Nghee to dulu okuhoololola okulesha ile okuhalesha ko-sceen

Hoolola elaka

Inda kelandulafano etivali

Inda koshikalimo

Inda koshikalimo

Eendombwedi daJehova

Oshikwanyama

Embo lange lomahokololo Ombibeli

OSHITUKULWA 7

Okudja pokunyumunwa kwaJesus fiyo opokutulwa kwaPaulus modolongo

Okudja pokunyumunwa kwaJesus fiyo opokutulwa kwaPaulus modolongo

Jesus okwa li a nyumunwa koufi mefiku etitatu konima yokufya kwaye. Mefiku olo, okwa li e lihololela ovashikuli vaye lwoikando itano. Okwa kala te ve lihololele oule womafiku 40. Nokonima yomafiku oo, ovahongwa vaJesus vamwe ova li ve mu mona eshi ta londo ta i meulu. Konima yomafiku omulongo okudja eshi Jesus a ya meulu, Kalunga okwa li a tilila ovashikuli vaJesus omhepo iyapuki ovo va li va teelela muJerusalem.

Konima yefimbo, ovatondi vaKalunga ova li va idililifa ovayapostoli modolongo, ndele omweengeli wonhumba okwa li e va mangulula mo. Omuhongwa Stefanus okwa li a dipawa nomamanya kovapataneki. Ohatu ke lihonga shi na sha nanghee Jesus a li a hoolola umwe womovapataneki ovo, ndele ta ningi omupiya waye e likalekelwa. Omulumenhu oo okwa ka ninga omuyapostoli Paulus. Konima yomido nhatu netata okudja eshi Jesus a fya, Kalunga okwa li a tuma omuyapostoli Petrus a ka udifile Kornelius noukwaneumbo waye. Kornelius ka li Omujuda.

Eshi pa pita omido 13 lwaapo, Paulus okwa li a hovela olweendo laye lotete loutumwa. Pefimbo lolweendo laye olutivali, ova li va ya pamwe naTimoteus. Ohatu ke lihonga nghee Paulus novaendi pamwe naye va li va hafela oimoniwa itunhula moshilonga shavo shokulongela Kalunga. Lwanima, Paulus okwa li a idililwa modolongo muRoma. Okwa ka mangululwa modolongo konima yomido mbali. Hauxuuninwa, okwa ka tulwa vali modolongo nokudipawa. Oiningwanima aishe oyo ya hokololwa moshitukulwa eshi oshi-7 oya ningwa moule womido di dule 32 lwaapo.

 

MOSHITUKULWA ESHI

EHOKOLOLO 102

Jesus a nyumuka

Eshi omweengeli a kufa ko emanya kombila yaJesus, ovakwaita ovo va li ve i nangela ova li va kuminwa osho va li ve wete meni.

EHOKOLOLO 103

Jesus te lihololele ovahongwa vaye fimbo va li monduda ya patwa

Omolwashike ovahongwa vaJesus va li inave mu dimbuluka mo konima eshi a nyumuka?

EHOKOLOLO 104

Jesus ta shuna meulu

Fimbo Jesus ina londa meulu, okwa li a pa ovahongwa vaye oshipango shaxuuninwa.

EHOKOLOLO 105

Ovahongwa vaJesus va teelela muJerusalem va tililwe omhepo iyapuki

Omolwashike Jesus a li a tilila ovahongwa omhepo iyapuki pOpentekoste?

EHOKOLOLO 106

Ovayapostoli tava mangululwa modolongo

Ovawiliki vomalongelokalunga Ovajuda ova li va tula ovayapostoli modolongo opo va efe po okuudifa, ndele Kalunga kali e shi pitika.

EHOKOLOLO 107

Stefanus ta dipawa nomamanya

Stefanus okwa li a ilikana eilikano le likalekelwa ofimbo a li ta dipawa.

EHOKOLOLO 108

Saulus ta i kuDamaskus

Onghalamwenyo yaSaulus oya li ya lunduluka eshi a uda ondaka ya dja meulu naashi a mona ouyelele oo wa li we mu ninga omupofi pakafimbo.

EHOKOLOLO 109

Petrus ta talele po Kornelius

Mbela Kalunga oha tale ko ovanhu vomuhoko umwe ile voshiwana shimwe ve li xwepo ve dule vakwao?

EHOKOLOLO 110

Timoteus ta ningi omulongi pamwe naPaulus

Timoteus okwa li a ya a ka longe pamwe naPaulus molweendo litunhula lokuudifa.

EHOKOLOLO 111

Omumati umwe oo a li a kwatwa keemhofi

Eutikus okwa li a kwatwa keemhofi fimbo Paulus a li ta yandje oshipopiwa shaye shotete, ndele hapefimbo loshipopiwa oshitivali. Pokati koipopiwa oyo ivali opa li pa ningwa oshikumwifilonga.

EHOKOLOLO 112

Oshikepa ya tekela konhunhu

Eshi ovanhu aveshe va li va fa ve li pokufya, Paulus okwa li a tuminwa etumwalaka kuKalunga olo la li le mu kwafela a kale e na eteelelo.

EHOKOLOLO 113

Paulus a etwa muRoma

Paulus okwa li a dula ngahelipi okulonga oilonga yaye e li omuyapostoli ofimbo a li modolongo?