Inda koshikalimo

Inda koshikalimo

Eendombwedi daJehova

Hoolola elaka Oshikwanyama

 ETUKULWA 2

Kalunga ta shiti omulumenhu nomukainhu wotete

Kalunga ta shiti omulumenhu nomukainhu wotete

Jehova okwa li a ninga oshikunino monhele hai ifanwa Eden. Oshikunino osho osha li shi yadi eengala, omiti noinamwenyo. Nokonima Kalunga okwa li a shita omulumenhu wotete, Adam, okudja mondwi yedu nokwe mu fudila meyulu omufudo womwenyo. Mbela ou shii kutya oshike sha li sha ningwa po? Omulumenhu okwa ninga omunhu e na omwenyo. Jehova okwa li a lombwela Adam a file oshisho oshikunino noku luke oinamwenyo aishe omadina.

Jehova okwa li a pa Adam omalombwelo a fimana. Okwa li a lombwela Adam a ti: ‘Lya komiti adishe domoshikunino, ndele komuti wokushiiva ouwa nowii, ino u lya. Osheshi efiku tuu olo to li oshiimati shao, oto ka fya.’

Lwanima, Jehova okwa ka tya: ‘Ame ohandi ka ningila Adam omukwafi.’ Jehova okwa li a kofifa Adam eemhofi didjuu, nokwa kufa olupati laAdam  ndele ta shiti omukainhu okudja molupati olo. Omukainhu oo okwa lukwa Eva. Adam naEva ova li ovalihomboli votete. Adam okwa li e uditile ngahelipi omukulukadi waye? Okwa li a hafa unene ndele ta ti: ‘Tala osho Jehova a ninga okudja molupati lange. Heeno, omukainhu ou okwa fa nge shili.’

Jehova okwa li a lombwela Adam naEva va dale ounona nokuyadifa edu. Okwa li a hala va kale tava hafele oilonga yavo eshi va li tava longo edu alishe li ninge oparadisa ile oshikunino shiwa, ngaashi oshikunino shaEden. Ashike oinima inai ka enda vali ngaashi ya li ina okukala. Omolwashike mbela? Ohatu ke lihonga shihapu metukulwa tali landula.

“Omushiti okwe va shita pehovelo omulumenhu nomukainhu.” — Mateus 19:4