Nghee to dulu okuhoololola okulesha ile okuhalesha ko-sceen

Hoolola elaka

Inda kelandulafano etivali

Inda koshikalimo

Inda koshikalimo

Eendombwedi daJehova

Oshikwanyama

Ombibeli otai hongo lela shike?

OSHIWEDELWAKUO

Nghee exunganeko laDaniel la xunganeka okuuya kwaMessias

Nghee exunganeko laDaniel la xunganeka okuuya kwaMessias

OMUPROFETI Daniel okwa li ko pa pita omido di dule 500 fimbo Jesus ina dalwa. Ndele Jehova okwa li a hololela Daniel ouyelele oo wa li tau ka dulifa ovanhu va shiive kutya efimbo lilipi Jesus a li ta ka vaekwa, e li Messias ile Kristus. Daniel okwa li a lombwelwa taku  ti: “Kala u shi shii, ove u ude: kokudja kondaka oyo, kutya Jerusalem oshi nokuwapekwa nokutungululwa, fiyo okOmwene Omuvaekwa oku noivikemido i-7. Ndele oivikemido 62 ngenge ya pita, otashi ka wapekwa nokutungululwa.” —  Daniel 9:25.

Opo tu mone kutya Messias okwe uya naini, tete otwa pumbwa okushiiva ehovelo lefimbo olo tali twala fiyo opokuuya kwaye. Paxunganeko, efimbo olo ola hovela ‘okudja kondaka oyo kutya Jerusalem oshi na okuwapekwa nokutungululwa.’ Onaini ‘ondaka’ oyo ya popiwa? Pamushangi wOmbibeli Nehemia, ondaka i na sha nokutungulula omakuma aJerusalem oya popiwa “momudo omuti-20 wohamba Artasasta.” (Nehemia 2:1, 5-8) Ovanandjokonona  otava koleke kutya epangelo laArtasasta ola hovela mo 475 K.O.P. Onghee hano, omudo omuti-20 wepangelo laye owa li 455 K.O.P. Exunganeko laDaniel li na sha naMessias ola hovela okuwanifwa momudo oo 455 K.O.P.

Daniel okwa ulika kutya efimbo olo la twala fiyo opokuuya ‘kwOmwene Omuvaekwa’ okwa li tali ka kala lile shi fike peni. Exunganeko ola tumbula ‘oivikemido i-7, noivikemido 62’ — aishe kumwe oivikemido 69. Efimbo olo oli na oule u fike peni? Oshivikemudo keshe oshi lile po omido heyali. Ediladilo loivikemido ola li li shiivike kOvajuda vomefimbo lonale. Pashihopaenenwa, ova li hava dana omudo wEshabata momudo keshe omutiheyali. (Exodus 23:10, 11) Onghee hano, oivikemido 69 yopaxunganeko oi li omido 7 da hapupalifwa lwo-69, sha hala okutya omido 483.

Osho tu na okuninga paife okuvalula. Ngeenge otwa valula omido 483 okudja mo 455 K.O.P., otashi tu twala fiyo omomudo 29 O.P. Oo oo naanaa wa li omudo omo Jesus a ninginifwa nokwa ninga Messias. * (Lukas 3:1, 2, 21, 22) Mbela osho kashi fi ewanifo lididilikwedi lexunganeko lOmbibeli?

^ okat. 2 Okudja 455 K.O.P. fiyo omomudo 1 K.O.P. ope na omido 454. Okudja momudo 1 K.O.P. fiyo omomudo 1 O.P. omudo umwe. Okudja mo 1 O.P. fiyo omo 29 O.P. ope na omido 28. Okuweda kumwe omivalu odo nhatu (454 + 1 + 28) otaku tu pe omido 483. Jesus okwa li a “dipawa” mo 33 O.P., pefimbo loshivikemudo oshiti-70. (Daniel 9:24, 26) Tala embo Pay Attention to Daniel’s Prophecy!, etukulwa eti-11, nosho yo oInsight on the Scriptures, Embo 2, epandja 899-901. Aeshe okwa nyanyangidwa kEendombwedi daJehova.