oshikwanyama

 ETUKULWA 7

Oshungo yaBabel

Oshungo yaBabel

Konima yEyelu, ovanamati vaNoa novakulukadi vavo ova li va dala ounona vahapu. Ounona vavo ova enda tava kulu nokwa li va hovela okulihanena nounyuni aushe, ngaashi Jehova a li e va lombwela.

Ashike ovanhu vamwe kava li va dulika kuJehova. Ova ti: “Ileni, fye tu litungileni oshilando noshungo ile, onhele yayo i twe keulu. Tu liningileni edina liwa.”

Jehova ka li a efa ovanhu ovo va twikile noilonga yavo molwaashi ka li e i hokwa. Mbela ou shii kutya okwa li a ninga po  shike? Okwa li a dongakanifa elaka olo va li hava popi ndele tava hovele okupopya omalaka a yoolokafana. Kungaho, ovatungi ovo kava li va li tava dulu okuudafana, nomolwaasho ova li va xulifa po oilonga yavo yokutunga. Oshilando osho va li tava tungu osha ka lukwa Babel, osho tashi ti: “Edundakano.” Okudja opo ovanhu ova li va fiya po Babel ndele tave lihanene nounyuni aushe. Ashike nokeenhele dipe oko va li va ya, ova li va twikila okulonga owii. Ndele mbela opa li ngoo pe na ovo va li ve hole natango Jehova? Ohatu ka mona enyamukulo metukulwa tali landula ko.

“Ou te linenepeke ota ninipikwa, ndele ou te lininipike ota nenepekwa.” — Lukas 18:14